me too
عرض للطباعة
me too
لالالا الموضوع مش عصاية أقصر ولا كوفر مختلف ولا راس عصاية مختلف أبدا
انت هتلاقي عندك ممكن نفس طول العصاية و نفس الراس بتاعتك و نس الكوفر ... بس هتلاقي المسافات مختلفة خـــالص في النقل
يعني لو المسافة بين الثالت و الرابع 15 سم هتبقى 8 سم و تقريبا على حسب النوع بتتحكم في نسبة التقصير قبل ما تربط تربيط نهائي ....
واتأكد وانت بتشتري انه هيتوافق مع عربيتك لإنه مش حاجة بتركب على كل الجير بوكس زي بعض ... يعني الجيربوكس الي بترفع فيه حاجة زي شفة كده علشان توصل للمارشدير (للخلف) بيختلف تماما عن الي مافيهوش و بتضغط على العصاية لتحت يمين وبعدين تحت ...
مش عارف كلامي واضح ولا لأ ... بس أنا متأكد من كلامي ....
دوروا على اليوتيوب على Short Shifter Installation لعربية Honda Cevic و شوفوا كمان الــ Ford Mustang علشان دول على ما أتذكر أشهر فيديوهين بيوضحوا الإختلاف الي بأقوله و في إختلافات أخرى للماركات المختلفة زي السوبارو ليها آلية خاصة خالص ..
أتمنى بس تتأكدوا انها متوافقة مع عريات حضراتكم و بالتوفيق ان شاء الله
الف شكر ،، المصيبة ،، ان عربية كلبة زي الشاهين ،، لو عملت دجاجة و قعدت اكاكي و أبيض ،، عمري ما حلاقيلها فيديو زي ده ،، فأنا عايز اعرف بس ماركة الجير بوكس ،، و ادور على الشور شفتر كيت بالماراكة ،،حضرتك فهمتني ؟ :)
أنا فاهمك عموما بيبقى الشورت شيفتر متوافق مع مجموعة كبيييرة قوي من العربيات و أعتقد هتلاقيلها فالسوق عادي ان شاء الله الموضوع كله انك تتأكد و ما تشتريهوش كإنك بتجيب معطر سيارة بيركب على كلله :d أكيد فاهمني :) و لما تركبه ان شاء الله ابقى قولنا التفاصيل و الله الموفق
أيون يا فندم ،، فهمت حضرتك الحمد لله ،، بجد شاكر جداً ليك و لنصائحك الغالية دي :)
الف شكر ليك بجد :) و ان شاء الله حدور من بكره و اقولكم على النظام أيه
عملتوا ايه في الموضوع دا؟
لانه انا بدور عليه...حد عنده معلومات اكتر طيب بيتباعو فين نروح نسأل ؟ محل معروف في الحرفيين مثلا او في دمشق؟
ومين بيركبه؟ كهربائي ولا ميكانيكي؟
عادل وجدى الحرفيين
شوف الجروب بتاعهم على الفيس بوك اسمه TPS garag
يا جماعه اعملوها بنفسكو عموله وعملتها مرتين قبل مره في ريجاتا بس كان حوار شويه ومره في عربيه اكسنت
هشرح عملت ايه في الاكسنت عشان نطام العصايه 90% زيو في العربيات
1- هتروح لمكياني يحل العصايه بره
2- هتحل الدراع بتاع النقل من العصايه
3- هتفك المقبض الووظ وتروح لحداد يقص من فوق من نحيه الالووظ بتاع المقبض مثلا 5سم
4- تروح لخراط يمشط سن جديد للمقبض
5- ركب كل حاجه تاني وخلاص
موضوع بسيط جدا وتكلفه قليله متعديش 30-40 جنيه....اقل عصايه شورت ب160 جنيه ! بس كل فكره انك عدلت علي العصايه الاصليه
انا لقطت اسم الموضوع مع انه قديم حبه ..... شعر ايدي وقف ههههههههههههه
انا جربته مع واحد صديقي معانا في المنتدي مركبه في صني 2001 ......... ابدااااااااااع
مستني اخرج من الضمان بس ان شاء الله واول حاجة هاركبه بأمر الله
وكان جايبه ب40 دولار .... بس قالي في حاجة عملها عند الخراط علشام ميلعبش في صامولة معينة كده في الفتيس
علشان لو حب يرجع الفتيس القديم تاني يبقي عادي
بس مفهمتش طبعا
طيب ليه اضرار علي المدي البعيد ؟؟؟ .......... يعني مش ممكن حاجة تتكسر مثلا ولا يكون الصنايعي مش تمام ؟؟؟
لو عايز اعمله لكنه فتيس اوروبي ايه النظام ؟؟
متااااااااااااابع