بـيـانـا هـامـا اخــر لـلدكـتـور \ عـصـام شـرف بــعــد قــلــيــل

**wesam_salom** · 11-07-2011 10:04 PM

طب ما تقولنا يا ميزو
بس بلاش سيره البرادعى دلوقتى علشان الحساسيه

**otefa** · 11-07-2011 10:05 PM

أهم حاجة يحي الجمل ينصرف

**wesam_salom** · 11-07-2011 10:07 PM

المشاركة الأصلية كتبت بواسطة otefa

أهم حاجة يحي الجمل ينصرف

ده اساسى
هو والعيسوى ومشعل

**Dojuar** · 11-07-2011 10:09 PM

ان شاء الله ولد

**misoalex** · 11-07-2011 10:28 PM

المشاركة الأصلية كتبت بواسطة wesam_salom

طب ما تقولنا يا ميزو
بس بلاش سيره البرادعى دلوقتى علشان الحساسيه

ههههههههههه صح خلى البرادعى على جنب خالص دلوقتى مع ان الراجل بقاله كتير مش طالعله صوت

هو قال ان عصام شرف عليه ضغوط كبيره جدا من المجلس العسكرى وان فيه وزراء بيمارسو عليه ضغوط مفروضين عليه من المجلس ومسنودين (طبعا الكلام ده عن لسان عصام شرف وطبعا ده اكبر دليل على ان شرف مجرد صوره فى الوزاره)

وان عصام شرف وضع خطه طريق ودى ااااااااااخر فرصه ليه لمحاوله تطهير الوزاره والتقدم بها ولو منفعتش التعديل ده حيسيب الوزاره ويرجع للميدان كما وعد وعد شرف

وابراهيم عيسى قال الخطه الطريق اللى وضعها شرف بس مش فاكرها بس قال ان ثلث ( او ثلثى مش فاكر اوى ) الوزراء حيتشالو فى التعديل ده

ومفيش اى اخبار تفيد ان العسوى حيتشال
بس يوم 15 فى 1400 واحد من وزاره العسوى حيقعدو فى بيوتهم وده معنا ان العسوى فى الغالب حيدوله فرصه تانيه

وان وزير الخارجيه الجديد بتاع الحزب الوطنى مش حيتشال لانه لسه جاى جديد وحيدوله فرصه
ده اللى فاكره من الحلقه بصراحه

بس اهم حاجه انى اتأكدت ان المجلس العسكرى فعلا هو اللى ممشى شرف وهو اللى حاطط الوزراء وهو اللى مشارك فى الفساد اللى بيحصل لانه بوضع وزراء فاسدين واصرارهم عليهم يبقى كده هو شريك فى اللى بيحصل فى البلد من انهيار وفساد

**misoalex** · 11-07-2011 10:30 PM

ياريت حد يعرف يجيب الجزء الاول من الحلقه يبقى عمل معانا واجب لانها حلقه مهمه فعلا انا لحد 6ونص الصبح بتفرج عليها لانها كانت اعاده

**misoalex** · 11-07-2011 10:32 PM

المشاركة الأصلية كتبت بواسطة m7amd_7amdy

والكلام المكتوب تحت الصوره ده يؤكد الكلام اللى سمعته على ان شرف مكانش عارف يغير فى وزارته بسبب رفض المجلس

**heshamzaky** · 11-07-2011 10:33 PM

....... منقول .......
"الجمل ويونس ومشعل والنعمانى وجورج ورضوان والعيسوى" خارج الوزارة
الإثنين، 11 يوليو 2011 - 17:46
علم "اليوم السابع" أن الدكتور عصام شرف، رئيس مجلس الوزراء، انتهى من مشاوراته مع مستشاريه وعدد من القوى الثورية، بشأن التعديل الوزارى المرتقب.

وقالت مصادر بارزة بمجلس الوزراء لـ"اليوم السابع"، إن "شرف" توجه إلى المجلس العسكرى ومعه قائمة تضم من 7 إلى 10 وزراء طلب تغييرهم، مؤكدة أن من ضمن القائمة الوزراء القدامى الذين يطالب الثوار بإقالتهم، وهم: الدكتور حسن يونس وزير الكهرباء واللواء محسن النعمانى وزير التنمية المحلية وسيد مشعل وزير الإنتاج الحربى وماجد جورج وزير البيئة ومنصور العيسوى وزير الداخلية.

وأشارت المصادر إلى أنه على رأس القائمة يأتى الدكتور يحيى الجمل نائب رئيس الوزراء، بعدما أثار الإبقاء عليه ورفض قبول استقالته من قبل المجلس العسكرى علامات استفهام كبيرة.

ومن الوزراء الجدد، أكدت المصادر أن الدكتور عمرو عزت سلامة وزير التعليم العالى والدكتور جودة عبد الخالق وزير التضامن الاجتماعى والدكتور سمير رضوان وزير المالية مرشحون للخروج بقوة.

كما أفادت المصادر أن فايزة أبو النجا، وزيرة التخطيط والتعاون الدولى ضمن القائمة، لكنها لم تؤكد على أن التعديل يمكن أن يشملها.

وقالت المصادر أن الروائى الدكتور علاء الأسوانى مرشح من ضمن ثلاثة مرشحين لتولى حقيبة وزارة الثقافة خلفاً للوزير الحالى عماد أبو غازى.

**heshamzaky** · 11-07-2011 10:34 PM

"شرف" يتوجه إلى المجلس العسكرى "فجأة" بعد لقائه مجموعة من الثوار
الإثنين، 11 يوليو 2011 - 16:16
غادر الدكتور عصام شرف رئيس مجلس الوزراء، منذ قليل، مقر مجلس الوزراء، متوجهاً إلى المجلس الأعلى للقوات المسلحة.

وكان "شرف" التقى لليوم الثانى على التوالى ظهر اليوم، مجموعة من ممثلى القوى الثورية، فى ضوء مشاوراته المستمرة لامتصاص الغضب الشعبى، والعمل على تلبية مطالب الثوار، ومن المنتظر أن تشهد الساعات القادمة قرارات مهمة للحكومة.

**heshamzaky** · 11-07-2011 10:46 PM

......... منقول ........
أنباء عن ترشيح جمال الدين وحامد عبد الله للداخلية
الإثنين، 11 يوليو 2011 - 21:42
قبل دقائق من إعلان الدكتور عصام شرف رئيس مجلس الوزراء، بيانه الذى يتضمن قرارات هامة حول الحكومة، والتعديل الوزارى المرتقب، ترددت أنباء قوية داخل أروقة وزارة الداخلية أن التغيير الوزارى سوف يشمل اللواء منصور العيسوى وزير الداخلية، وذلك بعد الخلاف الذى اشتد بينه ورئيس الوزراء حول إنهاء خدمة الضباط المتهمين فى قضايا قتل الثوار.

كشفت مصادر داخل الوزارة، أن من أبرز الأسماء المرشحة وبقوة لكى تخلف العيسوى، وتتولي حقيبة الوزارة شخصيتان هما اللواء أحمد جمال الدين مدير مصلحة الأمن العام، واللواء حامد عبد الله رئيس قطاع الأمن الوطنى، ومن المقرر أن تشهد الدقائق القليلة المقبلة إعلان شرف لبيانه الهام على الشعب حول التعديلات الوزارية.