برجاء المساعده انا عايز اشترى دودج رام 2006 هل فى مشكله انى اشتريها بالنسبه لترخيصها هيا نقل هل ده
هيعيق حركتي فى انى اسافر براحتى ولا وجع دماغ برجاء المساعده للاهمية
برجاء المساعده انا عايز اشترى دودج رام 2006 هل فى مشكله انى اشتريها بالنسبه لترخيصها هيا نقل هل ده
هيعيق حركتي فى انى اسافر براحتى ولا وجع دماغ برجاء المساعده للاهمية
مفيش مشاكل أبدا في السفر خالص
لكن في القاهرة و اسكندرية بعض المناطق يمنع دخول السيارات النقل فيها
لكن العربية دي محدش هيمنعها لأن العساكر هيفتكروها عربية جيب
هو في اماكن ممنوع النص نقل تدخلها ؟؟؟؟؟
انا ال اعرفه ان النقل التقيل هو ال فيه اماكن مبيدخلهاش
اه فيه
وسط البلد , الطريق الدائري , و أماكن تانية معرفهاش
وسط البلد و الكورنيش بتاع المعادي و العديد من الشوارع الزحمة ممنوع النقل فيها
مفيش فرق بين النقل التقيل و الخفيف للاسف في مصر كله بيتعامل نقل بسبب النمر واحدة
الدائري مسموح فيه بالنقل
مع الغياب الأمنى
والسلوك الخاطيء والسلبى من البعض
تقدر تمشى فى اى حته بـ توك توك او تروسيكل او نقل تقيل
اه فعلا هيا ممنوعة من المشي في وسط البلد والمعادي والزمالك و المحور وممكن اماكن تانية
لانهم بيعاملوها معاملة النقل عشان النمر فعلا
بس في تصريح سير بيطلع من المرور بيخليك تمشي في اي حتة وهما فاهمين ان العربية دي ماينفاعش تتعامل معاملة النقل العادي فا مش حايدققو معاك اوي يعني وحيطلعلك تصريح سير عادي بس المشكلة ان دة قانون
وفي نفس الوقت في مصلحتك لانو مرخص سعر العربية اوي بسبب الجمارك انما لوملاكي حايبقى سعرها على الاقل 3 اضعاف فاحمد ربنا وهاتها واعمل التصريح وامرك لله
وسط البلد - زمال- محور-كوبري اكتوبر-صلاح سالم-كورنيش اسكندرية على ماعتقد-
الفكرة ان في مناقشة من وزارة التجارة لدخولها كملاكي وليس نقل وهي تحديدا دون غيرها فالفترة الجاية عليها مشاكل كتير وده من شخص موثوق منه
اصلي كنت هاجيبها وبعدت برضه :-)
وعلى الطريق الملاكى يمشى 90 و انت تمشى 70 فى اليمين
طيب بالنسبه للجمارك هتختلف ؟اقتباس:
المشاركة الأصلية كتبت بواسطة Karim_Monir
لو رفعوا الجمارك عليها سعرها هينط الضعف على طول:majd(4):
سعرها هايوصل 650
والدورانجو ب750
يعني محدش هايقربلها
يبقى يخلوها نقل احسن لو ناويين يرفعوا الجمارك :(
انا كنت بفكر فيها المرحله الجايه بعد الفيكترا
تاخد برأيي المتواضع ؟
1- لو حاتمشي وراء كلام الناس عمرك في حياتك ما حتعمل حاجة (حتى ولا حاجة ) مش حاتعرف تعملها .
2- لو انت متأكد انك قد مصاريفها (الخزعبلية) فلا تتردد فنتو ثانية واحدة في انك تجيبها (علما بأن قطع غيارها غالية بشكل هستيري - ضريبتها برضو غبية - والبنزين طبعا) وتوكل على الله وماتترددش (اذا عزمت فتوكل على الله ) .
3 - موضوع النقل ده لية حل وهوا التصريح وكمان بصراحة مفيش عسكري ولا امين شرطة يجروء يقولك تلت التلاته كام ولو ظابط فا حايبقى فاهم ومقدر اكيد حتى لوجايين من ورا الجاموسة وبعد التصريح (امشي عدل يحتار المعقدين نفسيا فيك ) لان كمان العربية ليها هيبة ياباشا .
4 - لو حاتجيب حاجة في مستواها حاتدفع 3 اضعاف رقم العربية (فانت كده راكب بتلت التلاتة الي مش حايعرفو يقلوهولك )ههههههههههههه يعني راكب ببلاش فا بصراحة ربنا يخليلنا موضوع انها نقل عشان الغلابة الي مش معاهم يعرفو يركبو . (هذه النصيحة للأخ الكريم الي بيقولك ان بيدرسو موضوع تحويلها هيا بالاخص لملاكي (دي مصلحة مش متخيلة انها نقل ياراجل اسكت بقى حاتودونا ورا الشمس (حضرتك مستني اما يطبق عليها تعريفة الملاكي الجمركية وتغللى تقوم حضرتك تستنى لما تغلى وبعدين تشتريها ) هههههههههه وعجبي .
5 - الي فعلا موضوعها مقلق شوية بس مش لدرجة برضو انك ماتشتريش (موضوع الجيب الي بتترخص اتوبيس خاص ) .
6 - بقى لاخي العزيز عمرهم ما حيطبقو القانون بأثر رجعي فاكيد الي مشتريها هوا المستفيد في كل الحالات (فارجوكم ارحمونا بقى وبطلوووووو افتائات وعاملي الديب السحلاوي وجايب الخبر من بطن الزير .
7 - ارجوك بقى اشتريهـــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــا لو سمحت عشان انا بموت فيها واتمنى الخير لكل الناس .
سمحوني انا عصبي شوية بس بحب كل الناس (ماتزعلش مني يا صديقي يا بتاع االخبر حقك عليا .
تم حصولك على إنذار ووقف اسبوع لمخالفة القاعدة 13
ممنوع تماما التهجم أو التهكم أو شخصنة الحوار فى المنتدى سواء بالإهانة او السخرية او ايه اساليب مشابهة
مشرف 3 أ
اللي جايب الخبر هو انا حضرتك اللي بكل ادبك جاي تقول الديب السحلاوي وبطن الزيراقتباس:
المشاركة الأصلية كتبت بواسطة ahmedzaki11
وبعد ما تقول اللي انت عايزة جاي تقول حقك عليا انا عصبي
كان من الاولي مسح كلامك المهذب
انا مش قابل تكلمني بالاسلوب ده وهارفع تقرير مشاركة للادارة
هى تمنها كام زيرو ؟
و مستعمل فى حدود كام ؟
زيرو تقريبا 300
العربيه دى تحفه . بتزعل لما تطلع على الاول . مبترداش عايز تطلع على التانى علطول
انا سوئتها الاول بيخنئها
ربنا يخير للاصح ان شاء الله
في واحدة منها في الطارق لونها ابيض .. كنت عايز اقعد جمبها واعيط