تقرير عن elentra 2012

**Hussein_Ramdan** · 11-07-2011 10:54 AM

بسم الله الرحمن الرحيم
ازيكو ياشباب معلش بئا اتاخرت عليكم شوية فى موضوع التقرير
العربية الى معايا هى اللنترا 2012
جى ال اس 138500 الى هى دلوقتى بقت ب 140000

الموصفات
1-جنو(جنط16 ) وكمان الاستبن جنط
2-فتحت سقف
-تكيف تاتش (بس للعلم التكيف التاتش فى منو نوعين نوع بشاشة زاى الى هتشوفو فى الصورة دلوقتى ونوع من غير شاشة)

3- طارة مالتى (جلد طبيعى ) والفتيس بردو جلد
4-حسسات مطر
5- بارجينج سينسور
6-حلية معندية عند الفتيس
7-فوجات
8- غطاء جانب الفتيس للعلبة فى فوقى الصراحة انا شوفت المكان دة فاضى فى الفئات الى اقل لكن منظرها وحش جداااا (غبور غبى جداااا فى عشان من غير الغطاء دة شكل الكونسل معفن جدااا )
9-بلوتوث بس جميل ااووووووووووى ياشباب وانك اول ماتخوش العربية بيشبك معا الكاسيت لوحدو
10- 2 مفتاح قابل للطى ممكن تفتح منو الشنطة عكس الفئات الى اقل مفتاح عادى جدااا زاى مفتاح ال 28 حاجة غريبة جداااا
المهم
العربية حلوة ياشباب وخفيفة جدااا
فى حاجة مش عارف دة عيب ولاة ميزة
البور خفيف جداااا جدااااااا جدااااااا
لكن حلو ولذيذ
بنسبة لسحب العربية كويس نوعا معا لكن مش هقدر احكم عشان زاى ما قولت قبل كدة انى ماسوقتش اتوماتيك قبل كدة
لكن انا حاسيس انها تقيلة
صوت الماتور وانتا جوة العربية متسمعوش خالص يعنى ونا قاعد جوة العربية ممكن محسش ان العربية دايرة او لاء
المساحة الداخلية طبعا مفيش اختلاف ان العربية واسعة جدااا
وكمان الشنطة
النظام الصوتى كويس معقول ولاة حلو ولاة وحش
العفشة جميلة جداااا وخفيفة
بنسبة للتستهلاك البنزين لسة محسبتوش
بنسبنة للتقدير العام للعربية مقابل السعر 8/10

**Hussein_Ramdan** · 11-07-2011 10:57 AM

لو فى اى اسئلة انا تحت امركم
احنا ياما استفدنا من المنتدى الجميل دة

**akmall** · 11-07-2011 11:17 AM

الف مبروك يا باشا ويديك خيرها ويكفيك شرها في بس كام نقطة ممكن استفسار بشأنهم

ثبات العربية عامل ايه معاك ولا لسه مش جربته

- (غطاء جانب الفتيس للعلبة فى فوقى الصراحة )والنقطة دي سورى انا مش فاهمها ياريت توضيح

- ياترى بردوا بييجي ايه مع العربية وانت بتستلمها

وشكرا للتقرير

**Hussein_Ramdan** · 11-07-2011 11:32 AM

بنبسبة للثبات لسة مجربتهاش
بنبسة للغطاء انا اسف غلطة مطبعية
فى صندوق كدة فوق الفيتس فى الفئات الجى ال اس بس بيكون ليها غطاء ومن غير الغطاء شكلها وحش جدااااااة
الكتالوج والولعة
ووالكروريك والحاجات دى بس

**MOSTAFA_LOTFY** · 11-07-2011 11:51 AM

الف الف مبروك يا باشا وربنا يكفيك شرها ويديك خيرها

**bukla** · 11-07-2011 12:06 PM

الف مبروك
ربنا يديك من خيرها و يكفيك شرها

**Screenplays** · 11-07-2011 12:19 PM

ياااااااااااااااه انا كنت مستني التقرير ده من زمان و تقرير وافي بس مش زي ما كنت متوقع و ان شاء الله بعد صيانه الالف تعمل تقرير اشمل من كده و بالمره تكون جربت ثبات العربيه و ياريت المقارنه بسياره اخري في النقطه دي بالذات بس تكون طبعا في نفس الفئه و ايه اخبار الخامات الداخليه ؟ يعني افضل من الالنترا القديمه و لا ايه ؟

**fahmy** · 11-07-2011 01:00 PM

الف مبروك ياباشا بس انا عندى سؤال صغير هى العربية وانتا ماشى بتكتب النقلة الى انتا عليها ولا لازم تجيب استترونك علشان تعرف النقلة ال انتا عليها

**Hussein_Ramdan** · 11-07-2011 01:02 PM

المشاركة الأصلية كتبت بواسطة screenplays

ياااااااااااااااه انا كنت مستني التقرير ده من زمان و تقرير وافي بس مش زي ما كنت متوقع و ان شاء الله بعد صيانه الالف تعمل تقرير اشمل من كده و بالمره تكون جربت ثبات العربيه و ياريت المقارنه بسياره اخري في النقطه دي بالذات بس تكون طبعا في نفس الفئه و ايه اخبار الخامات الداخليه ؟ يعني افضل من الالنترا القديمه و لا ايه ؟

الصراحة ياباشا انا اول مرة اعمل تقرير ولاة كونت اتوقع اعمل تقرير بس حسيت ان دة واجب عليا عشان محس انى انانى عشان انا كونت بخوش المنتدى اتعلم منو ولازم بردة احاول اساعد ناس
المهم
بنبسة للثبات لسة مجرتش بيها
بنسبة للفرافل
انا جربت افرمل على منطقة فيها رمل العربية بتزحف تطريقة غبية (نظرا لعدم وجود ا بى اس بس فى ناس قالت ليا حتى لو فى اى بى اس لو على رمل لازم تزحف بردو )
لكن على اسفلت عادى الفرامل جميلة كدة
تانى حاجة الخامات جيدة جدااا التابلوة حاولى 85% جلد
والتقفيل ممتاز جدااا
والصراحة انا مركتش اللنترا القديمة عشان احكم
بس العربية واسعة والقعدة فيها مريحة جداااا