تفجير محطة الغاز و خط الانابيب المؤدي الى اسرائيل بالعريش للمرة الرابعة !!!

**ghazy12** · 13-07-2011 05:29 AM

كلاكيت للمرة الرابعة خط الانابيب يتم تصليحه تااااااااني !!!! هنفضل كده كتيييير !!؟؟؟

ما يوقفوا التصدير و يريحونا طالما في فرصة لوقف التصدير حسب كلام البعض !!!!!!

اما ان في سبب يحول دون وقف تصدير الغاز... يبقى لازم يكون في شفافية و يتم مصارحتنا بيه مباشرة !!!

انا مابقتش فاهم قصة تصدير الغاز دي بصراحة, بس الموضوع بقى بااااااااااااااايخ جدااااااا

**SkyBird** · 13-07-2011 05:37 AM

حضرتك في اتجاه سائد في فقه و قضاء التجارة الدولية إن العقود الدولية لا تلغى إلا في الشديد القوي

حضرتك "الشديد القوي" من ضمنه الثورات نصا
واعتقد مع القليل من الجهد لن نختلف
عارف لو توجد ارادة سياسية لدى المجلس العسكري كان وقف التصدير بحجة تغير الظروف لحين البت في المسأله امام القضاء الدولي
فيها ايه لو اتجهنا للتحكيم ويبقى عندنا احتمال نكسب حتى لو 50% ليه الطرمخه المريبة دي ؟
علما بان مصر تملك اكفأ المحاميين والقضاه الدوليين كما ان نزاعنا مع شركة حسين سالم وليس مع اسرائيل اصلا

**masterzmind** · 13-07-2011 05:38 AM

طالما التفجير In Public والمجلس معندوش Feeling ............ ...يبقى So What!!

**SkyBird** · 13-07-2011 05:43 AM

المشاركة الأصلية كتبت بواسطة ghazy12

كلاكيت للمرة الرابعة خط الانابيب يتم تصليحه تااااااااني !!!! هنفضل كده كتيييير !!؟؟؟

صلحوه في المده الزمنية اللي اخدها وقت كتابة بيان الفنجري
ياريت يكون عندهم نفس الحماس لتنفيذ مطالب الشعب
الصبح يهددوا الشباب والمعتصمين وبالليل يهزوا ذيلهم لاسرائيل
حاجة تقرف

**ghazy12** · 13-07-2011 05:59 AM

المشاركة الأصلية كتبت بواسطة masterzmind

طالما التفجير in public والمجلس معندوش feeling ............ ...يبقى so what!!

ههههههههههه... ملعــوبة :))

المشاركة الأصلية كتبت بواسطة skybird

صلحوه في المده الزمنية اللي اخدها وقت كتابة بيان الفنجري
ياريت يكون عندهم نفس الحماس لتنفيذ مطالب الشعب

متفق معاك في الجملة دي جداااااااا... يـــا ريت فعلاً

**hobiko** · 13-07-2011 08:55 AM

@ghazy12

صباح الفل يا معلم

صدقنى بالورقة و القلم ....... خساير مصر من تصدير الغاز لأسرائيل ...... أضعاف مضاعفة من تكلفة تفجير الخط و تصليحه 300 مرة

**shaddadfalcon1** · 13-07-2011 10:16 AM

علي حد علمي ان اسرائيل بتدفع سعر الغاز اللي بتاخده من مصر زي سعره عالميا واللي بياخد الفرق ده هي الشركه الوسيطه اللي تقريبا تابعه لحسين سالم يعني الشركه بتاخد مننا الغاز بسعر قليل جدا اقل من السعر العالمي اللي احنا عارفينه وتصدره لاسرائيل بالسعر العالمي او اقل شويه

**أبو_حمزة** · 13-07-2011 10:42 AM

السنة اللى فاتت لما الغاز قصر و محطات توليد الكهربا حصل فيها عجز بسبب التصدير لاسرائيل
استوردنا مازوت بسعر 12 دولار للمليون وحدة حرارية واحنا بنبيع المليون وحدة لاسرائيل ب1.6
ايه رأيكو ؟؟
يبقى احنا كنا بندفع الدعم لاسرائيلو اللا لأ؟؟
تكلفة اعادة الاصلاح اقل كتيييير من خسارة التصدير

**human** · 13-07-2011 10:58 AM

حضرتك ما فهمتش الفكره

هما مش بيفجروه عشان يتصلح تانى

هما مش عايزينه يتصلح و لا الدوله تتعب نفسها و تدفع فلوس عشان تصلحه

يعنى اللى بيضيع الفلوس هو اللى بيقول يصلح الخط

**wesam_salom** · 13-07-2011 11:08 AM

تعليقات نشطاء تويتر والفيس بوك على تفجير خط الغاز للمره الرابعه .. منها

- وحياتك لأفضل أفجر فيكي لحد ما تطفي عليه
- اللى معاه غاز محيره يجيب ملثم يفجره
- مرتضي منصور : أنا عندي السي دي بتاع الملثم و هجيبه
- مبارك لاسرائيل : دا مش ذنبنا ،دا ذنب كل ملثم ماسك ف الانبوبة ومتبت فيها
- الملثم عدى المستوى الرابع فى اللعبه و وصل المستوى الخامس و المفروض يفجر الوحش فى مستشفى شرم و تبقى كده جيم اوفر
- مرة واحد اسرائيلي راح لواحد ملثم قاله عندك غاز قام قاله لأ و هو عنده جوه
- في أول تصريح لوزيرة إسرائيل : يدعوت ابن اختي بيقولي يا عمتو عاوز أستحمى، طفل إسرائيلي عندوا سنتين مش عارف يستحمى
- ملثم, أعزب, جاد يبحث عن ملثمة , رقيقة , يفضل من لها خبرة في التفجيرات
- المخابرات الاسرائيليه للملثم : حرام عليك معندكش انابيب غاز صغيرين
- الملثم الحق يفجر الأنبوب ثم يهدا حتى يتم إصلاحه فيفجره مرة أخرى
- انا بقترح يوصلوا الغاز لاسرائيل في قزايز أو يعبوه ف شكاير
- قف للملثم وفه التفجيرا...جاب الملثم للحكومة بواسيرا
- ماشربتش من غازها ؟ طب فكرت تفجرها ؟

- ملثم 1: بينا يا رجالة نفجر خط الانابيب اللى بيوزع الغاز لاسرائيل
ملثم 2: بس احنا فجرناه قبل كده 3 مرات .. أعتقد انها هتكون باينة أوى المرة دى
ملثم 1: وده اللى مخلينى متمسك بالمهمة .. ماهى من كتر ما هى اتهرست 3 مرات قبل كده محدش هيفكر ان احنا هنعملها تانى
و ده اللي خلاني اسمي المهمه
لا غاز ولا استحمام
بين قوسين
الدش البارد
وسمعني سلام .. لو مكنتش انت تفجرني ... مين هيفجرني

الموضوع: تفجير محطة الغاز و خط الانابيب المؤدي الى اسرائيل بالعريش للمرة الرابعة !!!

LinkBack

أدوات الموضوع

عرض

-

-

-

-

-

-

-

المواضيع المتشابهه

انفجار هائل يستهدف خط أنابيب الغاز المصري المؤدي إلى إسرائيل والأردن

من المسئول عن تفجير خط الغاز

الكلمات الدلالية لهذا الموضوع

المفضلات

المفضلات

ضوابط المشاركة