الموضوع: مشكله لما العربيه تسخن

طيب زيت الفتيس مظبوط ؟
فلتر زيت الفتيس نضيف ولا مسدود ؟

شكراً مهندس saadelden

مستوى الزيت عند العلامه MAX

انا معنديش فلتر زيت - انا عندى مصفاه زيت حديد
ولما غيرت زيت الفتيس - فك المصفاه ونظفها كويس جدا بالبنزين وزى ما تكون جديده
وفى كرتيره الفتيس كان فى 2 مغناطيس بيلموا الرابش برضوا نظفهم كويس جدا

-----------------------------------------
شكراً semsem kane

من كم شهر الريديتير انخرم
فالراجل فكه ولحمه
قبل ما يفكه كانت المروحه ملزوقه فى الريداتير
لاحظت انه بعد ما فكه وركبه فى مسافه حولى سنتمتر بين الريداتير والمروحه
مش عارفه السنتى دا يفرق فى التبريد ؟
وكمان فى الاول كنت حاطه فيها مياه تبريد خضرا
بعد ما اتلحم فيها مياه عاديه من الحنافيه
ممكن المياه الخضرا تعمل الفرق دا ؟

كمان فى ماسورتين من زيت الفتيس داخلين على الريداتير دا الى اعرفه
ازاى اتأكد من سلامة دوره تبريد زيت الفتيس ؟

-----------------------------------------

اخر تغير للزيت كان من 7 شهور فى يناير
لون الزيت غامق

-----------------------------------------

ايه تفسير لما اطفى العربيه واشغلها الفتيس يشتغل كويس لفتره ؟

فيه نقطه عايز افهمها بتقولي الزيت من شهر يناير متغيرش؟ طب ازاي وليه وعشان ايه؟
ومشاويرك اد ايه ولا راكنه العربيه ولا ايه بالظبط ؟
7 شهور كتير جدااا لان العربيه موديل قديم ومينفعش الزيت يغيب للدرجه دي يعني دا حرام كدا الموتور

المشاركة الأصلية كتبت بواسطة modo88

فيه نقطه عايز افهمها بتقولي الزيت من شهر يناير متغيرش؟ طب ازاي وليه وعشان ايه؟
ومشاويرك اد ايه ولا راكنه العربيه ولا ايه بالظبط ؟
7 شهور كتير جدااا لان العربيه موديل قديم ومينفعش الزيت يغيب للدرجه دي يعني دا حرام كدا الموتور

شكراً جزيلاً لاهتمام حضرتك

زيت الموتور وفلتر زيت الموتور غيرتهم من اسبوعين
باستخدم زيت شل ....l X5 الاصفر
وباغير كل 2000 الى 2500 كم

زيت الفتيس غيرته من 7 شهور
وباستخدم زيت موبيل ATF 320
الميكانيكى الى قالى زيت الفتيس غيريه كل 60 ألف كيلو وانا لسه ما كملتش 60 الف كيلو فى 7 شهور

المفروض اغيره كل كم؟

المشاركة الأصلية كتبت بواسطة semsem kane

اولا : بالنسبة لنقطة مسافة الردياتير عشان المروحة فطبعا لية تأثير جامد لان كدة تركيز التبريد مش بيروح كامل للردياتير

بالنسبة للمياة الخضراء والمياة العادية مافيش اى فرق بينهم كل الموضوع ان المياة الخضراء بيبقى فيها مادة ايثيلين جيليكول + مركبات مانعة للصدأ ووظيفة المادة دية انها بترفع درجة الغليان وخفض درجة التجمد عشان تحافظ على مكونات المحرك

بس فى النهاية لا يوجد اى تغير اذا ماقورنت بالمياة العادية بالعكس يمكن انا شايف ان المياة العادية احسن فى التبريد

* بالنسبة للتاكد من سلامة دورة تبريد الفتيس هو الكشف على الماسورتين اللى داخلين للفتيس وان مافيش واحدهم فيهم مسدودة , وكمان طالما التبريد بتاع الردياتير كويس على الماتور هيبقى تمام جدا على الفتيس

* دلوقتى لو الزيت فقد لزوجتة او بقالة كتير يبقى لازم يتغير لانة فى كلتا الحالتين مش هيقوم بوظائفة كاملة وهية منع الاحتكاك مابين اجزاء المحرك وبالتالى هيسخن المحرك جدا والمياة مش هتقدر على السخونة دية


* بالنسبة للفتيس لما بتبطلى وتدورى تانى مكوناتة بتهدى من السخونية ولو عايزة تتاكدى من كلامى لما العربية تعمل معاكى الموقف دة بطلى العربية لمدة اطول شوية ولتكن ربع ساعة مثلا او نصف ساعة وامشى بيها هتلاقيها خدت وقت اطول لحد مالفتيس يفوت فى النقلات تانى

يبقى دلوقتى حضرتك هتعملى الاتى :

1- التاكد من سلامة الردياتير وارجاع الحالة الاصلية التى كان عليها ( بالنسبة للقميص المروحة انة يبقى بايت كويس على وش الردياتير

2- تغير زيت المحرك بزيت مناسب لحالتة ( يفضل شيل الاصفر او الازرق لو حالة المحرك سليمة ولا يوجد تسريب بغرف المحرك ( البساتم )

3- التاكد من حالة زيت الفتيس وتغيرة لانة اكيد ضعف من السخونية الزائدة للمحرك

شكرا استاذ semsem kane
ان شاء الله اروح لميكانيكى الريداتير واخليه يرجعه

انا باستخدم للموتور زيت شل ....l X5 ومغيراه من اسبوعين
وباغيره كل 2500 كم

هاشوف زيت الفتيس واغيره

امبارح العربيه عملت حاجه جديده

اول ما اشغلها تبقى على التانى على طول
من غير ما تاخد الاول
وطبعاً الطلعه بتبقى تقيله جدا
والمارشيدير مش شغال
لما باخد مارشيدير كانى على N
الكلام دا والعربيه بارده او سخنة

كلمت الميكانيكى عن المشكلة ، فماكنش فاضى ، وادانى معاد اجيبله العربيه بعد كم يوم
ركنت العربيه الكم يوم دول ، وبطلت استخدمها
فى المعاد شغلت العربية عشان اروح بيها للميكانيكى ... ايه الحصل بقى ؟

الفتيس شغال وبيغير عادى
المارشيدير اشتغل والعربيه بترجع لورا عادى خالص

اول ما اشغل الفتيس بيبقى على الاول عادى
ولما اسحب بالعربية بينقل من الاول للتانى عادى
ولما اخف السرعة بيرجع للاول طبيعى

المشكله فى النقله من التانى للتالث
لما اخف السرعة مش بيرجع من الثالث للثانى
لما جربت اثبت عصاية الفتيس على التانى ... الفتيس اشتغل طبيعى (بين الاول والتانى)

لما العربية سخنت فتره قصيره المشكله ما ظهرتش
الحقيقه خوفت اسيبها سخنه فتره طويله

دلوقت الميكانيكى لو روحت له بالعربيه هيفك الفتيس
وانا حاسه كدا ان المشكله مش عويصه

فايه رائكم فى الى بيحصل دا ؟ واعمل ايه ؟