اسفتسار عن Golf 6 TSi DSG

سلام عليكم ...أنا اسمي عبدالرحمن وده أول بوست ليا هنا.
أولا أحب اشكر كل الناس اللي مشاركة في المنتدى ده عشان فعلا استفيد منه كتير جدا منه في مواضيع العربيات.

أنا عندي استفسارات بخصوص الجولف tsi... أنا حاليا بشتغل في الكويت و نفسي أجيب جولف tsi وانشاء الله أبقى انزلها مصر بس خايف إنه يكون ليها قطع غيار مختلفة عن الجولف 1.6. وعلى حسب ماقريت إنه التوكيل فولكس في مصر زفت . يا ريت حد يقولي تجربته مع العربية ده . هل في مشاكل إنك تلاقي قطاع غيار؟ هل فيها مشاكل كتيرة ؟ وإيه أخبار الجير ال dsg؟
يا ريت تفودني يا جماعة في الموضوع ده, وشكر .

إيه يا جماعة...مفيش حد عنده فكرة عن العربية ده ؟ والموتور ده؟ أرجو المسعادة وشكرا .

http://www.nilemotors.net/Nile/229591-dsg-6-a.html
حضرتك اقراء الموضوع ده وان شاء الله تلاقى اجابتك

http://www.nilemotors.net/Nile/12017...160hp-dsg.html
ودا هيجيبلك من الأخر

ألف شكر يا باشا أنا قرأت الموضوعين دول و قراءتهم تاني دلوقتي d: بس أنا عايز اعرف إيه نظام الصيانة بتاعت ال tsi ده اللي قالقني.

ال tsi موجود في مصر عادي يا زعيم
هو بس مش منتشر لانه بينزل في الفل اوبشن بس و دي سعرها عالي شويه
فمن حيث الصيانه و قطع الغيار فهي موجوده و ان شاء الله مفيش منها قلق
و عموما الالماني معروف بكفائه مواتيره و غالبا مش هتحتاج اكتر من فلاتر و سيور و الحاجات الاستهلاكيه
الحاجه الوحيده هي انها ممكن تكون اغلي من قطع غيار ال 1.6 غير كده مفيش
اما الفتيس ال dsg فبعد 2009 مشاكله اختفت تقريبا

المشكله بقي اني اعرف ان التوكيل في مصر بيقفش علي العربيات الخليجي و مبيرضاش يدخلهم اصلا و ان كان التوكيل في الكويت قالي انوا مالوش حق لان العربيه الضمان بتاعها بيبقي عالمي
فالاحسن تتاكد من الموضوع ده الاول