عايز اروح التوكيل اكشف على عربيتى بقالى بتاع 50 الف بعملها صيانه عاديه عند الميكانيكى بتاعى فكونت عايز اوديها التوكيل زى تشيك اب كده . عايز اعرف كام سعر الكشف على سيارتى البومه عايز اعرف كل الحاجات البايظه فيها ؟؟ والتوكيل الجديد ولا القديم ؟!
عرض للطباعة
عايز اروح التوكيل اكشف على عربيتى بقالى بتاع 50 الف بعملها صيانه عاديه عند الميكانيكى بتاعى فكونت عايز اوديها التوكيل زى تشيك اب كده . عايز اعرف كام سعر الكشف على سيارتى البومه عايز اعرف كل الحاجات البايظه فيها ؟؟ والتوكيل الجديد ولا القديم ؟!
الكشف في التوكيل تقريبا في حدود 200 - 250 وبيكون على العربية بالكامل.
لو انت العربيه معاك من الزيرو فبلاش تعمل فحص شامل لانه فى حاجات كتير فى الفحص الشامل انت مش مستفيد بيها زى الدهان
انا رأى روح التوكيل اعمل صيانه الخمسين لو ليك شكوى فى حاجه قولهم عليها
كمان انت المفرضو تكون فى الفتره ده تكون غيرت فلتر بنزين وهواء بوجيهات وزيت فتيس فلو عملتهم خلاص لو لسه اعملهم عندهم وخلاص
انا رأى خليك فى مع التوكيل القديم على الاقل ضامن انه عنده كل قطع الغيار وكمان حافظ العربيه
انا عن نفسى مش هودى العربيه للتوكيل الجديد الا لما بيبان ملامحه يعنى كويس وحش فاهم فى العربيه ولا لأ عنده قطع غيارها الخ ....
العربيه معايا فعلا من الزيرو بس انت عارف عايز اطمن انها 100% عشان انساها كمان سنتين مغيرش غير زيت وفلاتر وفرامل بس كده عشان انا سامع اصوات غريبه وبتسحب بنزين كتير التفويله بتمشى 350 كيلو داخل مدينه
وانا متابع اصلا الفلاتر البنزين وزيت الفتيس بره
بص ياباشا لو تحب تيجي التوكيل " قليوب " انا تحت امرك إحنا ممكن ندخل العربية للكشف على الاصوات الغريبة إلي بتقول عليها وبعد كده نشوف الدنيا مشيا إزاي بس ياريت لما بتعمل الصيانه بره تكون بتغير قطع الغيار ألاصلي مش تيواني .... تشرفنا في أي وقت ..
م . محمد عبد العال.. قسم الحاسب الآلي.. مصرية " قليوب "
بكام يا باشا الكشف ؟