صباح الفل يا بشوات المنتدي المحترم
انبارح رحت اشتري بوجيهات الراجل اداي نوع دينسو وقالي النوع ده هو هو ngk الاثنين يباني وثمنه 45جنية فأية راي السادة الخبراء فعلا هما زي بعض وهل بيحتاج ضبط للثغرة ولا مظبوط على الانوس ؟؟
تحياتي الغالية
عرض للطباعة
صباح الفل يا بشوات المنتدي المحترم
انبارح رحت اشتري بوجيهات الراجل اداي نوع دينسو وقالي النوع ده هو هو ngk الاثنين يباني وثمنه 45جنية فأية راي السادة الخبراء فعلا هما زي بعض وهل بيحتاج ضبط للثغرة ولا مظبوط على الانوس ؟؟
تحياتي الغالية
هي دي بالظبط بس البيانات على الورقة البيضاء مختلفة يعني بدل D21 هي D14 وبدل k16pr هي k20pr
وانا مش فاهم حاجة يحد ينصحي لوجه الله وتحياتي http://www.rallynuts.com/user/produc...PR-U11_600.jpg
بص ياعزيزي
الاكيد ان دينسو شركة وان جي كي شركة تانيه خالص ملهمش دعوة ببعض
والعامل المشترك الوحيد بينهم هم ان الاتنين شركتين يابانيين
اما عن ان البوجيهات دي متوافقه مع عربيتك بدل الان جي كي فاعتقد حد من اللي معاه نفس عربيتك هيفيدك او اكتبلي كود البوجيه الان جي كي القديم بالكامل والدينسو الجديد بالكامل وان شاء الله اقدر افيدك
تحياتي
ماهو عشان كدة انا عايز خبير من قسم الدايو يرد عليا
تقبل خالص تحياتي
k20 معناها ال heat range بتاع البوجيه بمعنى كل ما الرقم ده يعلى يبقى أفضل لظروف التشغيل فى الأجواء الحارة
Denso k20 هايبقى زى NGK 6 or 7 heat range
الف شكر يا بشوات والله تحياتي الغالية لكم جميعا بس سؤالي هو ينفعوا للانوس ؟
الف شكر
مفيش حاجة اسمها ينفع او لا ينفع في البوجيهات طالما المقاسات واحدة حجماً ولكن قول عمرهم الافتراضي متساوي جودة الصنع ايهما افضل تاثيرهم علي السحب ايهما افضل ولكن ينفع ام لا ف الاثنين يركبوا وينفعوا بس ظبط فتحة الثغر قبل التركيب للتاكيد
مشكور جداا طارق باشا المحترم جدااا الف شكر يا ريس يعني النوع ده حلو في الانوس
انا ماقولتش حلو ولا وحش انا قلت يركب علي اللانوس وحلوا او وحش انتا الي حتحكم بعد تجربته
من حيث الاداء وسحب السيارة وعمر البوجيهات
شكرا
انا كنت سألت عن ال NGK ولقيتهم ب 50 جنيه والراجل قالي ان في ب 30 بس مضروب
وبعدين راح سألني انت عربيتك ايه قولتله لانوس فقالي بس دول مش بتوع عربيتك اللانوس بتوعا سن طويل انما دول سن قصير
فياريت لو حد يعرف ازاي نعرف الأصلي من المضروب وايه موضوع السن ده لان دي برده معلومات هتفيد في الموضوع ده سواء كان NGK أو Denso
وشكرا
السن الطويل والسن القصير يركبوا بس الفرق ان السن القصير بيركب للموتور الخفيف علشان الزيت ميمنعش الشرارة بتاعة البوجيه
طيب معلش ممكن أعرف احنا المفروض نغير البوجيهات علي كام ألف
أصل أنا حاسس ان السحب عندي بقه وحش شويه وبعدين أنا عاوز اكشف علي البوجيهات فعاوز أعرف كمان ينغع أكشف انا علي البوجيهات ولا لازم اروح لميكانيكي (ولو ينفع انا ازااااااااااي؟؟)
طارق بك سامحني سؤال بسيط هو افضل ضبط للثغرة في الانوس كام ؟ تقبل خالص شكري وتحياتي
0.7 mm
MMamdouh
انا وصلتلك للملف ده:
http://www.globaldenso.com/en/produc...automobile.pdf
ده معناه ان البوجيه بتاعك من ماركة دنسو لازم يكون : W20EPR-U
واللنك ده برده نفس الكلام:
DENSO SPARK PLUGS
الغريب بقي ان وانا بدور لاقيت انواع لل NGK
2002 DAEWOO LANOS S 1.5 L4 FI
Standard BPR6ES #
V-Power BPR6EY
G-Power BPR6EGP
Iridium IX BPR6EIX
وده الفرق:
NGK Spark Plugs USA
حد جرب والانواع دي موجودة فين؟
تحياتي للعضو swimmer25 .....
وكيل شركة NGK اليابانيه ...في مصر ...هي شركة عادل توفيق للاستيراد ...الشركة دي فقط هي وكيل NGK في مصر ....و محدش يقدر يستورد بوجيهات NGK ....غير عادل توفيق محمد ....و طبعا لقطع الشك باليقين ...يبقي الواحد يشتري من الشركة و يريح دماغه من قصه الاصلي و المضروب ....لان عادل توفيق نفسه بيحارب الناس اللي بيشتغلوا في ال ngk المضروب لانهم بيأثروا علي سمعه المنتج اللي بيستورده و بالتالي بيضربوا له الشركة بتاعته.( و بالمناسبه المضروب يا إما بييجي متهرب او بيتضرب داخليا هنا )..و اللي عنده خبره في الخامات يقدر يفرق المضروب من الاصلي ...و بالنسبه للانواع اللي حضرتك ذكرتها في مشاركتك لو سألت عنها في الشركة حيفيدوك جدا و بالتالي حنستفاد كلنا :-)
صديق ليا معاه aveo ...جاب منهم بوجيهات علي حسب ما أتذكر كانت في حدود 100 جنيه تقريبا ....و كانت بتتشتغل لغايه 80.000 كم ....و قاللي انه شعر بفرق كبير في السعب و استهلاك البنزين فرق معاه ....ممكن ده يكون نوع من اللي حضرتتك ذكرتهم في مشاركتك ....
بالمناسبه ان عربيتي لانوس 2011 و عامله 9500 كم....هل أغير البوجيهات افضل في صيانه ال 10000......مع العلم ان البوجيهات االلي راكبه فيها champion ......
سؤال تاني : بوجيهات اللانوس ال ngk ....لها رقم ....هل بتيجي مظبوطة علي 0.07 mm ...ولا لازم تتظبط ؟؟؟؟
تحياتي للجميع
عمرو ابراهيم
انا هقولك علي تجربتي...انا عملت صيانة ال 20 الف علي ما افتكر والعربية كانت عاملة اقل من 15 الف وكانت بوجيهات الشامبيون طالعة هباب.......... طبعا ليك حرية الاختيار
ممكن تفكها بنفسك وتبص عليها...
هتجيب بس مفتاح بوجيهات اللي هو عبارة عن ماسورة طويلة ومعاها حديدة عشان تحطها في الماسورة وتفك...واهي تبقي عندك وتستخدمها وقت ما تحب...هي ب 7 جنيه ومتشتريش اللي بدراع الوان عشان مالوش لازمة ...ولما تفك سلك البوجيه...تمسكه من الحديدة مش من السلك
بالنسبة لظبطة البوجيهات انا رحت اشتريت فللر وبعد ما اشتريته وجربت لاقيتها اصلا مظبوطة...بس خلي بالك لازم يكون البوجيه موقعش علي الراس بتاعته
لو هتجيب بوجيهات ابقي اسال علي الانواع التانية وقولنا الاخبار ايه
I use NGK & they are very good - I change them myself - I put new ones every 15 or 20 thousand kms. yalla good luck
I hear Denso is a good brand too
شكرا جزيلاا