مهندس محمد Eng:mohamed
اسمح لى بالتعليق على مشاركتك اللى فوق
الموضوع مش انحياز لشفيق
لكن انحياز لافكار وقناعات معينة تصب دوماً فى الهجوم على الحكومة والمجلس العسكرى
مهندس محمد Eng:mohamed
اسمح لى بالتعليق على مشاركتك اللى فوق
الموضوع مش انحياز لشفيق
لكن انحياز لافكار وقناعات معينة تصب دوماً فى الهجوم على الحكومة والمجلس العسكرى
بمناسبة شغله فى المطار فيه مهازل هندسية وقاعات مقفولة بسبب الهبوط الارضى
ولما يبيع طيارة الشركة وياجر طيارات
ده انتوا تسموه انجازات
وللوائات اللى نهبين الشركة على اساس انها مكافئة نهاية الخدمة
يا ناس حرام عليكوا
يابشمهندس محمد
النبرة والتخوين بدء يتجه لعصام شرف دلوقتي ومعظم الأشخاص ألي كانت بتأيده وقلبت على شفيق بدءت تقلب على شرف وأحنا برضه مؤيدي شفيق سابقا ألي بندافع عن شرف الموضوع مش أشخاص الموضوع رؤية متكاملة لمصلحة بلد في ظروف أستثنائية
النظام كله كان مليء بالفساد وحتى المواطن العادي خالص ألي كان بيطلع رشوة علشان مايقفش في طابور فهو فاسد
الموضوع أكبر بكثير من أشخاص بعينها
يعني في حوت
في قرش
في سمكة
عايز تطهير كامل يبقى نهد الدولة ونجيب ضلفها ونعيش في خيام بقه ونبنيها من جديد تاخد 100 سنة بقه مش مشكلة :grin54:
تحياتي ياهندسة
طب تسمحلي ارد انا عليك
سيادتك هو هيجي ميري ليه احنا بنقول قائد القوات الجوية سابق مش حالي
و البدلة سيادتك تعتبر عهده بتتسلم
و نظرا لأنه قائد القوات الجوية سابقا و حاصل ع لقب قائد شرفي
يبقي اعتقد من حقه يحضر و ده المعروف
و مازالت مش شايف اي مشكلة في الموضوع انه يحضر
الناس بس اللي بتحب تولع الدنيا هم اللي مسكوا فيها لازم نخلي بالنا من اللي بيولعوها بدل ما نروح ننفخ معاهم في النار و نصب بنزين
شوفو الموضوع الكارثي ده والمؤامرات ألي كثير مش عايزين يصدقوها وألي هدفها حاجة من 2 على المدى القصير
-أفساد الثورة وحلم الديمقراطية والأصلاح
-تطاحن فئات المجتمع وأنهيار الداخلية والجيش........خراب
http://www.nilemotors.net/Nile/232038-a.html ("آنا باترسون "سفيرة جهنم فى مصر - إستمتعوا .... فالأسوأ قادم)
شكرا علي التوضيح
دلوقتي عندنا موضوع فيه 50 مشاركة بيناقش ازاي المجلس العسكري يسمح لشفيق بحضور حفل تخرج القوات الجوية و اتحدي ان اي واحد من المعترضين يعرف المعلومات اللي حضرتك قلتها عن البروتوكولات العسكرية...و رغم الجهل بتلك البروتوكلات بقي من حق الجميع الاعتراض لمجرد الاعتراض....يعني الناس بقت بتتكلم في اللي ما تفهمش فيه و كل واحد فاكر نفسه فاهم كل حاجة و نظرية المؤامرة بقت منتشرة بصورة مستفزة
ده مثال لحاجات كتير بنشوفها دلوقتي سواء في الاقتصاد و السياسة و القضاء...كل واحد بيتكلم و هو مش فاهم هو بيتكلم عن ايه...كله عمال ينقل و خلاص اي حاجة يحس انها بتثبت وجهة نظره...و خد بقي رغي و جدال و خناقات للصبح في المنتديات و الفيسبوك و مواقع الاخبار...هو ده بقي حال البلد دلوقتي
نفس الكلام...اللي معترض انه مش لابس ميري ما يعرفش قواعد الزي في الجيش بس هو حب يعترض و خلاص...حقه؟ الوطنية و الثورية بتتقاس دلوقتي بالاعتراض علي اي حاجة
مش فاهم ايه وجه المقارنة بين حسني و شفيق؟
حسني مبارك محبوس احتياطيا علي ذمة قضية هايحضر ازاي؟ يا ريت تقولي لو سمحت!
شفيق مش محبوس و لم يتم ادانته في اي قضايا
أنا لما جبت سيرة اللبس الملكي..كنت بهزر و الله
شفيق لم يتم التحقيق معاه و يظهر ان الملفات هتفضل فى الدرج كتير .اقتباس:
مش فاهم ايه وجه المقارنة بين حسني و شفيق؟
حسني مبارك محبوس احتياطيا علي ذمة قضية هايحضر ازاي؟ يا ريت تقولي لو سمحت!
شفيق مش محبوس و لم يتم ادانته في اي قضايا
مبارك تم التحقيق معاه و حبسه احتياطيا و لم يدان. هو اتحبس بعد التحقيق معاه
عموما هقترح على حضرتك اسامى تانية ترشحها للرئاسة فى عمر سليمان و عاطف عبيد و فاروق حسنى و عائشة عبد الهادى و سامى عبد العزيز سكرتير الرئيس و فى طبعا ناس تانية كتير تنفع
انا عارف والله انك كنت بتهزر و كلامي مش موجهه لحضرتك بس لو ماكنتش قلتها هزار اكيد كان في حد هايتفتق ذهنه و يقولها بجد عشان يفحمنا و يثبت نظرية المؤامرة
و ممكن حد بعد شوية يحلل الصورة و يطلع ان المشير كانت بيبتسم لاحمد شفيق و نستنتج من كده ان الجيش هايساند شفيق في الانتخابات...و يالا بينا علي الميدان الثورة بتضيييييييع
اتفضل يا سيدي
بدوي: شفيق يتقرب للمشير
كتب – أحمد حمدى:
وصف الدكتور ثروت بدوى الفقيه الدستورى، ظهور الفريق أحمد شفيق فى احتفالات تخريج دفعة جديدة من الكلية الجوية بجوار المشير محمد حسين طنطاوى القائد الأعلى للقوات المسلحة بمحاولة دعم شائعات ترشحه لرئاسة الجمهورية.
وأضاف بدوى فى تصريخات لـ"بوابة الوفد" أن شفيق حاول رسم صورة جديدة أمام الشعب توضح قدرته على العمل العام من خلال استناده على قادة الدولة فى هذه المرحلة.
وانتقد بدوى استمرار المجلس العسكرى فى إقامة احتفالات ومراسم بالية ليس لها مثيل فى أى بلد ديمقراطى، فضلا عن عدم وجود سند دستورى أوقانونى لإقامتها قائلا :"المجلس العسكرى يضيع الوقت دون النظر إلى الأعباء الضخمة التى تقع على كاهله".
http://www.alwafd.org/index.php?opti...#axzz1RgV9xwqr
مش بارتاح للراجل ده بتاع البنبون
قبل ما نتكلم ونشوف احمد شفيق ده كويس ولا وحش على اساس الجرايد وبرامج التوك شو نسأل الناس اللى يفهموا فى مجالهم على سبيل المثال ليا واحد صاحبى دفاع جوى قالى انه راجل مش فاهم حاجه ومطارات القاهره فيها عيوب كتير بس احنا بننبهر من الشكل الخارجى للمطار وخلاص عشان الناس اللى فلقانا بانجازاته الرهيبه محسسنى انه عمل مطار هيثرو مثلا
الناس بتعلق على موضوع تاني ولا إيه !!!!!!!!!!!!!!!!!!
كده برده تفتحو موضوع عن الراجل ابو موتوسيكل ومحدش ينده عليا
مبدئيا
اسيبكم مع مقال قديم للدكتور محمد المخزنجى بعنوان سرطان زجاج
الموضوع ده انا نقلته قبل كده فى وقتها
لكن باين انه بيفرض نفسه من جديد
فالصورة الزيتية لا تبدو عيوبها من بعيد
لكن لما تقرب منها تبان عيوبها كلها
عايزين تعرفو قصدى ايه
اقروا المقال كويس
المقال كان توقيته فترة تولى الفريق شفيق لرئاسة الوزراء
اترككم مع المقال
لوهلة الأولى بهرنى مبنى الركاب «الجديد» رقم 3 كما بهر كثيرا من الناس وقلت فى نفسى أنه ربما يكون ممكنا أن يولد شىء طيب من رحم نظام ردىء، وبدأت أفكر فى الدكتور أحمد شفيق الذى أشرف على إنجاز هذا المبنى وغيره من تطويرات مطار القاهرة ومطارات أخرى كاستثناء محتمل فى نظام الاستبداد والفساد المخلوع، فالرجل يبدو أنيقا رقيقا وحاصلا على درجة دكتوراه مرموقة، لكننى مع تكرار ذهابى إلى ذلك المبنى مسافرا ومستقبلا راح يساورنى شىء من الشك فى وجود «حاجة غلط» فى هذا المبنى الباذخ وما وراءه، وكان سرطان الزجاج الذى رأيته فى آخر زيارة لى للمطار وقد ضرب أحد الألواح الكبيرة فى واجهة المبنى البلورى بمثابة ضوء كاشف لما ساورنى من شكوك.
بداية أقرر أننى كثيرا ما كنت أفكر فى خلطة النظام الساقط كتكوين من عنصرين، عنصر إجرامى يمارس الفساد بوعى فيخطط له ويدبر ويربِّط ويُنفِّذ، وإلى هذا العنصر ينتمى ناهبو أرض الدولة ولصوص الخصخصة وأبواق النفاق ومُزورو الانتخابات ومُلفقو القوانين ومُحركو عصابات البلطجة وأشباح تنظيم الترويع الأمنى السرى الذى تردد أنه كان يُدبّر بواسطة وريث الغفلة وخبرة وجوه معتقة الإجرام السياسى والأخلاقى عايشت كل العهود.
أما العنصر الثانى فى خلطة ذلك النظام فقد يكون حسن النية لكنه يصب بممارساته فى دائرة التدمير العام نتيجة مجاراته لما هو سائد من حوله ولــــو بشــكل لا شعورى أو نتيجة منطق خاطئ فى تسييره للأمور التى بحوزته، وفى النهاية يكشف ما كان مبهرا من أعماله عن وجه آخر كان خافيا عنه هو نفسه، خفاء سرطان الزجاج وراء السطوح البراقة!
و«سرطان الزجاج» تعبير له مرادفات أخرى مثل «التهشُّم الذاتى للزجاج» أو «كعب أخيل البلور»، وهو يرتبط تحديدا بالزجاج «المُقسَّى» المستخدم فى السيارات وواجهات الأبنية الحداثية، والمفارقة أن تقسية هذا الزجاج هى المنفذ السرى الذى يتسلل منه هذا السرطان، ويحوِّل شفافية الزجاج الفاخر فيما بعد، ودون أى سبب خارجى، إلى عتامة بيضاء لهشيم مُعلَّق يتكون من شظايا متجاورة فى شكل يماثل عش عنكبوب كثيف وشديد الخطورة إذا انهار بثقلة وحوافه الحادة وزواياه المسنونة على من يقع فى مرمى انهماره.
منذ 45 سنة ومع تكرار ظهور حوادث التحطم الذاتى لزجاج واجهات الأبنية العالية الحديثة فى الشمال المتقدم، بدأ البحث عن سر هذه الظاهرة، وتوصل الباحثون إلى أن مرجعها وجود شوائب متناهية الصغر من بلورات كبريتيد النيكل فى قلب الزجاج المُقسَّى، وهى تنتج بفعل حرارة الصهر المرتفعة من تفاعل الكبريت المستخدم فى صناعة الزجاج مع النيكل الذى ربما تكون مصادره معادن أوانى حفظ المادة الخام أو أدوات النقل أو الأفران أو البواتق الملتهبة.
هذه الشوائب الدقيقة من بلورات كبريتيد النيكل لها خاصية استثنائية، فهى تتمدد مع انخفاض حرارتها، ويحدث أن البلورات المتكونة فى حرارة مرتفعة أثناء التصنيع تكون ساخنة وفى حالة انكماش، وتظل على انكماشها بالرغم من عملية التبريد السريع بأدشاش الماء البارد للألواح الساخنة فى مرحلة التقسية، فالزجاج مادة محدودة التوصيل للحرارة، لهذا لا يصل التبريد السريع بكفاءة إلى قلب الزجاج الذى يكون سميكا فى العادة، ولا يحدث تغيُّر لبلورات كبريتيد النيكل المنكمشة فى الأعماق.
لكن مع الوقت والذى يصل أحيانا إلى بضع سنوات، تصل البلورات إلى درجة التبريد بينما تكون ألواح الزجاج معلقة فى أطر الواجهات أو السيارات، فتتمدد، وتُحدِث كل بلورة مُتمدّدة شرخا فى المادة الصلبة من حولها، ويتوالد من هذا الشرخ الأولى شروخ تمتد وتدور مفتتة لوح الزجاج ومحولة إياه إلى هشيم شديد الخطورة ينتظر لمسة صغيرة أو هبة هواء ليضرب الوجوه أو ينهمر على الرءوس والأعناق !
هكذا كشفت لى عتمة لوح الزجاج المتسرطن فى الواجهة البلورية للمطار الجديد ما أعتقد أنه جرثومة فى منطق تشييد هذا المبنى بالطريقة التى شُيِّد بها، وهى جرثومة شاعت فى إعمار وإقفار سياسات وممارسات النظام السابق، ولا أعنى هنا الممارسات الإجرامية التى مارسها مجرمون حقيقيون بوعى وخبث وتدبير شيطانى من سلب ونهب وتزوير وترويع ونفاق وكذب، بل أعنى الممارسات الخاطئة ولو بحسن نية فيما تصور أصحابها أنهم يحسنون بها صنعا بينما كانوا يسيئون، ودليلى على ذلك منطق تشييد مبنى الركاب رقم 3 فى المطار الجديد.
طبعا سيسارع البعض متسائلين باستنكار: وهل كان المطلوب أن نتخلف عن العالم فلا نمتلك مطارا مدنيا جديدا حديثا أو شبكة مطارات على شاكلته تليق بمقام مصر السياحى والحضارى؟ وهو سؤال لن يكون إلا سطحيا وينبغى الرد عليه بما هو أعمق، فالمسئول المسئول لا يمكن له أن يؤدى عملا حسنا حقيقيا إلا من خلال وعى شامل وعميق وصادق بواقع أمته، يجعله يرتب الأولويات بلا مجاملة ولا تصنع ولا مماشاة لذوق التسلط الفاسد الذى كان سائدا، ولابد من مراعاة منطق التنمية المستدامة فى كل ذلك، مع النظر بعين الاعتبار، كل الاعتبار، للحفاظ على البيئة من حيث ترشيد استهلاك الطاقة على وجه الخصوص. ومبنى الركاب رقم 3 فى المطار الجديد الذى أنجزه الدكتور شفيق كان يجافى ذلك. كيف؟
لقد انتشر استخدام الزجاج كمادة تشييد فى الأبنية الحداثية فى الغرب والشمال المتقدم عموما بمنطق مقنع، لأنها بلدان باردة الطقس والزجاج المُقسَّى والمزدوج خصوصا مفيد فى الاحتفاظ بالحرارة المتولدة عن طريق التدفئة الصناعية داخل الأبنية وقتا أطول ومن ثم يوفر فى استهلاك الطاقة أما فى المواسم القصيرة المشمسة هناك، فيكفى تفتيح النوافذ المدروسة فى تصميمها اتجاهات الريح للحصول على تهوية طبيعية أو تكييف بدرجات قليلة تقتصد فى استهلاك الطاقة. أما لدينا، فالعكس بالعكس تماما!
ففى مناخ حار معظم أوقات السنة تحوِّل الواجهات الزجاجية جوف الأبنية إلى صوبات زجاجية تتراكم فيها الحرارة وتزهق الأرواح فلا يكون هناك ملاذ إلا باستخدام التكييفات الصناعية بكثافة تلتهم المزيد من الطاقة التى هى ناضبة لدينا أو مبيعة بالعمالة والعمولة وبأبخس الأسعار لأعداء لم يثبت أبدا أنهم يريدون لنا أى خير. وهذا الاستهلاك العالى للطاقة يناظره تلويث موازٍ للبيئة. كما أن تشييد مبنى كهذا بمواد مستورَدة بأثمان باهظة ويتحتم تجديدها كالزجاج المُقسَّى، فهو معبَر مفتوح ليس لتلوث البيئة هذه المرة، بل لتلوث الضمائر، وترويج كذب المظاهر!
نعم كذب، ففى دولة مثل مصر بثقلها السكانى الكبير كان ينبغى أن تكون الأولوية للتنمية الزراعية التى تطعم الناس كفاف خبزهم، لكن قصر نظر المنطق الخاطئ فى التنمية، كما اللامنطق الفاسد فى عمليات السلب والنهب، تآزرا لتكون الأولوية لقطاع البناء المجافى فى مجمله لخصوصية وسلامة البيئة، ومعه السياحة العشوائية والصناعات التجميعية التافهة والأخرى شديدة التلويث للبيئة والنهمة فى استهلاك الطاقة التى كانت مدعومة للمحاسيب بقرارات الاستبداد والفساد كصناعات الأسمنت والأسمدة والحديد التى كانت عيونها الجشعة لا تتطلع إلا إلى الخارج لتصدير منتجاتها، وإيداع عوائدها فى البنوك الأجنبية.
مبنى الركاب رقم 3 فى المطار الجديد لم يخرج عن إطار تلك المنظومة للحكم السابق وإن فى أفضل جوانبها. وبرغم احترامى لأناقة وطاقة الدكتور شفيق فى أدائه السابق إلا أننى أشك فى قدرته على قيادة حكومة إنقاذ، فمصر فى حاجة لحكومة إنقاذ قبل أى شىء آخر، حكومة تأخذ بجوهر الجوهر وبأولويات الأولويات الآن، أمنا وطعاما وعدلا وحرية، وتطوُّعا مُنكِرا للذات فى مهمة تضحية أولا وأخيرا، حكومة إنقاذ لا يكون وزراؤها مأمورين بل مُجادلين بالحق ومقاتلين فى صدق وحُسن الأداء.
لا أحد يتمنى لأحد فشلا فيما يمكن أن يؤدى إلى خير الأمة، حتى لو كانت وزارة يرفضها مثلى عقلا وعاطفة، خاصة فى ذلك الفاصل الزمنى بين الألم الكبير والأمل الكبير، لكن إذا كان هناك بُدٌ مما ليس منه بُد، فليكن هناك إعلان وزارى عما تعتزم هذه الوزارة إنجازه ومواقيت الإنجاز ودور كل وزير فى ذلك، فبغير ذلك لن يكون هناك غير أبنية معطوبة فى منطق تشييدها وإن تكن براقة الواجهات، وفى قلب بلورها المُخايل تختبئ شوائب بلورات كبريتيد النيكل كقنابل موقوتة تُفجِّر سرطان الزجاج
المقال خلص
ممكن تقروه تانى
و بعدين نتكلم
يا باشا من غير ما اقراه...شفيق ده أنا متبري منه ليمد الدين
يمكن انت فهمتنا غلط
الهدف من الموضوع بيان عدم و جود تربيطات سياسية ما بين المشير و شفيق بحجة ان شفيق معزوم على الحفلة...على الأقل
بس كده
تصدق انا زعلان منك
بقى اخد تاكسى لغاية ال d
و اطلع الملف
و افتحه بالورد
و انقله
و ارجع اخد تاكسى تانى
واحط المقال
و بعدين متقراش المقال
طب اقراه مرة عشانى
ولا مرتين
هى عليك بفلوس
على فكره نقل الموضوع وتعليقات الناس اللى الصورة استفزتها بغرض
بغرض ايه
انه لو فيه حد عنده نيه للتربيط
يفك اللى هو ربطه
و ياخد المفك والمساميرو الصواميل يرميهم
عشان ميفكرش فى موضوع التربيط ده تانى
بمناسبة الشك
تفتكروه تصنيف الفريق شفيق على صفحة الاستفتاء اللغز بتاع القوات المسلحة دلوقتى بقى الكام
اللهم اخزيك يا شيطان
يا جماعة بلاش شك
روحو بصو على تصنيف الراجل على موقع الاستفتاء المريب ( لا بلاش المريب مشيها الغامض) الاول
و بعدين نتكلم
تقبل تحياتى
http://www.nilemotors.net/Nile/Arabi...t-top-left.gif اقتباس http://www.nilemotors.net/Nile/Arabi...-top-right.gif
http://www.nilemotors.net/Nile/Arabi...ot-by-left.gif المشاركة الأصلية كتبت بواسطة amado ibrahim http://www.nilemotors.net/Nile/Arabi...t-by-right.gif
http://www.nilemotors.net/Nile/Arabi...p-right-10.gif
تصدق انا زعلان منك
بقى اخد تاكسى لغاية ال d
و اطلع الملف
و افتحه بالورد
و انقله
و ارجع اخد تاكسى تانى
وتاخد تاكسي ليه...مش كنت تقولي استناك بدل المشورة
واحط المقال
و بعدين متقراش المقال
طب اقراه مرة عشانى
عشانك بس
ولا مرتين
هى عليك بفلوس
على فكره نقل الموضوع وتعليقات الناس اللى الصورة استفزتها بغرض
بغرض ايه
انه لو فيه حد عنده نيه للتربيط
يفك اللى هو ربطه
و ياخد المفك والمساميرو الصواميل يرميهم
عشان ميفكرش فى موضوع التربيط ده تانى
على كده الجيش يمشي على الحبل بقى عشان يرضي الكل
بمناسبة الشك
تفتكروه تصنيف الفريق شفيق على صفحة الاستفتاء اللغز بتاع القوات المسلحة دلوقتى بقى الكام
اللهم اخزيك يا شيطان
يا جماعة بلاش شك
روحو بصو على تصنيف الراجل على موقع الاستفتاء المريب ( لا بلاش المريب مشيها الغامض) الاول
و بعدين نتكلم
تقبل تحياتى
http://www.nilemotors.net/Nile/Arabi...t-bot-left.gif
http://www.nilemotors.net/Nile/Arabi...-bot-right.gif
:majd(4)::36_2_33::36_2_33:
ظهور أحمد شفيق بجوار المشير طنطاوي والفريق سامي عنان استجابه لمطالب الثوار بتكريم الشهداء بصفته شهيد حرب
الراجل ده قتل واتقتل يا جدعان
يا باشا اللى بيشتغل فى السياسة لازم يبقى عنده احساس بنبض الشارع
هافكرك بجملة للفاروق عمر بن الخطاب رضى الله عنه
( أعضل بي أهل الكوفة ما يرضون بأمير ولا يرضاهم أمير ).
و طبعا قصة تغيير الفاروق رضى الله عنه للامراء على العراق وفقا لرغبات اهل العراق (ولو كانت خطأ معروفة)
و تدل على الفكر السياسى السابق لعصره للفاروق رضى الله عنه
مقلهمش احنا عايزين استقرار
و لا كل شوية هانغير امير
كان بيستجيب لطلباتهم
لانه يعلم رضى الله عنه انها امانة وان رضى الشعوب امر بالغ الضرورة حتى ولو على حساب احد العشرة المبشرين بالجنة ( سعد بن ابى وقاص رضى الله عنه)
فهكذا تكون السياسة
وهكذا تدار الامور
و رضى الله عن الفاروق اذ قال
( لو أن دابة عثرت في العراق لسألني الله عنها لم لم تسو لها الطريق يا عمر)
هاكذا كان شعور الحاكم برد فعل المحكومين
و هكذا تقدمت الامة ونهضت
فلله در الفاروق
و شكرا على التوصيلة
تقبل تحياتى
هذا الفاروق...كان زمن العزة
دلوقتي بقالنا "60" سنة تحت حكم جمهوري...لو كانوا في زمن الخكاب رضي الله عنه لقطع رقابهم
بخصوص موضوعنا...معاك حق و ممعاكش حق
لما تبقى عايشين بالشريعة اللي كان ماشي عليها الخطاب رضي الله عنه...يبقى معاك حق تتكلم على الصورة
بس
دون أمادو الأستفتاء ده ولا ليه قيمة بالمرة
وصلو كام واحد دلوقتي كلهم على بعض 100000 فرد ولا أي نسبة من ال40 مليون ألي ممكن ينزلو الأنتخابات
تقبل تحياتي
تقبل تحياتى دون اوتيفا
المجلس العسكرى عمله ليه لما هو عارف انه ملوش قيمة
ولا تفتكر ان المجلس العسكرى مش عارف الموضوع ده (والدليل نتائج الاستفتاء على التعديلات الدستورية)
هو ده اللغز
لما تحط نتيجة الاستفتاء مع الصورة
تبتدى الشكوك تدور فى الاذهان
و صدقنى الناس معذورة
قصدك انو واخد اصوات كتير زيادة عن اللزوم؟
شوف لو قعدت تفكر كتير هايجيلك الضغط
ضع في اعتبارك الاتي:
- المرحلة العمرية للمصوتين...مراهق والا طاعن في السن
- ثقافته بيستقيها منين...و بيشوف كل الاراء و الا بيعتمد على مذيع واحد أو صحفي واحد
- مدى قربه من الدين
هاديك مثال:
قريب بتكلم مع صديق والخلاصة اني لاقيته لسه مصدق ان السلفيين قطعوا ودان نصراني
قعدت اقنعه..و جيبتله الشيخ جووجل ينصح فيه...وهو لسه دماغه مريحاه
قصدك الأستفتاء أتلعب فيه لا لا لا لوعرفت أجيبلك موضوع كان عمله أسكاي بيرد عن توقعات نتائج الأستفتاء قبلها بيوم تقريبا وتوقعي كان من 65:70 % فاياترى أنا أيه ألي خلاني أقرب من الرقم بالشكل ده
موضع صفحة المجلس
طيب وليه ماخلوش شفيق أكثر من البرادعي؟
أستفتاء النت غير دقيقق يعني لو نسبة 50% مابين موافق ومعارض في عدة مواقع ألكترونية حط عليها 25% تقريبا بالسالب أو الأيجاب وبعديه نتيجتك هاتبقى صح لو حاسس بالشارع صح
هاقولك شكوكى وامرى على الله
بص يا سيدى
المجلس العسكرى عارف ان الاستفتاء ملوش قيمة
طب بيعمل الاستفتاء ليه
تقدر تعتبره بلغة العسكرية تمهيد نيرانى
طب تمهيد نيرانى لايه
لشىء المجلس العسكرى له رغبة فى تحقيقه
و مع نتيجة الاستفتاء التى تبرز فيها النتيجة الغير متوقعة لترتيب الفريق شفيق فى التصنيف
و مع الصورة تكون الرسالة وصلت
نفس التكتيك اللى وصل بيه تونى بلير للحكم
تكنيك البارشوت
وحبايبنا الحلويين فى لجنة السياسات عندهم خبرة فى الموضوع ده
لكن الشعب فهم الرسالة
و بدء يرد
وربنا يستر
بص يا أمادو
اللي بتتكلم فيه لازمله نقاش منفصل
لكن على اي حال
ايه الأسهل يجيبوا حد ذو شعبية زي عنان مثلا...والا شفيق...يا راااجل