موضوع هاااااام بخصوص الفيتيس التيبترونيك - قسم اسكودا

**ehab_osman** · 11-07-2011 10:30 AM

لقيت موضوع هام بخصوص الفيتيس التيبترونيك في قسم اسكودا فحبيت انقله ليكم كان عاملة الزميل
KHALED AYMAN

توضيح بخصوص الفتيس التيبترونيك
السلام عليكم...
فى الفتره الاخيره ..بدأت الناس تخاف من الاوكتافيا ..خصوصا فى المستعمل ..وكله بيقول "فيها مشكله فتيس"
وكلامى بخصوص ال a5 و الفانتازيا ..لان هما نفس الفتيس...
وفى الموضوع ده هحاول اشرح المشكله و ازاى نتلاشى حدوثها ...ولو لا قدر الله حصلت نعمل ايه ؟؟

فى البدايه ..ايه هى المشكله ؟؟

المشكله بتحصل فى جزء معين من الفتيس اسمها البودى فالف ..او عقل الفتيس كما يسميها البعض ..
باختصار هى مجموعه صمامات او بلوف ..بيمر الزيت من خلالها ...(زيت الفتيس) ..

ايه المشكله الى بتحصل ؟

البلوف او الصمامات دى ..بتتسد ..تبدأ العربيه "ترزع" فى النقلات ..

طيب ايه الى بيسد البلوف ؟؟
نتيجه الاحتكاك الميكانيكى بين تروس الفتيس ..بينتج "رايش" من التروس و الاحتكاك ..الرايش ده بيمشى مع الزيت ...ومع كتر الرايش ..بيتراكم على الصمامات دى ..و يسدها ..وهنا تحصل الرزعه او الخبطه فى النقلات ..

طيب ايه ازاى نحافظ على الفتيس ؟؟
الموضوع سهل جدا و بسيط جدا جدا و بيتلخص فى كلمه صغيره ..وهى زيت الفتيس

زى ما قلت قبل كده ..الرايش ده بيمشى فى الزيت ..
يبقى عشان نحافظ على الفتيس ..هنغير زيت الفتيس كل 60 الف كم ..زى ما التوكيل قال ...
وللامان ..نغيره عند 50 الف كم ...
لكن بأى حال من الاحوال ..متعديش ال 60 الف بنفس الزيت
وتغييره فى التوكيل بحوالى 700 جنيه ...(غالى شويه لكن هيوفر عليك مبلغ خزعبلى هتشوفه دلوقت)

طيب ايه الفكره فى اننا نغير الزيت ؟؟
لما بننزل الزيت الى فيها ..بينزل بالرايش الى فيه ..وبكده بتكون فتحت صفحه جديده مع الفتيس

طيب لا قدر الله لو حصل و المشكله دى ظهرت ايه الحل ؟؟
هيكون ادامك اختيارين ...
1-تشترى فتيس كامل استيراد سعره بيتراوح بين ..14 :17 الف ...انت و شطارتك ..لكن غالبا سعره مش هيتجاوز ال 15 ..
2-تشترى علبه بلوف جديده من التوكيل ..ب 11 الف ...ده غير التركيب وغيار الزيت ...

طيب ايه الافضل فيهم ؟
الافضل شراء فتيس كامل ...لان معروف عن الفتيس الاوتوماتيك انه لما بيتفك من بعضه ..مش بيرجع زى ما كان ..ومفيش احسن من "قفله الخواجه" ..فأنت لما تشترى فتيس استيراد ...مش هتفك فيه ولا اى حاجه ..هتركبه فى مكانه و تحط الزيت و تتوكل على الله ...

طيب اضمن منين الفتيس الاستيراد ؟؟
مركز نور الدين شريف ..المركز الوحيد المعتمد من ارتوك اوتو فى اسكندريه ..بيركب قطع غيار استيراد ..عليها ضمان 6 شهور ...وناس فاهمين ..
طبعا فى ناس كتير فاهمين ..لكن الميزه فى المركز ..انه ضمان 6 شهور على اى قطعه استيراد ..
طيب لو مش عاوز حاجه من المركز و هشتريه انا ...
1-الراعى الصالح فى الحرفيين
2-مجدى البيومى
3-ماجد البهى طنطا ..وليه فرع فى اسكندريه
4-الشيخ اسامه الديب طنطا ..سكه المحله

طيب دى كده الجزئيه الخاصه بواحد معاه العربيه و عاوز يحافظ عليها ..او معاه و باظت و عاوز يصلحها ..
الى بيشترى مستعمل بقى ..ياخد باله ازاى ؟؟

عند شراء سياره مستعمله ..
1-يا اما تشترى عربيه عدادها لم يتجاوز ال 60 الف كم ..بحيث ميكونش ميعاد تغيير الزيت جه و صاحبها اهمل ..
2-تشترى عربيه عدادها اكتر من 60 الف كم ..لكن معاها فاتوره تغيير الزيت فى التوكيل او اى مركز معتمد ...
3-تكون شاريها من حد ثقه ..ويكون فعلا غير زيت الفتيس ..المهم تكون تثق فى كلامه ...

طيب اختبر ازاى فتيس العربيه و اعرف انه سليم ؟؟
اختبار الفتيس بيتلخص فى ..ارهاق الفتيس..
اتعبه معاك ..
دوووووووووووووووووووووووو س و شيل رجلك فجاه ..
ودوس تانى ..كيك داون ..وهكذا و على سرعات مختلفه ,,بحيث ان الفتيس يفضل فى مرحله تغيير نقلات باستمرار ومتنساش تجرب تمشى على المانيوال موود ..لو فى مشكله فى البودى فالف هتلاقى الفتيس بدأ يعمل "دبه" و هو بينقل ...

المعلومات المذكوره فى الموضوع ..من اجتهادى الشخصى وتجارب شخصيه واقعيه ..ودردشه مع مهندسين فى التوكيل ..ومراكز خدمه ..وبعض الخبراء ومعلومات من المنتدى هنا ...والموضوع بأكمله يحتمل الصواب و الخطأ ..

يا رب يكون الموضوع مفيد ويعجبكو ..

رابط الموضوع
http://www.nilemotors.net/Nile/221404-a.html

**Esam Mosaad** · 11-07-2011 10:42 AM

والله انت راجل عشره على عشره
وتسلم ايدك وكتر الف خيرك

بس فتيس ب 15 الف جنيه مالها 127 عربيه زى الفل وفتيسها قطع غياره فى البقاله

**moha4tec** · 11-07-2011 10:52 PM

فى حل تالت انت مقولتوش
تحط زيت ريسورس بتاع الفتيس على زيت الفتيس و العربيه جديده ,عمره ما هيعمل رايش اصلا من بابه و بكده تكون منعت المشكله من اصله و الزيت بيتحط كل 100 الف و طبعا لازم تغير زيت الفتيس الاصلى فى ميعاده زى ما التوكيل بيقولك
زيت رسورس ده مجرد اضافة على الزيت اللى موجود فى الفتيس فقط و ليس زيت بديل عنه
و الله اعلم
و لو عربيه مستعمله تحط عبوتين زيت ريسورس
و السلام ختام

**AHMED12345678** · 12-07-2011 09:00 PM

بس انا قريت فى القسم السابع من كتالوج السيراتوالخاص ببند الصيانة ان زيت الفتيس ا لاتوماتيك لا يلزم فحصة او صيانتة
وان البوجيهات تتغير على 40 الف كيلو متر مش 20 الف كيلو زى مبيقول التوكيل
وان سائل تبريد المحرك بيتغير بعد 200الف كيلو مش 60 الف كيلو زى ما التوكيل مبيقول
وان فلتر البنزين بيتغير كل 60 الف كيلو مش كل 20 الف كيلوزى مل التوكيل مبيقول
وفلتر الهواء وفلتر التكييف كل 15 الف كيلو
وزيت الفرامل يتم فحصة دون تغييرة
واعتقد ان اهل مكة ادرى بشعابها والى صنع العربية هو الاصدق مش الى عايزين فلوس باى طربقة وخلاص واقصد التوكيل

**ehab_osman** · 13-07-2011 10:22 AM

المشاركة الأصلية كتبت بواسطة ahmed12345678

بس انا قريت فى القسم السابع من كتالوج السيراتوالخاص ببند الصيانة ان زيت الفتيس ا لاتوماتيك لا يلزم فحصة او صيانتة
البوجيهات تتغير على 40 الف كيلو متر مش 20 الف كيلو زى مبيقول التوكيل
فلتر الهواء وفلتر التكييف كل 15 الف كيلو
.............................
واعتقد ان اهل مكة ادرى بشعابها والى صنع العربية هو الاصدق مش الى عايزين فلوس باى طربقة وخلاص واقصد التوكيل

ده كلام الكتالوج سليم ومحترم ............ بس العبرة بالفحص الفعلي ...... بمعني انك لو شفت البوجهات .... زى الزفت .... مش حتغيرها ؟؟؟؟؟؟؟؟؟؟؟؟ ، لو شفت فلتر الهواء مسدود وحالة تصعب علي اي حد .... مش حتغيره ؟

يعني انا لما رحت صيانة ال 20 الف كم .. والمهندس وراني البوجهات ... انا قلت له غيرهم ....؟؟؟؟؟؟؟؟؟؟

**HISHAM80** · 13-07-2011 11:25 AM

المشاركة الأصلية كتبت بواسطة ehab_osman

[bor=#ff0000]
هنغير زيت الفتيس كل 60 الف كم ..زى ما التوكيل قال ...
وللامان ..نغيره عند 50 الف كم ...
لكن بأى حال من الاحوال ..متعديش ال 60 الف بنفس الزيت
وتغييره فى التوكيل بحوالى 700 جنيه ...(غالى شويه لكن هيوفر عليك مبلغ خزعبلى هتشوفه دلوقت)

[/bor]

سؤال للزملاء هو تغيير زيت الفتيس في التوكيل او في تكنو وان بكاااااااااااام ؟ ..... لان 700 جم في تكويل اسكودا لتغيير الزيت كتييييييييييييييييييييييي ر أوى ؟

ممكن نغير الزيت في اى بنزينه ..................؟؟؟؟؟؟؟؟؟؟؟؟؟؟ حيتكف حوالي 60 جم علي الاكثر ولو في حاجة مختلفة ؟؟؟؟؟؟؟؟؟؟؟؟

بس للايضاح سكودة ليها زيت معين اعتقد انه atf وده سعره غالي

ماله تغيير الزيت في أى بنزينة -

الموضوع: موضوع هاااااام بخصوص الفيتيس التيبترونيك - قسم اسكودا

LinkBack

أدوات الموضوع

عرض

موضوع هاااااام بخصوص الفيتيس التيبترونيك - قسم اسكودا - انشر الموضوع فى :

-

-

-

الفحص الفعلي ؟؟؟ هو معيار التغيير مع الاسترشاد مع بتعليمات الكتالوج -

-

المواضيع المتشابهه

توضيح بخصوص الفتيس التيبترونيك

استفسار بخصوص تغيير زيت الفيتيس

استفسار بخصوص زيت الفيتيس لأوبل أسترا 2005

محتاج مساعده بخصوص الفيتيس .......ياريت حد يرد

موضوع هاااااام جدااا بخصوص الترخيص ........

الكلمات الدلالية لهذا الموضوع

المفضلات

المفضلات

ضوابط المشاركة