عايز اكشف على تويوتا ياريس في حتى غير التوكيل ،، ممكن الإفادة ؟
عايز اكشف على تويوتا ياريس في حتى غير التوكيل ،، ممكن الإفادة ؟
التفكير السليم بصراحه
بس انتا منين لو من المنصوره انا ممكن افيدك
لأ أنا فالقاهرة وبالأخص في مدينة نصر
التوكيل اضمن ديه مش 28
مع احترامى ليكوا انا اتدربت واشتغلت فتره فى توكيل العباسيه ( تدريب تبع الكليه )
عرفت يعنى ايه اكل العيش بمعنى اصح معاهم
كل حاجه سليمه يغيروها بحجه ( امال ناكل عيش ازاى )
تيل الياريس ما بيتغيرش اقل من 60 الف كيلو بيغيروه على 25 الف كيلو
السيور بيغيروها على 20 الف كيلو وهيا بتقعد لحد 50 الف كيلو
البوجيهات بيغيروها على 30 الف كيلو وهيا بتقعد لحد 80 الف كيلو بكفائتها
فلتر الهواء على حسب حالته بس شوفت تغييرات فلاتر زيرو
زيت موبل1 الى بيستخدموه تصنيع مصرى ونصحتهم بزيت كاسترول ايدج ( دا 18 الف كيلو ) وبيدى عزم اكتر للمحرك وبيحافظ على المحرك فى اقصى ظروف التشغيل طبعا مش مقتنعين ان زيت تصنيع انجليزى تعبئه امراتى احسن من مصرى :grin54:
اهمال فى العربيات الى بتروحلهم وانتا حضرتك بتقعد فى الريسيبشن مش بتشوف حاجه بتلاقى قلب السنين فى العربيات علشان الزحمه
طيب ممكن اكشف فين على العربية دي ؟؟؟
لو في المنصورة ايه العمل يابشمهندس عاصم