رابطة مؤييدي الفريق احمد شفيق

**hobiko** · 11-07-2011 06:02 PM

المشاركة الأصلية كتبت بواسطة ahmedhossam86

و الله انجازات الراجل بتتكلم عن نفسها.. ان كل مرة باروح المطار باحس ان انا مش في مصر.. انا كنت في مطار جدة و مطار كوالالمبور في ماليزيا في اخر كام شهر و والله مايجوش 1 علي ألف من مطار القاهرة.. و الله كأنه مطار دبي بس علي اصغر... ده غير مصر للطيران اللي وصلت لمكانة معقولة بالرغم ان احنا دول عالم تالت!

تعالي بقي في باقي القطاعات.. جبلي وزير او مرشح محترم عمل اي انجازات في الصحة او التعليم او النقل او الاقتصاد .. الرجل نظيف اليد و لحد النهاردة من اول الثورة ماحدش عارف يمسك عليه حاجة.. و لا سافر بره مصر و بيته مفتوح و متواجد بصفة دايمة في الشارع...

و بالنسبة للاخ بتاع البونبوني و التاني بتاع البلوفر دمكو خفيف اوي.. لذاذ جدا!

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!

**Everlasting** · 11-07-2011 06:10 PM

المشاركة الأصلية كتبت بواسطة dojuar

فر ردود صادمة لي شخصيا

هو فكره طرحه كمرشح للرئاسة مقبولة أصلا؟؟

المشاركة الأصلية كتبت بواسطة dojuar

على كده المهندس المقاول اللي بنى القرية الذكية أولى من شفيق

واللي بنى مستشفى 57357 أولى من شفيق

**zkralla** · 11-07-2011 06:21 PM

كده كانك عاوز ترشح حسنى مبارك مرة تانيه

**تامر.محمد** · 11-07-2011 06:25 PM

المشاركة الأصلية كتبت بواسطة dr_magdi2009

على العموم الناس بتوع القهاوى دول و مناطق انتشار الحزب الوطنى .......... تقريبا هما اغلبية مصر يعنى خلى بالك احسن رئيس مصر هابكون منهم مش من بتوع الفيسبوك و التوتيتر

ستووووووووووووووووووووووو ووووووووووووووووووووب , بتوع القهاوي اغلبية ماشي
بتوع مناطق انتشار الحزب الوطني اغلبية , ما كانوش زوروا الانتخابات طول السنين دي لا مؤاخذة

شكلنا يا رجالة عرفنا الخلفية الفكرية للدكتور

**wael17** · 11-07-2011 06:25 PM

المشاركة الأصلية كتبت بواسطة otefa

ههههههه
أستحمل بقه ألي هايجرالك
أنا بأعزه وبأحترمه صحيح بس مش شايفه مناسب لمنصب رئيس جمهورية
شخصيته محترمة وطيب زيادة عن اللزوم
وأنت شايف الشعب المصري ماينفعش معاه النوع ده
هو كان ممكن يكمل مرحلته كرئيس وزراء لأنه منصب شرفي في الحكومة المؤقتة حاليا(الخيوط كلها في أيد المجلس العسكري)
وأكبر دليل شرف أعز مؤيديه قلبو عليه
تقبل تحياتي

+1111111
و لو شرف استقال و جاء واحد غيره و نزل الميدان ليكتسب مباركة الثوار هايهللوا شوية و شهرين و يقلبوا عليه برده

**تامر.محمد** · 11-07-2011 06:27 PM

المشاركة الأصلية كتبت بواسطة wael17

+1111111
و لو شرف استقال و جاء واحد غيره و نزل الميدان ليكتسب مباركة الثوار هايهللوا شوية و شهرين و يقلبوا عليه برده

يا ريت تراجع النقط المطروحة في باقي النقاش يا استاذ وائل و تشاركنا فيه ان امكن

**dr_magdi2009** · 11-07-2011 06:33 PM

المشاركة الأصلية كتبت بواسطة تامر.محمد

ستووووووووووووووووووووووو ووووووووووووووووووووب , بتوع القهاوي اغلبية ماشي
بتوع مناطق انتشار الحزب الوطني اغلبية , ما كانوش زوروا الانتخابات طول السنين دي لا مؤاخذة

شكلنا يا رجالة عرفنا الخلفية الفكرية للدكتور

'طب خد ........ دى .........ز وحدة من االفئة المثقفة مش بتاع القهواى

قالت الكاتبة الصحفية فريدة الشوباشى إنه ليس من حق أحد أن ينتقد الفريق أحمد شفيق لحضوره حفل تخرج القوات الجوية. وأكدت الشوباشي أن من ينتقد شفيق هم الخائفون من وصوله إلى الرئاسة لخوفهم من شعبيته، مضيفة بقولها "شفيق دون أن يرشح نفسه أو يعلن عن ترشحه حصل على المركز الثالث بين المرشحين بأراء الجمهور".
أضافت الشوباشى فى حوار لقناة "الجزيرة مباشر مصر " قائلة "فى ناس كانت فى بيوتها عندما كان شفيق يشارك فى العديد من الحروب مثل حرب الاستنزاف و67 وحرب أيام اليمن و73 وتساءلت من له الحق أن ينكر على جندى مصرى حضور حفل للقوات التى ينتمى إليها .
وردت الشوباشى على من يقول إن شفيق يحسب على النظام السابق قائلة "إننا جميعا نحسب على النظام السابق ولم نولد يوم 25 يناير وإنما أصبح لنا فقط عقليات جديدة ورؤى جديدة.
وأضافت انه يجب ألا نحمل أحمد شفيق رئيس الوزراء السابق خطأ التباطؤ الذى كان يحدث قبل ذلك وأنه ليس ذنبه أن دفع به مبارك فى وقت ثوران الشعب .
وقالت يكفى أن ننظر للإنجازات التى حققها شفيق فى الطيران لنعرف جيدا ما كان يمكن أن يحققه للبلاد .
وأضافت إن مبارك إذا قام بتعيين شفيق بدلا من أحمد نظيف منذ البداية لاستطاع أن يمتص غضب الشعب وأن يقوم بالتعديلات والإصلاحات التى ربما كانت تمنع قيام الثورة.

اقرأ المقال الأصلي علي بوابة الوفد الاليكترونية الشوباشى: منتقدو شفيق خائفون من شعبيته

http://www.alwafd.org/index.php?opti...#axzz1RkWy3IWE

**تامر.محمد** · 11-07-2011 06:36 PM

المشاركة الأصلية كتبت بواسطة ahmed1981

مجرد قبوله لوضع يده في يد مبارك وقت الثورة ليغطي على الثورة في حيلة تعيينه رئيس وزراء
سبب كافي جداً إني أرفضه تماماً

لو كان إستقال يوم موقعة الجمل لما تعهد برقبته بسلامة المتظاهرين قبلها كان فضل ليه رصيد سياسي يستثمره في الرئاسة

لكنه للأسف طلع يعتذر في القنوات التلفزيونية بعدها وكأن قتل حوالي من خمسين إلى سبعين مواطن في يوم واحد نوع من الخطأ الذي يقبل فيه الإعتذار من المتعهد برقبته بالحماية لمن قتلوا

المفروض طالما قال قبلها على رقبتي
يبقى الإستقالة أو رقبته

لكن يفضل ماسك في الكرسي حرق نفسه وأنهى تاريخه
-
-
الملاحظة التانية لما طلع في اللقاء مع يسري فودة والمدعو سويرس وعلاء الأسواني
لما إنفعل وقال أنا حاربت وإتقتلت
وقتها إفتكرت مبارك على طول
يمشي صاحب الضربة الجوية
وييجي اللي إتقتل في الضربة الجوية
ونكمل بقية عمرنا عبيد للقوات الجوية
وبعنين في حق القوات البرية يمسكنا هو كمان 30 سنة ولا حاجة عشان صاحب الضربة الدبابية
ويقسمونا على بعض

هو إحنا ناقصين طيار يحكمنا تاني
دا الواحد كره الطيارين

الطيار أساس سواق
بس بدل الميكروباص راكب ميكروطار

لكن يهر اول ما بيطيروا فالهوا بيصابوا بمرض الغرور
ويمشي في الشارع يقول انا الطيار أنا
نقوم نخليه يمسك البلد عشان يغير النشيد الوطني يبقى (أنا عندي طيارة طيارة كبيرة وصغيره وصغيره)

لالالالالالالالالالالالال الالالالالالالالالالا لأحمد شفيق

أنا شخصياً متحير بين الدكتور محمد سليم العوا
وبين الأستاذ صلاح أبو إسماعيل

غير كده كل من هم على الساحة الآن لا يشدون إنتباهي

لكن لو تقدم من هو أفضل منهم ممكن أغير رأيي
لكن رأيي عمروا ما هيتغير عن شفيق لأنه أخد وقته وحقه في التجربة كرئيس وزراء وفشل تماماً فكيف أختاره رئيساً للبلاد

-