الاكسدام الامامى اتكسر

**elbegawy** · 12-07-2011 02:00 AM

للالسف الشديد كنت راكن العربية وواحد ابن حلال ريح جامد على الاكصدام الامامى من الناحية الشمال لقيتة مكسور
قدر الله وما شاء فعل لو رحت التوكيل ح يقولو يتغير وح يكلف بالدهان حوالى 1200 تقريبا
يا ريت لو حد يقدر يدلنى على مكان يكون بيصلح الفيبر
علشان الى اتكسر هو مكان التثبيت فى الصاج فا ممكن لو صنيعى فيبر كويس يصلحها وبعدين اروح لسمكرى يركبة تانى
ولو حد من الوحوش عندة فكرة احسن يا ريت يدلنى
انا من القاهرة ومن مصر الجديده يعنى الحرفيين قريبة منى بس عايز عنوان ورشة فيبر تكون معروفة ونظيفة وجزاكم الله خيرا

**elbegawy** · 12-07-2011 08:42 AM

متابع وللاسف ما فيش ولا تعليق جة
خير انشاء الله

**MOUSTAFA_SAAD** · 12-07-2011 08:53 AM

ياباشا دى سهله جدا اوعى تغيره فى التوكيل الكليبسات دية بيلحموها ويشتغل زى الفل
بس انا نعرفشى حد عندك بصراح ان شاء اللهالاخوه فى القاهره يدلوك
وسيبك من حوار1200 ده

**ahmed_mido1889** · 12-07-2011 10:31 AM

في واحد في المعادي

اسمه كامبر

جنب المباحث الجنائيه

**elbegawy** · 12-07-2011 11:47 AM

المشاركة الأصلية كتبت بواسطة ahmed_mido1889

في واحد في المعادي

اسمه كامبر

جنب المباحث الجنائيه

الف شكر يا باشا على المعلومة
ومستنى حد من الوحوش يدلنى على مكان قريب من مصر الجديدة
وجذاكم الله خيرا

**fineart607** · 12-07-2011 12:08 PM

بصى يا سيدى سيبك من التوكيل خالص
انت عارف شارع جسر السويس فى شارع متفرع منه اسمه شارع فلسطين
شارع فلسطين هتخش فيه وتسال على شارع الوحدة العربيه هو تانى تقاطع على طول هتخش شمال هتلاقى على ايدك اليمين واحد بتاع سمره وفرن ودوكو هتفوت كام محل كده هتلاقى بتاع الفيبر على اليمين ان شاء الله تعمل الأكصدام وتدعى لى وحاول تفاصل معه
بس انا عملت عنده كساحة عربيه والدى الأم11 وبشوف عربيات كتير بتروح عنده من اول البى ام والمرسيدس الى اقل عربيه

**fineart607** · 12-07-2011 12:11 PM

على فكره شارع فلسطين ده بين الف ماسكن والجراج وان شاء الله يتعمل ويرجع احسن من الأول
ويا جماعه برده لا قدر الله لو حد محتاج يغير زجاج عربيته يروح مصنع دكتور جريش بالعاشر من رمضان ارخص من التوكيل بكتير لجميع انواع السيارات بس اتصل تحجز

**fineart607** · 12-07-2011 12:13 PM

صحيح لو عايز اوصف لك المكان ده نمرتى 0123457063
وانا تحت امرك

**elbegawy** · 12-07-2011 12:16 PM

المشاركة الأصلية كتبت بواسطة fineart607

على فكره شارع فلسطين ده بين الف ماسكن والجراج وان شاء الله يتعمل ويرجع احسن من الأول
ويا جماعه برده لا قدر الله لو حد محتاج يغير زجاج عربيته يروح مصنع دكتور جريش بالعاشر من رمضان ارخص من التوكيل بكتير لجميع انواع السيارات بس اتصل تحجز

الف الف شكر
بس معلش محتاج توضيح للعنوان بين الف مسكن والجراج فى سور نادى الشمس
يعنى انا لو راجع من الجاراج فى اتجاه الف مسكن الاقى فين شارع فلسطين ويا ريت اسم الورشه او اسم صاحبها لو امكن او اى رقم تليفون ان امكن معلش طولت عليك وجذاك الله خير

**fineart607** · 12-07-2011 12:23 PM

ولا يهمك انت جى من الجراج اوكى تمشى شوية
هيقابلك بعد الجراج ملاهى اطفال ومسجد كبير على يمينك بعديه بشويه شارع فلسطين على اليمين تدخل فيه تانى تقاطع شمال هتكون كده فى شارع الوحدة العربيه هتلاقى الورشه بعد حوالى 50 متر امامها مغسلة سيارات وانا تحت امرك