الموضوع: صيانة الـ 20 ألف للبونتو إيفـو، وتغيير تيل الفرامل الأمامي

السلام عليكم

الحمد لله، عملت صيانة ال20000 كم للإيفـو
وده ما تم بالصيانة :

- الكشف على الأنوار، دورة التبريد، المساحات وإضافة سائل غسيل الزجاج ومياة مقطرة.
- تغيير زيت الموتور، موبيل برضو، و إن كان في احتمال بالموافقة "بعد زن طويل" على كاسترول = 236.37 جم
- تغيير زيت الفيتيس، وده كل 20000 كم للأوتو. = 13.65 جم، ومصنعية تغييرة حوالي 150 جم
- تغيير فلتر الهواء. = 95.00 جم
- تغيير فلتر التكييف. = 130.00 جم
- تغيير البوجيهات، = 184.00 جم
- وكالعادة غسيل المحرك بالفوم.

إجمالي قطع الغيار والزيوت = 819.80 جم
وكان إجمالي المصنعيات = 416.82 جم

يعني الصيانة كلها حوالي = 1233.62 جم

كان عندي مشاكل في العفشة وكان في صوت حكة لما أدوس فرامل، قالولي ماعندكش مشكلة فيهم، والفرامل محتاجة تتغير بعد 3000 كم كمان.

بالنسبة للعفشة، قلت أروح بريدجستون أفضل.

بس بالنسبة للفرامل، ف مع زيادة الصوت، كلمتهم امبارح وحجزت ميعاد، وروحت النهاردة غيرت التيل. هو كان لسه فيه "سيكا" كمان قبل السلك وقبل ما اللمبة تنور، بس كان عامل صوت رخم جدا، كأن مفيش تيل راكب اصلا.

التيل لوحدة = 534.6 جم
مصنعيــات = 74.25 جم

إجمــالي = 608.85 جم ( الله يرحم البولو، كان تيل الفرامل ate الأصلي بـ 285.00 جم، و50.00 جم تغيير )

والعربية الحمد لله آدائها اتحسن، وخصوصا لتغيير البوجيهات وفلتر الهواء. وإن شاء الله المرة الجاية يكونوا اقتنعوا بكاسترول علشان تكمل، بس حوالي 500.00 جند مصنعيات في شوية الحاجات دي، ده لو ميكانيكي برة واديته 200.00جم كان هايلمع العربية بره وجوه كمان، بس ما باليد حيلة.