يا جماعة الخير

أنا شايف أن كل واحد مقتنع بشخصية معينة من المرشحين المحتملين لرئاسة الجمهورية عامل موضوع خاص به
طيب ده لسه ولا واحد فيهم طرح برنامجه الأنتخابي و لا حتي عرفنا أذا كانت دولة برلمانية و لا رئاسية و لا عارفين أذا كان في أنتخابات تشريعية و لا سوف تؤجل

تعالوا الأول بهدوء نفكر هل أحنا شعب حانفضل وراء حكم شخص واحد و نثق في كلامه و أرائه المستنيرة و أن هذا الشخص هو أللي سوف يحل كل مشاكلنا (ما هو أصله معاه عصاية سحرية)

لو هو ده وجهة نظر الأغلبية يبقي كان أيه لازمة الثورة ؟ شيلنا واحد و جبنا بداله؟

كلام فارغ

لازم نبعد شوية عن التفكير في الأشخاص و نركز علي البرنامج الأنتخابي و لازم يكون مربوط بجدول زمني محدد و كذلك ألية واضحة لو حدث أنحراف عن البرنامج الأنتخابي يبقي لازم سحب الثقة و الدعوة لأنتخابات مبكرة

يعني من الأخر لازم نركز علي أننا نبقي دولة مؤسسات و ليس حكم أفراد
و لازم نطالب بدستور به مواد تضمن أن كل مرشح أو حزب يلتزم ببرنامجه الأنتخابي و الا تسحب منه الثقة
أما حكاية أن المرشح الفلاني كويس أو محترم أو غير ذلك من الصفات كل ده بيتغير أول ما يجلس علي الكرسي أنما لو فيه نظام حساب الوضع حيتغير و كل واحد يعمل في السياسة يحترم نفسه حتي يظل الناخبين يثقوا فيه