فيلم عسل أسود وفيها حاجة حلوة !!!

**Ghosts** · 12-07-2011 12:40 PM

أكيد معظمنا شاف فيلم عسل أسود ....
ولو فى حد ماشافش الفيلم فهو بيحكى عن سيد العربى ....
القادم من أمريكا ليقيم فى مصر ليصطدم بواقع مرير غير متوقع ....
فيقرر الرجوع لأمريكا مرة أخرى وفى النهاية وبعد أقلاع الطائرة مباشرة ....
يقرر البقاء فى مصر وينتهى الفيلم بأغنية رائعة عنوانها فيها حاجة حلوة ....
طبعآ الأغنية تخلى أى واحد يدمع بس لما فكرت لقيت أن نهاية الفيلم غير منطقية ....
أية اللى يخلى بطل الفيلم يعيش وسط كل السلبيااااااااااااااااااا اااااااااااات دى مع أنة يقدر يعيش فى أمريكا ؟؟!!
حطوا نفسكم مكان سيد العربى وفكروا معايا فى الحاجة الحلوة اللى تخليك عايز تعيش فى مصر بدل أمريكا ....

**amado ibrahim** · 12-07-2011 12:58 PM

اكيد اهلك

اصدقائك

ذكرياتك

فيه ناس بيبقى عندهم حنين للوطن

و ده لليعرفه ملوش حل

يخليك تسيب حياة الرفاهية والادمية والتقدم وترجع

و للمرحلة السنية الاكبر لتربية الابناء فى مجتمع يتوافق مع قيمنا

بدل ما الواحد ميلاقى بنتو داخلة عليه و فى ايديها البوى فريند بتاعها

و لو اتكلمت تبلغ عنك البوليس

عرفت ليه العبقرى كان بيقول

على اسم مصر التاريخ يقدر يقول ما شاء

أنا مصر عندي أحب وأجمل الأشياء

باحبها وهيّ مالكه الأرض شرق وغرب

وباحبها وهيّ مرمية جريحة حرب

باحبها بعنف وبرقة وعلى استحياء

وأكرهها وألعن أبوها بعشق زي الداء

وأسيبها وأطفش في درب وتبقى هيّ ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

**abou_ruqi** · 12-07-2011 01:01 PM

المهم ان الفيلم طلع ان الحاجة الوحيدة اللي حلوة في مصر هي موائد الرحمن
طب دي حاجة موسمية بتحصل مرة في السنة ومدتها نص ساعة في اليوم

الحاجة التانية هي العيدية ودي برضه موسمية ومدتها ساعة في اول يوم عيد

ده معناه ان المخرج مش لاقي حاجة حلوة يقنعنا بيها ليه ممكن امريكي يقر ر يعيش في مصر

**Ghosts** · 12-07-2011 01:08 PM

المشاركة الأصلية كتبت بواسطة abou_ruqi

المهم ان الفيلم طلع ان الحاجة الوحيدة اللي حلوة في مصر هي موائد الرحمن
طب دي حاجة موسمية بتحصل مرة في السنة ومدتها نص ساعة في اليوم

الحاجة التانية هي العيدية ودي برضه موسمية ومدتها ساعة في اول يوم عيد

ده معناه ان المخرج مش لاقي حاجة حلوة يقنعنا بيها ليه ممكن امريكي يقر ر يعيش في مصر

أنت معلم كبير كبير كبير

مشاركة فى الجول

**mohmdomar** · 12-07-2011 01:13 PM

بصراحة انا لما اتفرجت علي الفيلم دا خلاني عايز اهاجر اكتر

**azmeralda** · 12-07-2011 01:19 PM

هو مش كان اسمه مصرى برضه؟

اختار يعيش فى مصر عشان الدفا بتاع الناس بيهتموا ببعض بيسألوا على بعض
ايه اللى يخلى الست جارته دى تفضل تصرف عليه ومفيش اى امل ان فلوسه ترجع له

موائد الرحمن بتعبر عن الأهتمام بالفقير والأحساس بيه وفى ناس بتعملها طول السنة مش فى رمضان بس

التكافل الأجتماعى ومساعدة الناس لبعضها صاحبه بيوصل بنت جارته بدون مقابل بيطلع يغير الأنبوبة لو فى امريكا لازم بفلوس لو جارتك هتقعد مع ولادك ساعتين لازم تاخد فلوس
ناس بتوزع لحمة على الغلابة وبتدور عليهم
مامة صاحبه اللى بتصرف على ابنها لما بقى عنده 31 سنة عشان مش لاقى شغل لو فى امريكا لازم يستقل من 16 وملهمش دعوة بيه ولو عايش معاهم فى السن ده حتى لو بيشتغل يبقى عار

جو رمضان والعيد لا يقارن بالهالوين وبلا بلا
وهو طول عمره واحشاه البلد وهو هناك
جايز النهاية مكانتش منطقية بس اى نهاية تانية كنت هزعل واحتمال ادمع كمان بسطوا المشاهدين يعنى من الاخر

واى انسان مفروض بيكون عنده حب وحنين لوطنه يعنى عنده اصل والأمريكييين ملهمش اصل

**PoweRPassioN** · 12-07-2011 01:21 PM

المشاركة الأصلية كتبت بواسطة mohmdomar

بصراحة انا لما اتفرجت علي الفيلم دا خلاني عايز اهاجر اكتر

بالعكس أنا شايف أنه رغم ان الفيلم ماقدرش يحط أيدك على حاجه معينه ومحسوسه تخليك تحب مصر وترجعلها

إلا أنه رجع بالفعل نتيجه أن في حاجات كتير يمكن ما تقدرش تلمسها لكن تحسها أوي خاصه لو أتغربت والحاجات دي لايمكن تلاقيها في بلد تانيه غير مصر

بينما كل عيوب مصر ممكن تتغير لو الكل أجتمع على التغيير للافضل وبسهوله بأذن الله تبقى أحسن بلد في العالم

**Ghosts** · 12-07-2011 01:23 PM

المشاركة الأصلية كتبت بواسطة mohmdomar

بصراحة انا لما اتفرجت علي الفيلم دا خلاني عايز اهاجر اكتر

وأنا كمان ....
وعلى فكرة أنا شفت الفيلم دة مرة واحدة بس ....
ومحبتش أنى أشوفة تانى مع أنى بحب حلمى جدآ ....
يعنى ممكن أشوف كدة رضا وأسف على الأزعاج 100 مرة ومزهقش ....
لكن عسل أسود صعب أنة يتشاف أكتر من مرة ....

**PoweRPassioN** · 12-07-2011 01:24 PM

المشاركة الأصلية كتبت بواسطة azmeralda

هو مش كان اسمه مصرى برضه؟

اختار يعيش فى مصر عشان الدفا بتاع الناس بيهتموا ببعض بيسألوا على بعض
ايه اللى يخلى الست جارته دى تفضل تصرف عليه ومفيش اى امل ان فلوسه ترجع له

موائد الرحمن بتعبر عن الأهتمام بالفقير والأحساس بيه وفى ناس بتعملها طول السنة مش فى رمضان بس

التكافل الأجتماعى ومساعدة الناس لبعضها صاحبه بيوصل بنت جارته بدون مقابل بيطلع يغير الأنبوبة لو فى امريكا لازم بفلوس لو جارتك هتقعد مع ولادك ساعتين لازم تاخد فلوس
ناس بتوزع لحمة على الغلابة وبتدور عليهم
مامة صاحبه اللى بتصرف على ابنها لما بقى عنده 31 سنة عشان مش لاقى شغل لو فى امريكا لازم يستقل من 16 وملهمش دعوة بيه ولو عايش معاهم فى السن ده حتى لو بيشتغل يبقى عار

جو رمضان والعيد لا يقارن بالهالوين وبلا بلا
وهو طول عمره واحشاه البلد وهو هناك
جايز النهاية مكانتش منطقية بس اى نهاية تانية كنت هزعل واحتمال ادمع كمان بسطوا المشاهدين يعنى من الاخر

واى انسان مفروض بيكون عنده حب وحنين لوطنه يعنى عنده اصل والأمريكييين ملهمش اصل

+1
الله ينور