عرض للطباعة
متابع الموضوع ده عايزين نشغل قسم بيجو شوية
يا جماعة أنا صلحت حوار النتشة دي الحمد لله
العربية بعد مايتكشف عليها بالكمبيوتر بيتعرف إذا كان العيب من الزيت ولا البلف المهم أنا الحمدلله طلع عندي من الزيت بس سألت هيتكلف كام المهندس قال لي لو الزيت لزوجته كويسة وناقص بس هنزودو ولو لزوجته وحشة هنغيرو خالص بس الحمد لله كانت لزوجته كويسة وكان ناقص كيلو زيت بس زوتهم وحسبلي الكيلو بـ 165 جنيه والحمد لله المشكلة اتحلت
مبروك ياباشا على حل المشكلة وعقبال كل اللى اشتكوا ما يخلصوا من المشكلة دى علشان هى فعلا غلسة
وشكرا على مجهودك فى القسم بجد مجهود رائع
أنا كنت بدور على حد كويس في البيجو بس بره التوكيل ولقيت واحد هنا كان كاتب عن مهندس اسمه فريد شوقي :)
قلت اجربه هو في مدينة نصر في الحي العاشر بس لما رحت كان باشمهندس فريد نفسه مسافر وكان ماسك مكانه مهندس تاني محترم جدا وفاهم جدا وامين برده . ورغم إن المكان مش اد كده بس أنا استريحت نفسيا للراجل وحسيت إنه هيعمل الصح وهو فعلا عمل الصح
بالنسبة للتكلفة هو حسبلي كيلو الزيت بـ 160 جنيه وأنا كان عندي مشكلة في طلمبة البور وكان قايلي يا هنقدر نصلحها يا هنضطر نغيرها وقال لي لو هتتصلح حتتكلف 600 ولو هتتغير هتبقى 1500 استيراد واتصلحت الحمد لله رغم إني كنت مستغلي السعر كان في كمان صوت عندي بيطلع لما بدور العربية مكنتش عارف من إيه ونسيت أقوله عليه قبل مااسيبله العربية بس لما رحت استلمها لقيته مغير رمانة البلي بتاع الدينامو ودي كانت بـ 80 جنيه وقال لي أنا آسف إني مقلتلكش قبل مااغيرها بس كان لازم تتغير عشان ماتفرطش منك . المهم في الآخر خد مصنعية 60 جنيه
يعني الحاجة الوحيدة اللي مستغليها هي تصليح طلمبة البور والله أعلم ممكن تكون تستاهل المبلغ ده
بالنسبة لموضوع اماكن الصيانة ده أنا شايف إن الأحسن يتعملها موضوع منفصل عشان أي حد يقدر يرجعله في أي وقت ويا ريت لو يتسبت ويكون فيه اسماء المراكز وعناوينهم وأرقام تلفوناتهم
بص يا shark باشا
واضح انك لقيت عضو نشيط في قسم البيجو
انا بجد مبسوط بوجودك معانا وان شاء مع بعض نقدر ننتشط قسم البيجو شوية
ربنا يخليك يا باشا و ان شاء الله يبقي قسم البيجو من احسن الاقسام بوجودك انت و كل الناس اللي زي العسل اللي هنا
السلام عليكم-احب اوضح امر انه بالنسبة لفتيس ال307 وموضوع النتشه واداء الفتيس......الفتيس يتكون من 3 اقسام هامه:
قسم ميكانيكي وهو خاص بالتروس
قسم هيدروليك وهو خاص بدائرة الزيت
قسم كهرباء او الكتروني وهو يشمل الحساسات واسلاك الضفيرة
و غالبا تكون النتشه من الاتي....
لزوجة زيت الفتيس وكميته
درجة حرارة الزيت
درجة حرارة مياه التبريد(ذلك لان الفتيس مزود بمبرد لزيت الفتيس فاذا تلف تسبب في نتشه عند سخونة السيارة)
تلف احد السلونيد الداخلي للفتيس
تلف في الفالف بدي الداخلي
سدد في فلتر الفتيس
تهريب في الضغوط الداخليه
تلف الاسلاك الخاصة بالدفيرة الداخليه
تلف في مجموعة abs
تلف في وحده التحكم
تحديث لبرنامج الفتيس
عدم صلاحية الدينامو
ويمكن اذا اردتم شرح كل جزء علي حده ولكن لااريد الاطاله ...وان كان اكثر الفنيين تعودو تغير 2 سلونيد وزيت فتيس فقط ؟؟؟؟؟؟واحيانا تنجح واحيانا لايكون هذا السبب
مع العلم انه انتشر وضع زيت الماني ماركة swag بحجة انه يوضع في الالماني وله العديد من الاثار السلبيه علي المدي المتوسط (سنه) ولكن يجب ان يستعمل زيتal4الخاص بفتيس 307al4
اسف للاطالة وارجو ان اكون افدتكم بعض الشيء
احمد غلوش
طبعا يا احمد باشا افدتنا بس هو كل الاعطال دي بتظهر بالكمبيوتر ولا في اعطال منها لازم تفور الفتيس عشان تقدر تحددها.
تحت امر حضرتك .....كل الاعطال الالكترونيه او الكهربائيه تظهر بالكمبيوتر...(طبعا الجهاز الاصلي الخاص لبيجو)
كالاتي:
1-شحن الدينامو
2-درجة حرارةالزيت للفتيس
3-اذا وجد عطل في اي حساس(حيث يظهر اسم الحساس تلقائيا)
4-الضغط داخل الفتيس(2.7bar) عند السرع الخامله ويتم زياده الضغط مع سرعة المحرك فاذا ثبت الضغط او بدء بالنزول عن 2.7 يكون في تهريب في الضغط ويتم عندها فك الفنيس
5-يتم الكشف عن فتح السلونيد الداخلي ومجموعةevs وهي عباره عن 6 صمامات صغيرة مزودة باويل رنج وتغيرها يلزم فك كرتير الزيت فقط
6-مجموعة abs
7-تلف الكنترول او تحديثه
اما تغيير الفلتر الداخلي او الكلاتشات فتحتاج فك الفتيس
وغالا اذا كان مستخدم الجهاز ماهر جدا جدا يستطيع تحديد العيب قبل الاصلاح خاصة وانه ازا لزم عمرة للفتيس فالنصيحه هو تغييره ارخص.....خاصة وان بعض المراكز تقوم بعمل عمرة للتغلب علي كل الاعراض ويكون العيب في حساس فقط
اسف للاطاله وارجو ان اكون افدت حضرتك مع اني بحاول اختصر الا لو في بند محتاج شرحه مفصل تحت امرك
م احمد غلوش
ألف شكر ليك يا باشمهندس احمد
هو حضرتك شغال في صيانة البيجو فالتوكيل أو مركز خدمة لأن واضح من خبرتك إنها مش هواية
ولو كده حضرتك ممكن تقولنا أنهي فرع
كلام كبير وهام وأرجو منك لو كنت شغال فمركز خدمة أو توكيل تقولنا فين أو تنصحنا بمكان يكون فيه ناس بتفهم وعندها ضمير
تحياتى لك وشكرا على التعاون
حضرتك انا تحت امرك في اي مساعده وممكن تختار اي مركز خدمه معتمد والنصيحة انك تتعامل دايما مع مدير المركز...وذا حضرتك حابب انك تقوليالعيب قبل متروح ممكن اساعدك.....
طب يا جماعه انا النتشه دي عندي بتظهر و العربيه بارده وبتبدأ تقل لما العربيه تبدا تسخن ومش عارف السبب في ايه ولما روحت كشفت عليها عند مودرن سيرفس قالي الضغوط سليمه ولو الفتيس كان محتاج بلوف كان ظهر فمش عارف ممكن يكون السبب ايه وبرده لما اسيب رجلي مره واحده من على البنزين بلاقي العربيه زي ما تكون اتخطفت كده لورا فدي تبقى قواعد ماتور ولا فتيس ولا ايه بالظبط ؟؟؟
بس ياباشا انا معي رينو كليو جير اتو ماتك وكان بيها نفس العيب اللي بتقول علية هتقول وايه علاقةجير الرينو بالبيجو هقولك هو نفسه الجير في البيجو بيأخذ اسم AL4 وفي الرينو يأخذ اسم DP0
العيب ده موجود في الجيرات دي وبيكون علي شكل نتشه كدا لما العربية تكون باردة
حلها ان مجموعة الفالفات تتفك وتغير 2 سلونيد مع تغيير الزيت وسلامتك
وده رابط الموضوع اتطلع عليه
http://www.nilemotors.net/Nile/219963-307sw.html
ايوا مش دول هما البلوف بتاعت الضغط لما روحت لمودرن سيرفس قلتله عليهم قالي دول لو فيهم حاجه كانو بانو في الكمبيوتر فنا مش عارف اعمل ايه وهل لو فعلا غيرت البلوف والزيت خلاص الفتيس هيتظبط ومش هيرجع يعملها تاني ولا هيبقى ليه فتره معينه وترجع (يعني يكون عيب في الفتيس نفسه) مع العلم ان اكتر حاجه زهقتني من العربيه فعلا اني مش لاقي حد فاهم فيها حتى مراكز الصيانه مع احترامي الكامل ليهم ,,,, ومعلش انا عايز اسالك لما كانت المشكله عندك برده كانت بتعمل نفس موضوع لما تشيل رجلك مره واحده من البنزين تعمل الخطفه دي معاك ولا دي مالهاش دعوى ومعلش انا تاعبك معايا بس والله العظيم انا نفسي متضايق جدا وتقريبا هبيع العربيه عشان كده
سيبك منهم وروح لميكانيكي فاهم وغيرهم هما والزيت وان شاء الله تظبط ويبقي الجير تمام
الاخ العزيز نوع عربيتك ايه وموديلها؟؟؟
احب اطمنك ان ظهور النتشة مع برودة السيارة واختفائها مع السخونة لا يظهر _غالبا_علي الجهاز لانها اختلاف في خواص دائرة الهيدروليك اوبمعني عام-مواصفات الزيت من حيث الكمية واللزوجه.....وتظهر علي الجهاز للمتخصصين جدا عند البحثفي (معدلات حركة الصمامات الكهربية من فتح وغلق)electro valves
وهي 6 صمامات موجوده في الفالف بدي.....وحتي لا اطيل عليك غالبا يوجد
1- تسريب للزيت في سيارتك عن طريق تلف في اويل سيل كوبلن او من الطبة(يمكنك الكشف بنفسك بسهوله من وجود نقط خفيفه علي المصفح او الارض)وفي هذه الحاله قم بتزويد نصف كيلو من زيتal4
2-اذا لم يوجد تسريب قم بفك الطبه الكبيره المتواجده من اسفل الفتيس وقم بتفريغ الزيت .ثم التزويد من الطبه المتواجد اعلي الفتيس ......وان شالله العيب هيروح....
م-حمد غلوش
السلام عليكم....احب اوضح معلومة ربما تفيد....كيق يتم قياس زيت فتيس الal4بمحتلف تطوراته؟؟؟ومما هو معلوم ان لنقص الزيت مساويء فان لزيادته مساويء ايضامن زيادة الضغط داخل الفتيس مما يؤدي لتلف الاويل سيلات وبطا التسارع وارتفاع درجة حرارة الزيت داخل الفتيس....
اولا-للفتيس طبتان العليا والسفلي الصغيرة
ثانيا-تدوير السيارة حتي تصل درجة الحرارة للمحرك 70 درجة
ثالثا-يتم الضغط علي دواسة الفرامل-وتحريك عصا الفتيس علي كافة النقلات d>n>r
رابعا-وضع الغصا علي الp والمحرك دائر
خامسا-يتم فتح الطبه السفلي الصغيرة وفتخ الطبه العليا فاذا حدث تنقيط من الطبه السفلي.. اذا مستوي الزيت جيد اذا لم يحدن يتم تزويد نصف كيلو من الطبة العليا...واعاده العمليه والبند ثالثا ورابعا وخامسا وكذلك حتي تتم عملية بدا نزول الزيت.....حيث لايتم التزويد الجزافي مما له الاتر السيء علي اداء الفتيس
يا باشمهندس هيا بتظهر وهيا بارده وبتقل لما العربيه بتسخن بس بتبقى موجوده بس بشكل اقل وبتبان قوي في النقل التنازلي يعني لما ادوس فرامل خفيفه وتبدا العربيه تنقل من الرابع للتالت وهكذا يعني بحس بنقل العربيه ,,, المهم انا لو عايز احل الموضوع ده اروح فين او اعمل ايه ؟ ومع العلم اني برده لما كشفت عليها قالي ضغوط الزيت عندك سليمه
موديل العربية بعد اذنك...
شنابر ديل الفتيس وتغير الزيت والمشكلة تتحل
على فكرة انا عندى نفس العيب فى سيتروين سى 4 ... هى بيظهر كل مده مره كده...انا اصلا من النوع الى محبش اى عيب فى العربية..رحت لواحد فاهم فى الفرنساوى قالى ممكن تتصلح بس حتتكلف كتير والفتيس مش حيعيش كتير...لسه حروح التوكيل ان شاء الله واشوف حيقولوا ايه... فعلا العربيات دى عيبها الفتيس بتعها.. لو حصلت فيه مشكلة لازم يتغير وهو غالى جدا....ربنا يستر ويبقى العيب تغيير زيت ولا حاجة.
معلش كان ليا استفسار ... انا روحت لواحد فكلي وشاف ان الشنابر لازم تتغير فغيرلي الشنابر ولما اتحركت فعلا النتشه دي 80% منها راح بس جيت وانا بهدي على مطب لاقيت الار بي ام بيعلي والعربيه مبتتحركش كاني جايب على n ولما جبت ال p وبعدها d اشتغلت عادي لحد اما مره واحد عملت ومرضيتش تمشي وكاني جايب ال n فمعلش كنت بسالك يا بشمهندس لو تقدر تحددلي المشكله ممكن تكون من ايه يعني من البلوف مثلا او من المالتي سويتش عشان انا معنديش خبره ,, ومعلش البلوف لو فيها خلل بيبان ازاي في العربيه واسف على الاطاله
انا اسف جدا للتاخير في الرد رجاء ان يتم عذري___اتمني ان اعرف
موصلت له الان؟؟؟ولكن حتي تعم الفائدة موضوع طقم الشنبر هذا نوع من الاجنهاد الجيد من بعض الفنيين حيث يقوم بعلاج للاعراض الناتجة من تسريب الزيت وتهريب الضغط الداخلي في الفتيس....وذلك بتغيير طقم شنبر لمجموعة الخلفية في الفتيس.....ولكن يجب ملاحظة عدم وجود عيب في داخل الفتيس يتسبب في ذلك حتي لايعود العيب باذن الله....عموما لايمكن معرفة عيب سيارتك الابعد الكشف الدقيق الداخلي والكشف علي الاطواق وهو العيب الشائع لسيارة حضرتك ويتم تغييره وان شاء الله العيب يروح مع طقم الشنبر و الكشف ع الفالف بدي و2 سلونايد ونوع الزيت.....
اتمني موافاتي بما وصلت له وان شاء الله تتحل المشكله
م-احمد غلوش
عدى سؤال سريع يا بشمهندس , انا قلت اعمل حركة نعنشة للعربية و انضف البوابة و بالفعل فكتها و نضفتها بفرشة سنان و مانت مايانة زيت على هباب .
ركبتها و دورت العربية افضل كتير بس بيطلعلى رسالة بعد مداور بكام ثنية كدة engine management sys fault هل انا كده محتاج اظبط حساس البوابة بالجهاز و ايه لازمة الزرار التحت دواسة البنزين كنت فاكر انه ليه علاقة.
لو الرسالة ظهرت تاني........................فك كابلات البطاريه ولمسهم ببعض 5ثواني او اعمل restasrt بالجهاز
حصلت عندي مشكلة تانيه مش عارف ايه الموضوع بظبط
لقيت زيت ابيض خفيف نازل من الفتيس بينقط نقطه من بين الفتيس والمتور ونقطه من علبه كدا مربوطه باربع مسامير مش عارف ده ايه
وفي حاجة غريبة جدااااا بتحصل مره تنقط ويوم متنقطش خالص
الف شكر يا بشمهندس
ده اويل سيل بتاع القربة ثمنه مش غالى بس تركيه هو الغالى لان الفتيس لازم بنزل.
نصيحة بقى مهة جدا متشتريش اويل سيل غير الاصلى خاصا لو فى مكان حساس زى الفتيس و تركيبه مكلف. ممكن تشتريه من التوكيل و تركبه بره لو بتثق فى حد
السيل ثمنه لا يتعدى 150 جنيه و تركيبه ممكن يوصل لالف جنيه فى التوكيل , مودرن سيرفيس قالى 1200
و ممكن تشوف عند البشمهندس احمد برده ايه الاخبار عنده
اب ب ب ب ب يعنى الفتيس لازم ينزل واكيد الماتور كمان لازم ينزل طيب دي فحد زتها مشكله لان انا بسمع ان الفتيس لما بينزل ويتفك عمره ما بيرجع زي الاول وتبدا مشاكله تكتر ربنا يسترهااااااااااااااا
طمنى انا بتكلم صح ولا غلط
طيب يعنى اسافر بيها من السويس لمصر ولا غلط
معلش سمحنى نسيت اشكرك من شدة الصدمة انا اسف والف شكر
معلش سؤال مهم جداااااااااا معلش وده سببه ايه وهل ده طبيعي ولا نتيجة مشكلة معينة في الفتيس مع ان العربية عاملة 70 الف وكنت لسه كاشف في توكيل غمره علي مستوي الزيت والضغوط من اسبوعين تفتكر ممكن يكون ده السبب
اب ب ب ب ب يعنى الفتيس لازم ينزل واكيد الماتور كمان لازم ينزل طيب دي فحد زتها مشكله لان انا بسمع ان الفتيس لما بينزل ويتفك عمره ما بيرجع زي الاول وتبدا مشاكله تكتر ربنا يسترهااااااااااااااا
طمنى انا بتكلم صح ولا غلط
طيب يعنى اسافر بيها من السويس لمصر ولا غلط
معلش سمحنى نسيت اشكرك من شدة الصدمة انا اسف والف شكر
معلش سؤال مهم جداااااااااا معلش وده سببه ايه وهل ده طبيعي ولا نتيجة مشكلة معينة في الفتيس مع ان العربية عاملة 70 الف وكنت لسه كاشف في توكيل غمره علي مستوي الزيت والضغوط من اسبوعين تفتكر ممكن يكون ده السبب
اب ب ب ب ب يعنى الفتيس لازم ينزل واكيد الماتور كمان لازم ينزل طيب دي فحد زتها مشكله لان انا بسمع ان الفتيس لما بينزل ويتفك عمره ما بيرجع زي الاول وتبدا مشاكله تكتر ربنا يسترهااااااااااااااا
طمنى انا بتكلم صح ولا غلط
طيب يعنى اسافر بيها من السويس لمصر ولا غلط
معلش سمحنى نسيت اشكرك من شدة الصدمة انا اسف والف شكر
معلش سؤال مهم جداااااااااا معلش وده سببه ايه وهل ده طبيعي ولا نتيجة مشكلة معينة في الفتيس مع ان العربية عاملة 70 الف وكنت لسه كاشف في توكيل غمره علي مستوي الزيت والضغوط من اسبوعين تفتكر ممكن يكون ده السبب