الفانوس التركى فى التوفيقيه ايمن اشتراه ب300 جنيه فقط
خلى بالك يعنى
عرض للطباعة
الفانوس التركى فى التوفيقيه ايمن اشتراه ب300 جنيه فقط
خلى بالك يعنى
طب معلش يا باشا هتعبك معايا
ياريت تقولى انهى احسن التايوانى أبو 390 ولا التركى أبو 300
وفى معلومة واحد قالهالى مش عارف صح ولا غلط
ان انا لازم اغير الفانوسين مع بعض عشان المنظر العام للعربية وخصوصا بالليل
(يعنى عشان هيبقى فى فانوس أصلى والتانى مش أصلى)
اسمع ان التركى نضيف
اذا كنت حاتغير الفانوسين ب 800 جنيه علشان يبقو زى بعض
يبقى اشترى واحد اصلى وخلاص
سيبك من القصص دية لو بصيت على حاجه بسيطه زى دية يبقى العربيه حتجيبك الارض لو مؤاخذه
والله عندك حق يا باشا
انا خلاص هتوكل على الله واشتري الفانوس التركى
والكبوت من برة التوكيل وهحاول معاهم كدة فى التوكيل يمكن أعرف أخليهم يرشوه وياخدوا الى هم عايزينه
والف شكر يا باشا على تعبك معايا
ياسيدى رشه بره التوكيل عن بتاع دوكو نضيف وخلاص والله ماحيفرق عن التوكيل فى حاجه خالص
اهم حاجه صنايعى نضيف
فى التوكيل ممكن ياخد الف جنيه رش يبقى انت عملت ايه بقى
انت فى مصر ياباشا
بعد لما ترشه تانى يوم حتلاقى عيل جاى بمسمار وكتب اسمه عليه
اهتم بعربيتك وحافظ عليها بس حاول تخلع عباءة التوكيل
لان توكيلات مصر كلها تودى فى داهيه
ميكانيكا او عفشه خليك فى التوكيل ماشى لانها حاجات تستاهل
لكن صاج وفوانيس خليك بره لانه كل شويه حتتخبط وتتكسر
وربنا يباركلك فيه ويجعلها اخر الاحزان يارب
وانا تحت امرك فى اى حاجه مفيش تعب ولا حاجه
العربيه دية تستاهل كل خير
ربنا يخليك يا باشا ونردهالك فى الافراح باذن الله
والله انا بقالى حوالى اسبوع ماشى من غير العربية لما خلاص زهقت
مع ذلك انا برده لفيت القاهرة كلها عشان الاقى حاجة اصلية متعيبش العربية بعد كدة
للاسف العيب الوحيد الى اكتشفته فى اللوجان ان احنا لازم نفضل تحت رحمة التوكيل واحتكاره
بس على رأيك ممكن أجيب الكبوت وأصرف عليه انهاردة
وييجى عيل زى ما بتقول يخلينى أتحسر عليه
عشان كدة انا فعلا أرشه برة أحسن بس ادعيلى بقى الاقى صنايعى بيفهم
وربنا يكفينا شر الأذى والناس المؤذية
انا ماتعاملتش مع حد فى اسكندريه قبل كده
بس كان عندى خبطه جامده فى الرفرف نتيجة حكه فى عمود خرسانه وعملتها فى دمنهور عندى
واتعملت بصراحه فى منتهى النضافه وكمان رد على البارد واتكلفت سمكره ورش 400 جنيه على حسابى غير الاكراميه بس بصراحه شغل فى منتهى النضافه وياريتنى كنت صورت الخبطه قبل تصليحها
لكن المره دية عندى خبطه فى الرفرف التانى اخف بكتير وكسر فى الفانوس الامامى بس المره دية ناوى اعملها ان شاء الله فى اسكندريه علشان حاعملها تبع مصر للتامين لان مش كل مره حاعملها على حسابى حاشترى الفانوس وحاروح لورشه فى العوايد تحت الكوبرى عرفتها عن طريق زمايل اختى فى الشغل لانها بتتعامل مع مصر للتامين حاصلحهاهناك لو لاقيتها كويسه حاعرفكم عليها انا نازل يوم الخميس باذن الله