الموضوع: الاخوان و العوا و الرئاسة

رأيي المتواضع

انا شايف ان دكتور حازم إداري كويس ..
أنا اعرف انه عنده مكتب محاماة في وسط القاهرة شغال على اربعة اقسام ومنها منازعات دولية
وكان عضو في نقابة المحامين ومسك اكثر من جمعية .. وادار اكثر من نشاط واثبت براعة في ذلك

وبعدين مش مهم كل دا .. ممكن حضرتك تسمع كلامه وفكره واحكم -هو ليه اكثر من لقاء-

وطبعا لك مطلق الحرية

أنا عن نفسي كنت هنتخب دكتور البرادعي
بس لما سمعت الدكتور حازم .. مش عارف ليه حاسس انه المرشح الوحيد اللي عنده رئية كاملة لكافة المجالات
دا غير انه رجل فاهم كويس في الإقتصاد وكنت بستغرب ازاي هو دارس قانون وقوي كمان في الاقتصاد .. واكتشفت ان زوجته خريجة اقتصاد كمان

دا غير انه رؤيته المستقبلية كويسة جدا .. ورجل ليس عليه غبار (يعني دكتور البرادعي ايا كان عليه كلام كتير -سواء صح او لا بس في كلام كتير عليه- ) وبعدين عنده رؤية شمولية اوسع من دكتور البرادعي .. وعنده رؤية اقتصادية
ومحدد هيعمل ايه
وعنده برنامج انتخابي بيعمله على مدار 25 سنة على ما أظن

رجل بحث معظم اتفاقيات مصر الدولية وحدد نقاط القوى والضعف فيها
عنده رؤى عديدة في مجال الري والصرف
عنده دراية قوية جدا بأحوال البلد وشعبها (اسف دكتور البرادعي اشك انه عنده ذات الرؤية)

دكتور حازم بيتميز بالوضوح الكامل وعدم التمييع علاوة على اتجاهه الديني وقال لا اقبل البلد يكون فيها حرام .. وقال الحرام المقصود هو الذي لا يختلف عليه اثنين .. أما المختلف فيه دا هيبقى بإختيار كل فرد

الدكتور حازم والده عضوز في البرلمان 4 دورات وجده نفس الكلام ووالد جده كان في مجلس الشيوخ
كان بيسافر للخارج يتابع الانتخابات والمناظرات بين المرشحين عشان يدرسها عن قرب

طبعا غير كياسته الشديدة وابتسامته الدائمة اللي بتبرز مدى هدوئه وقدرته على التحاور .. أنا شايف بجد احنا متاجين رئيس بهذا الهدوء والكياسة عشان يستحمل الضغط اللي هيحصل

عشان كدا انا معجب بيه إلى الآن
وشايف انه الأفضل من وجهة نظري المتواضعة

وعموما الفيصل هيكون للبرنامج .. وأعتقد هيكون برنامج الشيخ حازم الأقوى وهو متكتم عليه جدا
بس هو كل الي صرح بيه
انه اول ميكمسك إن شاء الله هيعمل 10 مشاريع قومية
وهيعين 3 نواب محدد اختصاصهم من الآن ومحدد الاشخاص كمان
هيعمل اول فترة على القضاء على البطالة واشاعة الألفة بين المواطنين .. وقال انا لا اتحمل مصري يقول انا هسيب البلد .. لو حد ساب البلد انا مستعد ابعت طيارة وراه تجيبه او اجيبه بنفس (مش فاكر)
وقال هدفي لو نجحت في اول 4 سنين .. انشر الوئام بين الشعب ووتكون 4 سنوات من الألفة يظل يتذكرها الجميع
وليعرف الناس معنى العدل والتسامح
حتى شعار حملته " معا نعيد بناء الأمجاد"