انا اول مرة اشترى عربية وكنت محتار جدا
وكنتا بافكر فى السكودا الفبيا
ايه رائ حضراتكم فيها وخصوصا انها 1200 cc بس !
ومع التكييف ايه نظامها فى الجرى
وايه نظام قطع الغيار متوفرة وسعرها معقول ولا ...
وشكرا
عرض للطباعة
انا اول مرة اشترى عربية وكنت محتار جدا
وكنتا بافكر فى السكودا الفبيا
ايه رائ حضراتكم فيها وخصوصا انها 1200 cc بس !
ومع التكييف ايه نظامها فى الجرى
وايه نظام قطع الغيار متوفرة وسعرها معقول ولا ...
وشكرا
انا تفسى بردو الاقى اى معلومات عن الفابيا 2005 سيدان....بس حاسس ان محدش عارفها وكأنى بسأل على مخلوق فضائى غريب ههههه
الفابيا 1400 و 1600
الا 1600 انا بركبها وبسافر بيها مع زميل ليا
عربية ممتازة بمعنى الكلمة
والله بتعجبنى اوى ما شاء الله
مراتي عندها فابيا 1400 سي سي موديل 2002، بصراحة موتور لا بيفرق معاه تكييف ولا غيره، بجيب سرعة 180 عادي علاصحراوي، بس محتاج كاوتش عريض شوية للثبات عالسرعات العالية
استهلاكها للبنزين اقتصادي جدا جدا
هي الفابيا عربيه جميله جداااا
بجد بفكر اشتريها بعد الفليشيا ده في حاله لو مش هعرف اركب حاجه الماني (فولكس او اوبل)
انا لسة شاري فابيا 2002 1000 cc كمان لا 1200 ولا 1400
العربية بامانة ربنا اكتر من رائعة في كل حاجة مع العلم انا جايب العربية فاضية فيها هاف باور وسنتر فقط بس بجد عربية جميلة جدا وأقتصادية في البنزين بطريقة فظيعة
وبالنسبة للسحب فأنا زي مقلت 1000 cc ومع ذلك حاسس ان سحبها كويس اوي بس متحطلهاش اقل من بنزين 92 ولازم تبقي فاحص طرمبة البنزين ونظافة الانجكشن كويس ومظبط كهربة العربية حتلاقي السحب تمام
( بس طبعا معني ان السحب كويس اوي مش انك تقارنه بعربية 1400 او 1600 ) انا بتكلم بالنسبة لــ1000 cc فهو كويس جدا