الموضوع: الناس اللي في الميدان دي عايزة إيه؟؟؟؟؟؟؟؟؟؟؟؟؟؟؟

بص ياباشا ال مش لاقى شقه . ال قاعد فى الايواء . ال مش لاقى شغله شاغل نفسه بيها . ال شغله جنب الميدان ويوفر الموصلات. وقهوة فى مكان كويس وببلاش غير كدة انسى . انا ارى المجلس العسكرى يخططوا ميدان التحرير بشكل حضارى يعملوا مجمع زى سيتى ستار وفنادق فى منطقه الميدان بموقف سيارت متعدد الطوابق ونخلص

مش هينفع أقول عايزين إيه عشان ده منتدي محترم

مش فاهم الناس مالهاو عايزين ايه ؟ قال ايه سرعة محاكمة المتهمين , احنا لحقنا دا الموضوع بقاله 5 شهور بسسس؟؟ الموضوع عادى بياخد 10-15 سنة و لا ايه؟ احنا عايزين محاكمات عادلة يعنى ياخد وقته و طبيعى القضايا فى مصر بتاخد سنين يبقى نصبر !!
قال ايه عايزين تطهير ؟ يعنى الحكومة ترش كلور و لا ديتول؟ مهم شالوا وزراء كتير من الحزب و غيروهم بوزراء تانيين من الحزب برده و شالوا محافظين لوائات و جابوا لوائات تانيين و شالوا مديرين الامن و نقلوهم لمديريات امن فى محافظات تانية تمهيدا ان بعد 10-50 سنة يجيى وزير اقتصادى مميز مشهور او شخص اكاديمى محترم و لا مطلوب نقلب الطرابيزة مرة واحدة مفيش حاجة بتتغير فى يوم و ليلة؟
مطلوب ايه تطهير وزارة الداخلية؟ مالها الوزارة 10/10 و حالة الانفلات الامنى مستمريتش اكتر من 5 شهور بس بعد الثورة و لا الناس فاكراها فسحة و الناس اللى قتلت و عذبت باقيين علشان فى العهد الجديد فى بلطجية كتير و محتاجين ناس جامدة علشان تسيطر عليهم.
كل شوية طلبات طلبات و لا الالعن واقفين عجلة الانتاج , كل ما يحصل استحمار قصدى استقرار تلاقيهم نزلوا علشان يوقفوا العجلة!!!
عايزين نشتغل بقى و العجلة تدور و نلحق نفرح بال700 جنية الحد الادنى للاجور و طبعا دول كفاية اوى الناس تحوش منهم لا و الالعن يقولك قال ايه عايزين حد اقصى للاجور يعنى روساء الجامعات و مجالس ادارات الشركات الحكومية اللى هما كفائات تمتاز بيهم مصر قليل لما تلاقى زيهم فى العالم ياخدوا ايه ملالييم ؟ 100 و لا 200 الف فى الشهر زيهم زى رجل الاعمال المتوسط الحال و لا زى مذيع؟؟؟ امال هما بياخدوا 500 الف و مليون جنيه فى الشهر ليه مش عاشان الانجازات اللى بيعملوها فى المصالح الحكومية اللى اصبحت لا تقارن بالشركات الخاصة؟؟

دى بقت جمهورية التحرير و كل شوية طلبات قال ايه يا اخى عايزين مصر تتقدم و تتطور , فى حاجة كدا تحصل مرة واحدة؟؟ نصبر 100 سنة و لو المطالب متحققش ربعها نصبر 100 كمان و بعدها ننزل التحرير

الحق برضه يتقال دة ان دل برضه يدل على ان اى نظام قادم او دستور لازم احتواء كل المصريين دول بمختلف انتمائتهم السياسيه والاجتماعيه وهوايتهم وعقائدهم ومذاهبهم فى اللعبه السياسيه علشان طلبات كل هؤلاء تكون داخل هيكل النظام السياسى وننسى بقى ميدان التحرير ولا ماسبيرو . الاحزاب التقليديه الكرتونيه كالوفد والتجمع وغيرهم من انشىء فى عهد مبارك ليسوا لهم قاعدة شعبيه حقيقيه وانتهوا على ارض الواقع والمطلوب احزاب حقيقيه لها شعبيه او تمثل فئه من المصريين لان هؤلاء لو دخلوا اللعبه السياسيه سينتهى تماما ظواهر التحرير والسويس وغيرها . فميدان التحرير كان حل لاصوات ملايين المصريين ال كانوا محرومين من خروج اصواتهم ولا احد احد يسمع لهم ولهم طلبات ولا احد يسمع لهم فلازم من المجلس العسكرى والحكومه ببحث مشكله الاعتصامات وميدان التحرير بشكل سياسى وايجابى بعيدآ عن الاقصاء واللامبالاة

والله عندى فكرة حلوه قوووى لميدان التحرير للمجلس العسكرى والجيش المصرى. تعالوا نعمل فيه اكبر واطول برج فى العالم باسم برج الحريه زى برج المملكه والفيصليه بالمملكه العربيه السعوديه وبرج العرب بالامارات بشكل هندسى رائع ويقوم ببنائه القوات المسلحه وكبرى شركات المقاولات ودة سيحرك الاقتصاد الراكد لانك هاتشغل مصانع استيل ومكاتب استشاريه وهندسيه وموردين لمواد البناء محلى ومستورد وبناء معلم سياحى عالمى يجذب الانتباه الى مصر ونقول للعالم نحن نبنى برج الحريه بسواعدنا فى الميدان الذى صنع الحريه والله فكرة يا اخونا للبلد وعودة الثقه للمستثمرين والعالم بمصر والمصريين