السلام عليكم
انا عايز اعرف ايه اخبار العربية دي( بونتو كلاسيك) كويسة وللا ايه ؟ و قطع غيارها ايه ظروفها و بكام؟ و هل موفرة في البنزين وللا لأ ؟..........
شكرا
عرض للطباعة
السلام عليكم
انا عايز اعرف ايه اخبار العربية دي( بونتو كلاسيك) كويسة وللا ايه ؟ و قطع غيارها ايه ظروفها و بكام؟ و هل موفرة في البنزين وللا لأ ؟..........
شكرا
يعني 7 مشاهدات ولا حد عبرني من القسم حتي مع ان موضوع كاوتش البونتو اكيد فيه ناس معاهم بونتو شكرا عامتا
معلش يا باشا بس ساعات كل واحد بيبقي داخل يدور علي موضوع معين فمش بيركز في الباقي
العربية معايا بقالها 3 شهور ... العربية تمام الحمدلله واستهلاك البنزين كويس وأداء العربية كويس الحمد لله بس المفروض مانحكمش عليها قبل 1000 كيلو ... بالنسبة لقطع الغيار لسه معنديش خبرة بس اللي بسمعه ان في حاجات غالية و حاجات معقولة بس الميزة يعني ان تقريبا كل حاجة موجودة برة التوكيل مش هاتتعب عشان تلاقيها بيقولوا الكيلاني عنده كل حاجة ... واللي معاهم العربية من زمان يفيدوك أكتر ان شاء الله
الف شكر لحضرتك و يا ريت الناس تساعد لأن اكيد اللي بيسأل في حاجة لاجابة مش بيسأل عشان يضيع وقت الناس :)
البونتو موفره جدا في البنزين و بالنسبالي عربيه مريحه جدا موضوع قطع الغيار انا طبعا عمري ما رحت التوكيل لاكن بشتري قطع غيار اصليه من برا و متوسط الاسعار مقبول يعني اغلي من اللانوس حاجه بسيطه عيبها انك بتروح لحد مخصوص مش عند كل الناس
الف شكر لتعاون حضرتك
الرجالة قالوا المفيد, العربية مش فظيعة بس كويسة جدا على سعرها
شكرا
عن تجربه العربيه ممتازه هى بتاعت اخويا لكن بركبها كتير وفعلا زى الاخوه فى المشاركات السابقة مبيقولوا استهلاكها ممتاز وقطع غيارها متوفره عند الكيلانى وفيات 2000 الكيلانى فى معروف امام ابو طارق بتاع الكشرى فى شارع شامبليون وفيات 2000 قالولى عند جريده الجمهوريه واسعاره فى المعقول وكله فى المعقول هو الكنترول بور بتاع السيتى بور هو اللى مشكله بيقولو استيراد ب2.5 اما الجديد الكيلانى سألته قالى مبجيبوش علشان غالى ب 8 الاف فالاحسن متشغلوش كتير الا للضروره علشان ميبوظش وكما خلى بالك بعد 190 الف الدبرياج كان تقيل جدا ودوخنى شويه عند المكانيكيه اللى مش عارفين بس واحد خد باله ان مستر الدبرياج عايز يتغير وبعدين لما غيره اتحسن شويه لكن برضه كان تقيل بالاخص بعد مشوار وبعدين طلع فيه ماستر تانى لما رحت للكيلانى وجبت التانى قالى المفروضكان الاتنين يتغيروا مع بعض ولهم عمر افتراضى زى البوجيهات ومجموع سعر الاتنين حوالى 500 ج واحد 230والتانى 270 وهكذا وفى الاستخدام العربيه بصراحه دودة مشاوير وعربية مدينة من الدرجه الاولى وفى السفر مش هتقول لاء بتسافر زى الفل بس مبتخدش شنط كتير علشان زى كل الهتشباك الشنطه صغيره ولو ركبتلها سمعات وكاسيت كويس اوعى صوته بيبقى خطير برضه زى كل الهتشباك مع الشنطه بيبقى الصوت مجسم والتكييف بتاعها ممتاز من الاخر هى عربيه معقوله جدا بالنسبه لسعرها ولآسره صغيره