عفوا لا يوجد شرطي شريف

**wa7d** · 10-07-2011 10:59 PM

لمؤخذه كفاية تبطبطه علي الشرطة وكل شويه نقول مش كل رجال الشرطة وفى منهم شرفاء , اذا كان هناك شرطي فعلا شريف ما كان التحق بجهاز الشرطة من اساسة وهو يعلم تماما انه جهاز تعذيب واهانة للمواطنين ولكن الذين التحقوا بجهاز الشرطة هما مجموعة من الفشلة فى التعليم وبالواسطة والفلوس التحق بالشرطة ليحظي بالاحترام الذي افتقده فى التعليم ويفعل ما يريد على خلق الله من الغلابة والمطحونين وعلشان يتقال له يا باشا والباشا وابن الباشا وعربية الباشا

لو كان شريفا حقا كان استقال من منصبه كما فعل وزير الداخلية السابق احمد رشدي

عفوا لا يوجد رجال شرطة شرفاء فى جهاز الشرطة

**Ghosts** · 10-07-2011 11:02 PM

التعميم غلط ....
كل مجال فى الدنيا فية الشريف والغير شريف ....

**dr_magdi2009** · 10-07-2011 11:05 PM

المشاركة الأصلية كتبت بواسطة wa7d

لمؤخذه كفاية تبطبطه علي الشرطة وكل شويه نقول مش كل رجال الشرطة وفى منهم شرفاء , اذا كان هناك شرطي فعلا شريف ما كان التحق بجهاز الشرطة من اساسة وهو يعلم تماما انه جهاز تعذيب واهانة للمواطنين ولكن الذين التحقوا بجهاز الشرطة هما مجموعة من الفشلة فى التعليم وبالواسطة والفلوس التحق بالشرطة ليحظي بالاحترام الذي افتقده فى التعليم ويفعل ما يريد على خلق الله من الغلابة والمطحونين وعلشان يتقال له يا باشا والباشا وابن الباشا وعربية الباشا

لو كان شريفا حقا كان استقال من منصبه كما فعل وزير الداخلية السابق احمد رشدي

عفوا لا يوجد رجال شرطة شرفاء فى جهاز الشرطة

كله ..........متاكد ولا علشان دخل بالواسطة
لو دخل بالواسطة ........... يبقى ال4 مليون موظف فى الدولة كلهم مش شرفاء لانهم كلهم اتعينو بالوسايط
اتعينو بعقود من اعضاء الحزب الوطنى .......... ولا

احنا ماورناش الا الشرطة بس و سيبنا نفسنا و اهالينا و اخواتنا اللى شغالين فى الوظايف الحكومية اللى بالواسطة كمان

انا فى الشغل عندى 80 % من المعنين جاين وسايط و تقديراتهم مقبول و دور تانى .......... ؟؟؟؟؟؟؟؟؟

اوعى تنسى الشهيد بتاع امبارح ومش عاوز اقولك شهداء الثورة البالغ عددهم 66 يبقى ايه .....

**م. حاتم السباعي** · 10-07-2011 11:08 PM

غريب و الله امرك
كيف تتهم الناس كلهم بعدم الشرف
هل انت تعلم النوايا و اطلعت عليهم جميعا
هل انت قاضي عرضت عليك صحيفة الحالة الجنائية لهم جميعا حتي تحكم عليهم بعدم الشرف
ربنا يهديك

م.حاتم السباعي

**wa7d** · 10-07-2011 11:15 PM

المشاركة الأصلية كتبت بواسطة hagan

غريب و الله امرك
كيف تتهم الناس كلهم بعدم الشرف
هل انت تعلم النوايا و اطلعت عليهم جميعا
هل انت قاضي عرضت عليك صحيفة الحالة الجنائية لهم جميعا حتي تحكم عليهم بعدم الشرف
ربنا يهديك

م.حاتم السباعي

ربنا يهدي الجميع يا اخ حاتم

بس انا كل اتعاملت معاهم فى جهاز الشرطة ليسوا شرفاء دون استثناء ودا عن تجربة مش موضوع نوايا

ثانيا حضرتك طالما بتتكمل عن الهداية والدين يبقي حضرتك فى حاجة اسمها تجنبوا الشبهات

يعني مش معقولة الاقي واحده خارجة من كبارية واقول مش شرط تكون مش شريفة

الكل يعلم ان جهاز الشرطة جهاز مستبد على مدار 30 عام فلو فعلا شخص شريف ميدخلش الجهاز من اساسو حفاظا على سمعته

**Amr Axel** · 10-07-2011 11:23 PM

حضرتك غلطان مينفعش تعمم كل مكان فيه الصالح و الطالح
حتي العائلات و الاسر فيها الصالح و الطالح مفيش مكان بيخلوا من النوعين

و مينفعش تقول كلهم غير شرفاء و عشان كلهم بالواسطة و الفلوس و اللي عايز يثبت نفسه و كمان يعني مفيش غير الشرطة اللي قدموا وسايط و لا عشان مفيش غير الدخلية اللي كله بيهاجمهما فكلنا هنمسك فيها بقي
زي ما دكتور مجدي قالك شوف الموظفين بالواسطة
و مش شرط اللي قدم في شغل بالواسطة يبقي فاسد بالعكس ده ممكن يكون افضل واحد في مكان عمله عن اللي ممكن يكون اتعين من غير واسطة لكن شغال الله ينور

مش عارف عندي احساس ان حضرتك بتكلم كما لو انك من اللي قدموا في الشرطة لكن اترفضوا

و مش كل واحد قدم شرطة يبقي دخل عشان البدلة
في ناس كتيير بيقدموا لخدمة الوطن و حماية الابرياء من البلطجية و المجرميين
و انا من الناس ديه لما جيت عشان اتقدم اتقدمت للهدف ده مش للبدلة و لا تحقيق اي هدف شخصي و لا الكلام ده كله لكن محصلش نصيب و حصلت ظروف منعتني من التقديم

و صدقني لو كان بيتعمل ضجة كبيير لشهداء الشرطة و الناس تعرفهم زي ما كله اتكلم عن شهداء الثورة مكنش حد قال ان كل الشرطة سيئة
لكن للأسف محدش بيعرف عنهم حاجة غير عائلاتهم و اسرهم اللي بيسيبوها وراهم و اللوحة الشرفية المعلقة لهم و تضم من كل الرتب و الاعمار

و اخرهم النقيب اللي استشهد اول امبارح او امبارح في مطاردة مع احد سارقي السيارات و هو نقيب لسه متجوز و طفله رضيع عمره 7 شهور
و فيه غيره كان واقف في لجنة لكن الحادثة ديه قبل الثورة و لقي مسجل خطر في عربية حب يوقفه المسجل جري الظابط اتعلق في الشباك عشان ميهربش لحد ام وقفوه و اتمسك و طلع عليه قضايا و احكام
و الظابط كان في حالة يرثي لها كسور في كل جسمه كسر الحوض و الرجل و الدراع

ده دليل من ادلة كتيير ان زي ما فيه الطالح فيه الصالح

**wa7d** · 10-07-2011 11:33 PM

المشاركة الأصلية كتبت بواسطة misoalex

مجرد سؤال هو فيه ظابط عايش بمرتبه والحوافز

الا لو كان وارث بقى او اهله بيصرفو عليه زى مدفعوله عشان يدخل الشرطه ويحميهم

ايوا طبعا كل الظباط عايشين بمراتباتهم وراضيين والشعب مطلع عينهم وبيتهمهم ظلم وعدوان , احنا اللي بنفتري عليهم

**enas75** · 10-07-2011 11:34 PM

علي كده كل الدكاتره بيتاجرو بالاعضاء وهمهم الفيزتا والمريض يولع
وكل المهندسيين بيغشو في المونه وبيسرقو....ومهندسي الاحياء كلهم مرتشيين
وكل الصيادله تجار ادويه
وكل المحاسبين نصابيين
وكل المحامين بيسخرو القانون للنصب علي الناس
وكل وكلاء النيابه والقضاه بايعين ضميرهم
وكل التجار ولاد .......
وكل واحد راكب عربيه الست الوالده اللي جايبهاله
.....................
التعميم وحش علي فكره وفجاه حتلاقي نفسك مضطر تدافع عن مهنتك وشرفك
التجربه اللي مرينا بيها مش سهله.....اصعب شئ في الكون فقدان الاحساس بالامن...
وعودته وانك تسامح اللي تسبب فيه مش سهل ......