الموضوع: هى حصوات المراره ليها اى علاج

المشاركة الأصلية كتبت بواسطة hany_mohamed

إن شاء الله خير يا ميسو
أعتقد ان يفتى فى ذلك الدكاترة جراحى الجهاز الهضمى لان كل مريض حسب حالته و أعرف دكتور كويس اسمه السيد الخشاب فى الابراهيمية او سبورتنج اطلب رقمه من الدليل وربنا الشافى

شكرا يا استاز هانى هى المدام هى اللى تعبانه جدا واكتشفنا ان السبب فى التعب والالام ده المراره بس الدكتور بيقول تتشال

والمشكله انها حاليا صعب تعمل عمليه

واللى زاد كمان ان اخوها لسه شايل المراره من كام شهر وبيقول حتحس بألام جامده بعديها ولازم تعيش على الاكل المسلوق والكلام ده

فبصراحه حاجه تخوف

ان شاء الله اسأل على الدكتور ده

ألف سلامه يا فندم
و ربنا يشفي من يشكو منها شفاء لا يغادر سقما

حصوات المراره كانت عند ( قريب لي ) من حوالي 13 سنه و شال المراره بالمظار و الجرح كان صغير جدا و كان ماشي علي الأكل المسلوق لكن مستحملش و كل عادي كل الأكل و الحمد لله مبيعنيش من أي شئ و ساعات كمان وزنه بيوصل لل120 و عادي الحمد لله
ممكن يكون فيه ألم في الشهور الأولي لكن بعد كده بتنسي إن العضو ده كان عندك أصلا
النصيحه إن العمليه تتعمل عند دوكتور أستاذ جراح شاطر و تكون في مستشفي مستواها عالي بقدر الإمكان
و إن شاء الله يتم الشفاء

ربنا يشفى

المشاركة الأصلية كتبت بواسطة hany_mohamed

اخويا كان عمل العملية دى من اكتر من سنة
بس وجع ساعة ولا كل ساعة و يعتبر افضل كتير عن قبل العملية و على فكرة تقريبا لابد من الاسراع فى اتخاذ القرار علشان الموضوع ميتأزمش

مهو هى المشكله فى موضوع السرعه ده لان المفروض انها لسه قايمه من عمليه من 9 شهور تقريبا
والدكتور بيقول لو متعملتش ممكن تسد حاجه تانيه وتبقى مشكله كبيره
ربنا يستر وربنا يقدم اللى فيه الخير

المشاركة الأصلية كتبت بواسطة hossam99

ألف سلامه يا فندم
و ربنا يشفي من يشكو منها شفاء لا يغادر سقما

حصوات المراره كانت عند ( قريب لي ) من حوالي 13 سنه و شال المراره بالمظار و الجرح كان صغير جدا و كان ماشي علي الأكل المسلوق لكن مستحملش و كل عادي كل الأكل و الحمد لله مبيعنيش من أي شئ و ساعات كمان وزنه بيوصل لل120 و عادي الحمد لله
ممكن يكون فيه ألم في الشهور الأولي لكن بعد كده بتنسي إن العضو ده كان عندك أصلا
النصيحه إن العمليه تتعمل عند دوكتور أستاذ جراح شاطر و تكون في مستشفي مستواها عالي بقدر الإمكان
و إن شاء الله يتم الشفاء

شكرا يا فندم وان شاء الله ربنا يسهل ونعملها وشكرا على الدعوه

المشاركة الأصلية كتبت بواسطة eslam_nagy

ربنا يشفى

شكرا الف شكر

المشاركة الأصلية كتبت بواسطة ashturbo

بص ياسيدي أنا والدتي عملتها في مستشفى القوات المسلحة وهي أفضل مكان ممكن تعمل فيه عملية وأكتر حتة أطمنت لها أنضباط ونظافة وأحترام بعد مقارنة مع كذا مستشفى وأعدت هناك حوالي أسبوع وعملتها بالمنظار العملية بسيطة فوق ما تتخيل وتعتبر من أكثر العمليات شيوعاً في مصر والعالم وتقدر تعمل سيرش عالموضوع ده طبعاً القلق شيء طبيعي أنا كنت خايف جداً ساعتها مع أني قرأت كتير عن سهولة العملية وتمت بحمد الله وتكاليفها بسيطة يعني دفعنا 6000 جنيه وشوية فكه وممكن مدة الأقامة في المستشفى تبقى أقل من كدة تقريباً 4 أيام أحنا طولنا شوية لحد ما نطمن عليها .... المهم أن حكاية الأكل المسلوق دي في الأول بس بعد كدة والدتي بتاكل كل حاجة الحمد لله من غير مشاكل مقلي مشوي مسلوق مخنوق مفيش قلق وتقدر تسأل الدكتور بردوا علشان تطمن أكتر وعموماً بيقولك تاكل مسلوق علشان الوزن ميزيدش عشان المرارة بتصفي الدهون تقريباً .

انا سمعت عن الليزر دى فعلا بس مسألتش عنها ولا عن العاديه شكرا جدا على المعلومات