اصبحت الوطنية تقاس بمقدار الاعتراض و قول لأ...و عجبي !!!
بسم الله الرحمن الرحيم
السلام عليكم و رحمة الله و بركاته
طبعا العنوان واضح ان دلوقتي ناس كتيير شايفين ان الوطنية اننا نعترض ع كل حاجة و نقول لأ و ليش فقط ع المنتديات بل ع الارض الواقع
حتي بين الاصدقاء و الزمايل و احيانا بين الاخوة
زي في وقت التنحي كانت الوطنية تقاس بمقدار الهجوم ع مبارك لدرجة اني لقيت اشخاص بيقولوا مبارك كان ليه دور في هزيمة 48 و الاسلحة الفاسدة و ساعتها انا مت ع نفسي من الضحك لأن ساعتها مبارك كان عمره لا يتعدي 20 سنة هههههه
احنا حاليا بنمر بظروف صعبة جدااا و فيها مستقبل البلد يا البلد تقوم و تبقي كويسة يا تقع و نضيع
فلازم بدل التفرق اللي احنا فيه نتوحد و نكون ايد واحدة فعلا و ليس شعارات و خلاص
قال تعالي " و اعتصموا بحبل الله جميعا و لا تفرقوا و اذكروا نعمة الله عليكم اذ كنتم اعداء فألف بين قلوبكم فأصبحتم بنعمته اخوانا و كنتم علي شفا حفرة من النار فأنقذكم منها كذلك يبين الله لكم آيه لعلكم تهتدون " صدق الله العظيم
اينعم مفيهاش مشكلة ان كل شخص يكون ليه وجهة نظره الشخصية و يعرضها
لكن في نفس الوقت نحترم وجهات نظر الاخرين و منحاولش نثبت وجهات نظرنا باي طريقة و خلاص
و اننا نعترض ع كل حاجة لمجرد الاعتراض و الاثبات ان اننا صح و اللي مخالف لينا هو اللي غلط و نتهمه باي تهمة
لازم نكون فعلا ايد واحدة
