ثبات السيراتو والخطأ القاتل
السلام عليكم ورحمة الله وبركاته
قبل ما ابدأ كلام يا جماعه انا مش عايز حد يزعل من اللى انا هقوله لان انا قتلت نفسى على النت بدور على مشكله السيراتو فى الثبات
اولا كلنا او بعضنا عارفين ان عفشه السيراتو الخلفيه نوعها torsion beam suspension و ده نوع عفشه بيعتمد على قنطره على شكل حرف u او H فى بعض العربيات و بيكون طرفين مثبتين فى الشاسيه بتاع العربيه و الطرفين التانين او قاعده حرف الu مثبت عليها السوسته و المساعد
الاختلاف اللى انا شوفته بين كل صور العفشات ال torsion وعفشة السيراتو هو ان المساعد فى العربيات كلها فى جهة الخارج يعنى ناحية العجله او فى نفس المستوى بس بيكون اعلى شويه من حيث الارتفاع
اما فى السيراتو الخطا القاتل هو العكس تماما المساعد متثبت فى الجهه الداخليه و ده بيديلوا مساحه شغل اقل و بيدى للسوست مساحه شغل اكبر فبيخلى العربيه لما تاخد مطب هوا على سرعات عاليه مش بيترود بسرعه للارض لان المساعد مش بيتحرك فى مساحه شغل اكبر و دى صوره للسيراتو و صوره اخرى لفكره torsion اول ما اختراعه
http://www.ultraracing.com.my/VGreen...rear%20ARB.JPG
صوره السيراتو
http://www.autozine.org/technical_sc...rsion_golf.jpg
صوره جولف 2
http://www.autozine.org/technical_sc...s_torison2.jpg
صوره اخرى
و اتمنى ان الكل يستفيد و والله انا لا اقصد انى اعيب فى العربيه و لكن ده اللى انا لاقيته و فهمته و اللى قدرنى عليه ربنا
و اقول ان ده مايعيبش العربيه فى شئ مع النظر الى السعر و باقى الامكانيات و لكن الله اعلم ممكن لو كيا نفذت الشكل الاصلى للعفشه ده كان ممكن يزود سعرها و الله اعلم
و ربنا يخليلنا عربياتنا و يباركلنا فيها و يكفينا شرها