بربريز الميجان

**Hady** · 11-07-2011 02:11 AM

اخواني الوحوش
السلام عليكم جميعا و رحمة الله
محتاج مساعدتكم و نصيحتكم جميعا في الموضوع ده:
باختصار النهارده الصبح نزلت كالمعتاد اكتشفت و انا بانضف العربية ان الزجاج الامامي " البربريز" مكسور
الكسر عبار ه عن بؤرة مركزيه "نغزه" و متفرع منها عده شروخ" شكل العنكبوت كده"" يصل طول بعض هذه الشروخ الى 40سم
الكسر في الغالب نتيجة طوبه أو ظلطه و لا يمكن حتى طلقه" ما حدش فاهم اي حاجه اليومين دول....
أو يمكن يكون نتيجه سقوط حاجه حاده"مفتاح انابيب مثلا" من ارتفاع عالى عشان فيه أثر ل " نغزة " جامده برده فى الكبوت." على فكرة انا كنت راكن فى الشارع""..... الحمد لله قدر الله و ما شاء فعل
المهم روحت لواحد بعالج الشروخ دي فى صقر قريش بس قالى ده مش هاينفع يتعالج احسن امش بيه كده لحد ما يجيب اخره بعدين اغيره....مشيت من عنده لواحد بتاع زجاج سيارات اسمه العجمي..... الراجل بصراحه يبدو مريح و كويس سألته على الاسعار قالى بعد الفصال و الذي منه انه فيه 3 انواع:
مستورد صيني ب 500 جنيه و دزجريش و امان :مصري" ب 450 جنيه
الغريب انه شكر فى الصينى قوى عن المصرى على اساس ان الصينى ده المواد الداخله فى تصنيعه امريكية و بيتصنع فقط فى الصين بس بجوده و مواصفات امريكييه...

ارجو من وحوش المنتدى ابداء الرأي و النصيحه و يا ريت بسرعة بعد اذنكم بالذات الاخوه الافاضل : الكولينيل خالد..زدظاحمد عبدالمقصود.....شاركي باشا و كل الخبراء بالمنتدى الرائع...
ملحوظه: سعر البربريز فى التوكيل ب 1600جنيه غير شامل الضريبه ولا المصنعياتززز
منتظر ردودكم بسرعة
شكرا مقدما

**Col. Eng. Khaled** · 11-07-2011 04:37 AM

رديت على حضرتك عالخاص يا معالي الباشا .

**solly1979** · 11-07-2011 02:37 PM

اكيد كلنا عايزين نستفيد امال المنتدى معمول ليه

**mouraddesk** · 11-07-2011 04:24 PM

حصلت معايا يوم الجمعة و كانت فعلا طلقة رصاص و الحمد لله ما كانش فى حد فى العربية غيرته عند محل اسمه الزعيم المصرى ب 380 جنية و المستورد بعد الفصال 575 جنية و ما يفرقش اى حاجه عن الاصلى و تركيب بنظافه و كل الحساسات شغاله

**Hady** · 12-07-2011 02:32 AM

باشا متشكر جدا؛ بس كنت عايز أعرف فين الزعيم ده و النوع المستورد اللي ركبته صيني ولا حاجة تانية؛ كمان بتقول كل الحاساسات شغالة ؛هو فيه حاساسات غير حاساس المطر ?

**Hady** · 12-07-2011 11:30 AM

المشاركة الأصلية كتبت بواسطة mouraddesk

حصلت معايا يوم الجمعة و كانت فعلا طلقة رصاص و الحمد لله ما كانش فى حد فى العربية غيرته عند محل اسمه الزعيم المصرى ب 380 جنية و المستورد بعد الفصال 575 جنية و ما يفرقش اى حاجه عن الاصلى و تركيب بنظافه و كل الحساسات شغاله

باشا متشكر جدا؛ بس كنت عايز أعرف فين الزعيم ده و النوع المستورد اللي ركبته صيني ولا حاجة تانية؛ كمان بتقول كل الحاساسات شغالة ؛هو فيه حاساسات غير حاساس المطر ?

**sam_zen_elden** · 19-07-2011 11:40 PM

انا غيرته فى العاشر فى مصنع جريش من حوالى 8 شهور التركيب نظيف والموضوع ماأخدش اكثر من نصف ساعه والسعر كان فى حدود ال400 جنيه تقريبا مش فاكر يزيدو او يقلو 20 جنيه