العمر الافتراضي للمحرك

**Ashraf_Ibrahim** · 11-07-2011 12:30 AM

ازيكم يا شباب
طبعا كلنا يحب ان المحرك بتاعه يكون عمره الافتراضي اطول ما يمكن
يختلف العمر الافتراضي للمحرك باختلاف ظروف التشغيل وباختلاف اسلوب القيادة وباختلاف مواعيد الصيانة وغيره من الحجات اللي بتأثر طبعا على العمر الافتراضي
بعض الشركات وضعت اعمار افتراضية قياسية لمحركاتها بحيث ان المحرك تحت اقصى ظروف عوامل التشغيل وتحت اسوأ أساليب القيادة تقوم بوظيفتها الى ان تصل لهذه الكيلومترات المعينة
وهذا يعني انه مع اسلوب قيادة افضل وظروف تشغيل اكثر سوف تقطع السيارة المزيد من الآلاف من الكيلومترات
وعلى سبيل المثال لا الحصر:-
توقعت شركة بروتون ان محركات كامبرو الجديدة سيكون عمرها الافتراضي ربع مليون كيلومتر اي ما يعادل 250000 كم كعمر افتراضي تحت أسوأ ظروف التشغيل وأسوأ أساليب القيادة
دلوقتي الهدف من الموضوع ان السادة الاعضاء الخبراء اللي عندهم معلومات عن العمر الافتراضي لمحركات السيارات يدخلوا ويقولولنا مين عمره الافتراضي ايه
يعني مثلا هيونداي فيرنا عمر الموتور الافتراضي كذا ألف كم وهكذا عشان تبقا موسوعة شاملة للجميع
منتظر مشاركات الاعضاء الفعالة والمفيدة

**Ruin Scud** · 11-07-2011 12:48 AM

المشاركة الأصلية كتبت بواسطة ashraf_ibrahim

توقعت شركة بروتون ان محركات كامبرو الجديدة سيكون عمرها الافتراضي ربع مليون كيلومتر اي ما يعادل 250000 كم كعمر افتراضي تحت أسوأ ظروف التشغيل وأسوأ أساليب القيادة

معلومه جيده ومفيده واول مره اعرفها ياريت نعرف الباقي من خبرات الأعضاء.

احنا كان عندنا ماذدا 929 موديل 83 من زمان والموتور اول مره يتعمله جوان وش سلندر بعد ال 180 الف وكانت معانا من الزيرو بس محافظين عليها

**EslaM_NagY** · 11-07-2011 01:05 AM

متابع

**Ashraf_Ibrahim** · 11-07-2011 10:44 AM

المشاركة الأصلية كتبت بواسطة moustafa_saad

طالما مافيش معلومات رسميه من الشركات المصنعه يبقى مش حينفع تحط هنا اى معلومه

مهو احنا بندور على معلومات رسمية نجمعها مع بعض وتبقا هنا في الموضوع دا

المشاركة الأصلية كتبت بواسطة ruin scud

معلومه جيده ومفيده واول مره اعرفها ياريت نعرف الباقي من خبرات الأعضاء.

احنا كان عندنا ماذدا 929 موديل 83 من زمان والموتور اول مره يتعمله جوان وش سلندر بعد ال 180 الف وكانت معانا من الزيرو بس محافظين عليها

تمام بس دا استعمال شخصي
ممكن تكون الشركة الأم متوقعة عمر اطول من كدة او اقل من كدة للمازدا ال 929

المشاركة الأصلية كتبت بواسطة eslam_nagy

متابع

اهلا بيك معانا

**verna2008auto** · 13-07-2011 12:10 PM

فيرنا مو 2008 وعاملة 77.771 وزي الفل الحمد لله
بامشي بيها بمعدل تقريبا 55 كم يوميا علي مده 3 سنين تقريبا وسافرت بيها الغردقة رايح جي والاسكندرية مرتين رايح جي
والحمد لله دائما بخلي عدد ال rpm علي 2000 الي 3000 ماكس ... والفيرنا اصلا عددها يجيب لغاية 8000 rpm

**myoousry** · 13-07-2011 12:59 PM

انا شاري دايو نوبيرا من شهر 10 سنة 2000 اللي هي اول النوبيرا 2 ومعايا الي الان وعامل بيها 314000 كم بس من 8 شهور عملت عمرة كاملة للعربية وعملت الموتور كمان مع انه مكانش فيه حاجة بس قولت اعمله بالمرة وديه كانت اول مرة تعمل عمرة للموتور وكانت العربية وقتها عاملة 311000 كم وطبعا المسافات المقطوعة ديه كلها كانت سفر

**amro1965** · 13-07-2011 02:54 PM

العمر الافتراضى للمحرك بيتعمد اعتماد كلى وجزئى على الاستخدام
شخص بيؤدى الصيانه الدورية وتغيير الزيت المناسب للمحرك وعدم التحميل على المحرك اكيد بيطول عمر المحرك
عكس شخص ممكن يقصر بعمر المحرك بسبب سوء الاستخدام
ده رأى

**AHMED1718** · 13-07-2011 04:57 PM

العمر الافتراضى ده ملوش اى اعتبارات ولا اسس ف مصر الحبيبة

من وجهة نظرك انت ممكن بتقول انك بتعامل عربيتك معاملة مراتك بس فعليا او عمليا معاملة سايس جراج

الحوار ده ملوش معادلة

انا بعت الرينو وعاملة 280 الف كيلو والماتور متحطش فيه مفك وحالته ممتازة

فيه ناس مكملتش بنفس الموديل 100 الف

شوفت فيرنا واحد صاحبي معملش 100 الف وعمل عمرة وغير ماتور بعدها مرتين

فيه واحد تانى مواتير الهوندا متعمرش معاه تخيلو بقا

وهتلاقى غيره معاه 128 متعملش فيها حاجة غلط

كده او كده ادى لعربيتك اد نص اللى بتاخده منها وانتا هتلاقيها معاك لغايط لما تفكر تستغنا عنها

-

-

الموضوع: العمر الافتراضي للمحرك

LinkBack

أدوات الموضوع

عرض

العمر الافتراضي للمحرك - انشر الموضوع فى :

-

-

-

-

-

-

المواضيع المتشابهه

العمر الافتراضي

العمر الافتراضي للماروتي

العمر الافتراضي للماروتي

ما هو العمر الافتراضي للموتور ؟

العمر الافتراضي للكاوتش

الكلمات الدلالية لهذا الموضوع

المفضلات

المفضلات

ضوابط المشاركة