Water/Methanol Injection... لرفع نسبة الاوكتان
أنا عارف إن الموضوع مكانه قسم التعديلات لكن بما إن التعديل ده يهم فئة عريضه من مستخدمي السيارات في مصر فضلت إنه يكون في القسم العام للافادة
معظم الناس وبالأخص اللي عندهم عربيات نسبه تضاغط الموتور فيها عاليه واللي عندهم عربيات تربو 1.4 أو غيرها بيعانوا من بنزين مصر السيء وإنها صنعت لاستخدام بنزين 98 وحتى مع 95 بيسمعوا تسقيف عالي ( detonation )
والمعروف إن التسقيف أو الصفع بيؤذي الموتور وبيسمى القتل البطيء لأي موتور ولو زاد عن حد معيَّن في لحظة ممكن الموتور ينتهي ( بدون مبالغة )
في حل ظريف بيستخدم في العربيات بنظام ( التربو أو السوبر تشارجر ) ذات الأداء العالي واللي فيها البوست بيزيد عن 35 PSI علشان يستخدموا بنزين باوكتان قليل وفي الاغلب بيكون 91 أو 93 وده قياسا على امريكا . قياسا على مصر نقول 92
نفس النظام ممكن يستخدم علي العربيات اللي في مصر وهنا الفكرة مش زيادة الأداء وال HP فقط لكن علشان يقدروا يستخدمو بنزين قليل الأوكتان أو على الاقل يستخدموا 95 ويكونوا في امان تام
النظام هو ال
Water / methanol injection .....
و هي كت بسيطة عبارة عن تنك صغير سعة 4 لتر وفي 20 لتر و pump صغيرة وخراطيم و Jets ليها مقاسات على حسب الكمية اللي هتنضخ حسب الحاجة وحسب سعة الموتور و ال load اللي عليه
بيتم الضخ قبل بوابة الهوا مباشرة بتركيب الجيت في ماسورة الهوا
درجة حراره ال Intake Air بتقل بنسبة مغرية وبالتالي بتقل درجة الحرارة الداخلية للموتور وده بيتبعه منع الصفع نهائي من الموتور . حتى بعد استخدام بنزين قليل الاوكتان اللي هو عندنا مثلا 92 القط دي ليها مفعول السحر في رفع درجه الأوكتان
طبعا هي استخدامها ممكن يكون خليط بين الكحول والمياه أو كحول بس أو مياه بس على حسب الحاجة وعلى حسب كمية ال load على الموتور
لكن كحل رخيص على عربيات مش ذات أداء عالي استخدام المية بس هيكون كويس وليه تأثير فعال
http://www.maperformance.com/products/aem_30-3000.jpg
دي صورة الكت اللي بتصنعها شركة AEM في انواع تانية لكن دي تعتبر افضلهم من حيث السعر مقابل الأداء
سعرها حوالي 350 دولار والتركيب في حوالي ساعة أو أقل لو حد عارف هو بيعمل إيه
نسبة الاوكتان بتوصل 100 !
ممكن زيادة ال HP بنسبة مغرية لو تم عمل tuning صح بعد تركيب الكت
بعض الناس ممكن تظن إنها مش عملية للإستخدام اليومي لكن في رأيي لو جبت التنك الكبير اللي هو 20 لتر ومليتوا مياه هيكفيك على الاقل يومين أو أكتر .
الكت فيها نظام أمان بحيث لو قل مستوى السائل في التانك بتديك انذار عن طريق LED بيركب فالتابلوه و علشان تملي التانك تاني أو تعبي بنزين أكتان أعلى أو تمشي بحرص على ماتتصرف .
الكت موجودة في مصر على بعض العربيات .
ومش شرط عربيات تربوا بس ممكن على العربيات ال NA اللي بتحتاج بنزين باوكتان عالي