الموضوع: تفجير محطة الغاز و خط الانابيب المؤدي الى اسرائيل بالعريش للمرة الرابعة !!!

المشاركة الأصلية كتبت بواسطة hobiko

@ghazy12

صباح الفل يا معلم

صدقنى بالورقة و القلم ....... خساير مصر من تصدير الغاز لأسرائيل ...... أضعاف مضاعفة من تكلفة تفجير الخط و تصليحه 300 مرة

يا باشا انا ماعنديش مشكلة انه يتفجر و لو 5000 مره, بس انا بتكلم اننا مانخسرش
بأي شكل من الاشكال لان الموضوع مش ناقص, كفاية البورصة و الاقتصاد اللي متبهدل,
لكن لو التفجير هيقف علينا ارخص... يبقى يا ريت نعمل عقد مع الملثم و هو عارف شغله !!

ههههههههههههه

المشاركة الأصلية كتبت بواسطة wesam_salom

تعليقات نشطاء تويتر والفيس بوك على تفجير خط الغاز للمره الرابعه .. منها

- وحياتك لأفضل أفجر فيكي لحد ما تطفي عليه
- اللى معاه غاز محيره يجيب ملثم يفجره
- مرتضي منصور : أنا عندي السي دي بتاع الملثم و هجيبه
- مبارك لاسرائيل : دا مش ذنبنا ،دا ذنب كل ملثم ماسك ف الانبوبة ومتبت فيها
- الملثم عدى المستوى الرابع فى اللعبه و وصل المستوى الخامس و المفروض يفجر الوحش فى مستشفى شرم و تبقى كده جيم اوفر
- مرة واحد اسرائيلي راح لواحد ملثم قاله عندك غاز قام قاله لأ و هو عنده جوه
- في أول تصريح لوزيرة إسرائيل : يدعوت ابن اختي بيقولي يا عمتو عاوز أستحمى، طفل إسرائيلي عندوا سنتين مش عارف يستحمى
- ملثم, أعزب, جاد يبحث عن ملثمة , رقيقة , يفضل من لها خبرة في التفجيرات
- المخابرات الاسرائيليه للملثم : حرام عليك معندكش انابيب غاز صغيرين
- الملثم الحق يفجر الأنبوب ثم يهدا حتى يتم إصلاحه فيفجره مرة أخرى
- انا بقترح يوصلوا الغاز لاسرائيل في قزايز أو يعبوه ف شكاير
- قف للملثم وفه التفجيرا...جاب الملثم للحكومة بواسيرا
- ماشربتش من غازها ؟ طب فكرت تفجرها ؟

- ملثم 1: بينا يا رجالة نفجر خط الانابيب اللى بيوزع الغاز لاسرائيل
ملثم 2: بس احنا فجرناه قبل كده 3 مرات .. أعتقد انها هتكون باينة أوى المرة دى
ملثم 1: وده اللى مخلينى متمسك بالمهمة .. ماهى من كتر ما هى اتهرست 3 مرات قبل كده محدش هيفكر ان احنا هنعملها تانى
و ده اللي خلاني اسمي المهمه
لا غاز ولا استحمام
بين قوسين
الدش البارد
وسمعني سلام .. لو مكنتش انت تفجرني ... مين هيفجرني

ههههههههههههههههههه... والله احنا كشعب مشكلة من مشاكل الزمن !!

بنطلع 250 نكته في الثانية, و ضربنا الرقم القياسي في عز مشاكلنا :))