محتاجين غبور يبطل يجبر العملاء على تغيير الزيت عند 1000 كم، وإلا حرمهم من الضمان...... الزيت اللي بييجي مع العربية بيقعد 10 آلاف كم... دا اسمه نصب
عرض للطباعة
محتاجين غبور يبطل يجبر العملاء على تغيير الزيت عند 1000 كم، وإلا حرمهم من الضمان...... الزيت اللي بييجي مع العربية بيقعد 10 آلاف كم... دا اسمه نصب
بالنسبة لموضوع السعر من غير ضريبة كنت هاضرب الأسعار في الآخر كلها في 1.15 عشان تمثل 15 % ضريبة و خلافه ، بس ممكن يكون معاك حق إن كل واحد بيحط نسبة ضريبة و مصاريف تانية لما يتجمعوا مع بعض تدي نسبة مختلفة في الآخر ، فخلينا كلنا نكتب الأسعار شاملة الضريبة وكل حاجة
المهم دلوقتي ، ياريت كل واحد دخل وكتب أسعار يدخل يعدلها تاني بحيث:
1- السعر المكتوب يمثل سعر القطعة الواحدة فقط (لو بتتباع اتنين اقسم السعر على 2 )
2- الأسعار اللي تتكتب تكون شاملة ضريبة المبيعات وخلافه(السعر النهائي اللي بيطلع من جيبك)
3- فين بقيت الأسعار للمازدا يا رجالة ؟ انا والله من الإسبوع اللي فات بكون في الشغل من 7 الصبح وبمشي كل يوم مش قبل 11 وساعات 1 بالليل للأسف مش لاقي وقت اتصل او انزل الف على أماكن البيع ، ومقدر طبعا ان مش كل الناس هاتكون فاضية برضه ، أنا عملت sheet تانية في الجدول اسمها Contacts/Addresses ، ياريت الناس تكتب فيها تيلفونات وعناوين الموزعين ( غبور ، سونستا ، سمارت ، العالمية ، الخليل ...) عشان اللي فاضي فينا يدخل ويشوف العنوان ويروح بنفسه أو يتصل يسأل على الأسعار بالتيلفون ( ولو اني معرفش موضوع الأسعار بالتيلفون ده بينفع معاهم ولا لأ )
4- عايزين نملى أسعار قطع الغيار للماركات التانية المنافسة زي هوندا وكورولا وسوبارو و ميتسوبيشي ( متشكر جدا جدا للي دخل وكتب أسعار سوبارو ونيسان) عشان انا ملاحظ في السوباروا مثلا ان في فروق معتبرة في بعض قطع الغيار تساند وجهة النظر في ان في مغالاة في قطع غيار مازدا
وبجد أنا متفائل خير ان شاء الله ، نصبر ونركز شوية في تجميع ال data ، عشان بجد تأثير الكلام في وجود بيانات فعلية غير لما تتكلم معاهم كلام في الهوا
والبيانات دي هاتفيدنا عشان ممكن نبعتها لمازدا اليابان برضه لو حصل ان مافيش حاجة اتغيرت ، (ماهو اليابان مش هايقف كلامنا معاهم على قد الميل اللي فات وبس على الأقل هانبعت نقولهم ان الدنيا اتظبطت ولا لأ ونوريهم كلامنا باللغة اللي بيفهموها وهي لغة الأرقام والبيانات( وهي نفس اللغة اللي بيتكلم بيها مديرين التسويق والمبيعات في غبور أكيد يعني) )
ومش بعيد يكون موضوع السعر اللي نزل 4000 جنيه ده نتيجة الميل اللي اتبعت لليابان ( بس مش هانقبل "بالعضمة" اللي اترمت دي عشان نهدي اللعب (يعني خد دي يا حبيبي واسكت وروح العب بعيد :048[1]: ) :dontudear: )
( شايفين الهمة والسعي بيعملوا ايه ؟؟ :Copy of m-s5: فمنجيش بعد الخطوة دي وننخ، نكمل للآخر بروح أحسن ونسعى ونجتهد أكتر، ولا عايزين نشتكي ونفضل نشكي لبعض على القهوة وفي المنتدى وعايزين الدنيا تتغير من حوالينا ؟؟ :120146b )
أرجوا من كل الأعضاء اللي شاركوا واللي ماشاركوش من البداية ، مش هاتخسروا حاجة لما تكتبوا سعر قطع الغيار او تكتب شكوى ضايقتك لما رحت في مراكز الصيانة أو حتى تكتب مقترحات انت نفسك تلاقيها لما تروح هناك ( مش لازم شكاوي وبس ) ( وحطيت جدول الشكاوي والمقترحات برضه في نفس الرابط في sheet تانية اسمها Proposals/Complaints )
عايزين نحسن من سوق مازدا و لو غبور مش عايز يفكر ازاي يحسن سوق العربية نفكرله إحنا ونقوله يحسنه ازاي ولو محسنش يبقى ساعتها في حلول تانية ان شاء الله :Copy of m-s5:
دا رد مازدا امريكا عليا
Hello Mohamed,
I regretted to read that the actions of the dealership may not have lived up to your expectations. Please understand all authorized Mazda dealerships are independently owned and operated businesses. As such, they are solely responsible for the business transactions they make, including repairs and services they perform on vehicles.
Your feedback regarding your experience is important and is valued. Rest assured I have ........ed your comments regarding Ghabbour dealer for our corporate record. We continuously evaluate these records as part of our ongoing commitment to provide only the highest quality products and services.
mazda fan عظمة على عظمة ايه الحلاوة و الفكر العالى ده و النظام, انت بتشتغل ايه يا ريس؟
طيب ، هو الرد أجوف من أي كلام مفيد ، لكن هو في نقطة واحدة مهمة اللي هي ان كل سوق وليه ظروفه اللي بتختلف من بلد للتاني ، وان كل وكيل لمازدا في بلد بيكون مسؤول عن تسويقها بغض النظر عن بقيت بلدان العالم بس هل معنى كده بدون متابعة من مازدا اليابان ؟؟؟) الكلام معناه كده ، هو صحيح حر ان يعمل اللي هو عايزه في السوق بالعربية ولكن في حدود ان العربية تستمر وتكسب ، وده مش هايتحقق بالسياسة اللي غبور ماشي عليها
الله يكرمكم ويعزكم ، ولا عالي ولا حاجة ، انا معملتش حاجة جديدة، كل اللي اتعمل هو نفس الكلام اللي كلنا قلناه هنا في المنتدى ، وعلى الرغم من ذلك الجدول لسه فاااااااااااااااااضي !!!! :Copy of majd(4):
ياريت الناس تكتبلنا العناوين ونمر التيلفونات لأماكن بيع قطع الغيار ، اهو حتى تبقى متجمعه في مكان واحد بدل ماهي متنتورة في المنتدى في كذا مكان ومحدش بيعرف يفتكر هي فين عشان يوصلها ، يمكن في مرة أقدر اعدي على أي عنوان منهم بعد الشغل
على فكرة انا اخوكم عمرو ، مهندس و شغلي جنب داندي مول ، يعني ماليش حجة ماقابلكمش ان شاء الله :grin54: ، فممكن نتقابل في أي وقت نتفق عليه (بس يارب أكون ساعتها فاضي واقدر اطلع من الشغل وقتها لأني اليومين دوول عندي ضغط شغل غير آآآآآآدمي !!! :crying2:
هانت يا رجالة ... فاضل خطوات بسيطة ان شاء الله :16:
تمام يا مازداوية الله ينور عليكم
مجهود ممتاز يا عمرو ربنا يكرمك ان شاء الله
عمرو انا بحاول انى افتح الجدول بس بيعمل تحميل وبيجيب الصفحة بس الجدول مش بيظهر!!!!!
انا مسحت صور ال logos بتاعت الماركات التانية ومسحت visualization sheets عشان غالبا هم دوول اللي مخليين التحميل بطيء شوية ، لو لسه في مشاكل وانت بتفتح الجدول او التحميل بطيء ، جرب تغير ال internet browser لو عندك واحد تاني زي google chrome أو Mozilla FireFox ، لو كل ده مانفعش .. معرفش ازاي تتحل للأسف ، دي حدود معرفتي والله
جرب كده وقولي ايه الأخبار