الموضوع: الاخوان و العوا و الرئاسة

فكر الاخوان في الأساس هو الاصلاح التدريجي. والتغيير في رأيهم يجي من تحت لفوق.

الفرد المسلم ثم الأسره المسلمه ثم البيت المسلم ثم المجتمع المسلم ثم الحكومه المسلمه ثم الدوله المسلمه ثم الخلافه المسلمه ثم أستاذية العالم

لذلك كانوا صابرين ومتحملين تنكيل النظام السابق ... وكانوا بيحاولوا يصلحوا وفي نفس الوقت يقللوا التصادم مع النظام.

الثورة مكانتش في أدبياتهم خالص.

فجأة، لاقوا ثورة وبقو الأقرب للحكم. كونهم الأقرب للحكم وكونهم في الأساس غير صداميين مع الحاكم خلاهم أقل القوى السياسية انتقادا للمجلس العسكري.

نيجي بقى للكلام عن مرشحين الرئاسة
دكتور عبد الفتوح مش رجل دين ... هو رجل سياسة بمرجعية دينية.
طبيب ترك ممارسة الطب واشتغل في العمل الاداري (في اتحاد الأطباء العرب) لسنين طويلة.
هو الوحيد من المرشحين الثلاثة الاسلاميين الذي له خبرة ادارية.

دكتور سليم العوا محامي ومفكر ... مفيش خبرة ادارية (على كلامه شخصيا)
حازم صلاح أبو اسماعيل محامي وداعية ... مفيش خبرة ادارية (على حد علمي)

أنا معجب بموقف الدكتور عبد الفتوح وحازم أبو اسماعيل من ناحية انتقاد أداء المجلس.
مواقف دكتور سليم بعد الثورة من المجلس العسكري والتعديلات الدستورية محزنة ... وكون الاخوان حثوه (زقوه) عشان يترشح لغرض ضرب دكتور عبد المنعم بعد ما أعلن انه لن يترشح أبدا لأي عمل سياسي شي محزن.

و ماذا عن الدكتور البرادعى ...... أقدرهم جميعا على الأدارة و التنفيذ

واجهة ديبلوماسية مرموقة ...... و رجل ذو رؤية و نظرة مستقبلية

المشاركة الأصلية كتبت بواسطة تامر.محمد

انا متفق مع نوارة نجم بخصوصه
مسئولي حملته حرقوه و آذوه اكتر ما افادوه

كلهم اشخاص للأسف رغبتهم التحامي وراه للوصول لأي مكاسب و خلاص

مش كان الجمل منهم تقريبا ؟
و الغزالي حرب ؟

للأسف ضروه

بص حاقولك على حاجة ...... البرادعى جاى من بعيد اوى ..... مابدأش السباق من على نفس الخط مع المرشحين التانيين

اسهل حاجة ...... انك تقدم مرشح مش معروف اوى ..... او معروف بس مالوش أعداء ...... و تبدأ تلفت الناس ليه وتعرفهم بيه

لكن البرادعى ...... كان عليه ضغط دائم ...... و هو محاولته دائما تبييض صورته مما لحقها من أذى على ايد النظام السابق

هو مرحليا ..... نجح فى ده الى حد كبير ..... دلوقتى تسمع ناس كتير بتقول ...... هو راجل محترم بس مش حنتخبه ...... احترم البرادعى جدا و لكنه ليس مرشحى الأول

ده نجاح كويس حاليا ...... المرحلة اللى جاية محاولة تغيير و جهة نظر الناس دى و الناس اللى لسه ما خدتش قرار

عارف فى اى استطلاع رأى ...... لازم يبقى فيه نعم او لا او لا اعرف

اهم حاجة هى نسبة لا اعرف ...... كل ما كانت النسبة دى كبيرة كل ما كان الأمل فى التغيير قائم ....... الأمل قى اجتذاب شريحة كبيرة من بتوع لا أعرف أكبر

و انا معاك ان فى ناس كتير متسلقة مستخبية ورا البرادعى ...... بس زى ما قلت مش دى النهاية

لسه بدرى على انتخابات الرئاسة ...... اللى انا شخصيا نفسى تبقى دولة برلمانية و ما تفرقش ساعتها مين اللى حييجى رئيس

معلش انا عملت غلطة انا كتبت موضوع الادارى على عبد المنعم ابو الفتوح بالغلط لانى ضفت الكلام بعد ما كنت كتبت تحت شوية فرجعت كملت الكلام فوق فكتبتها بالغلط , كان قضدى على حازم ابو اسماعيل فعلا انا متفق جدااا
حازم ابو اسماعيل على حد علمى برده و الله اعلم مفيش خبرة ادارية
العوا قال معرفتش ادير 9 موظفين
انا شايف ان احسنهم اداريا عبد المنعم ابو الفتوح و معتدل برده

و ماذا عن الدكتور البرادعى ...... أقدرهم جميعا على الأدارة و التنفيذ

واجهة ديبلوماسية مرموقة ...... و رجل ذو رؤية و نظرة مستقبلية

انا بتكلم على الاسلاميين بس انما انا شخصيا هرشح البرادعى ان شاء الله بس بشوف مين احسن الاسلاميين , بعد الثورة العوا سقط من عينى تماما بسبب تصريحاته عن المجلس العسكرى بيقول عليهم نوارة الاعينو الكلام دا و دعوته لفض الاعتصام و وصفه المطالبين بالدستور الاول بشياطين الانس و برده مش حاسه ديموقراطى اوى , بعدين على لسانه لا يصلح اداريا.

الشيخ حازم ابو اسماعيل مكنتش اعرفه بس كلامه ممتاز جدا بس انا قولت عايز ادارى يقدر يدير البلد اقتصاديا.

عبد المنعم ابو الفتوح فى رايى احسن الاسلاميين و دا اللى انا بقوله فى الموضوع و الله اعلم.

متفق معك و لي تعليق علي الاخوان
ان الاخوان كانوا كذلك دائما قبل الثورة و بعدها .. انفصال بين مكتب الارشاد و جماهير الاخوان
علشان كده اشوف رجال و شباب الاخوان اقول الله اكبر ... اسمع تصريحات مكتب الارشاد يجلي صدمة عصبية
فانا لا افهم نوع السياسية التي يمارسها قيادات الاخوان و اين ذلك من المرجعية و الخلفية الدينية لهم

بالظبط انا شايف كدا برده و اللى بيخرج من الاخوان بيخرج بسبب مكتب الارشاد
مع انى شايف ان خيرت الشاطر كلامه متزن جدا و الراجل مهندس و عنده شركات ناجحة و كدا و محبوب عند الاخوان على ما اعتقد

فى كتير فى الاخوان لو مكانش معظمهم فكرهم كويس اوى بس بيصطدم بفكر ناس فى مكتب الارشاد و دا اللى مدايقنى برده ان يبقى فى مرجعية غير منتخبة يعنى انا بنتخب نواب الاخوان مثلا و هما يرجعوا لمكتب الارشاد اللى انا منتخبتوش علشان يقرروا رايهم فى موضوع