:16:ولا عزاء للمشمستعدين:w6266d:ma:
عرض للطباعة
:16:ولا عزاء للمشمستعدين:w6266d:ma:
لا مش خمس شهور ، نسيبلهم 80 سنة علشان فرصتهم مع الاخوان تتساوى ومش مهم البلد تستناهم وماله؟
بس المشكلة ان بعد 80 حيبقى عمر الاخوان 160 طب حنعوض الفرق ده ازاي ساعتها؟
والا العقل بيقول انك تسيب الشعب يختار اللي هو عاوزه من اللي على الساحة الدورة دي واجهز انت براحتك قدامك 4 سنين وانزل الدورة اللي بعدها؟
طبعا كلنا عارفين اللى بيلعب بالنار بيحصله ايه بالليل
بصراحة انا مش عجبانى خالص فكرة الحديث عن الجمعية التاْسيسية للدستور .او اى اشارة لاعلان مبادىْ دستورية نهائى .
ولا الحديث عن اى وثيقة تخص الدستور حاليا .
رايى بصراحة ما كانش فى لازمة للاشارة لهذا الكلام حتى لو بغرض التهدئة لبعض فئات الشعب .
يعنى عدم الحديث حاليا لا من بعيد او قريب .
طبعا عارفين ألي يلعب بالنار بتحرقه:angry06:
وألي يمشي عكس تيار الأغلبية:00020140::T_thum1[1]:
ألف مبروك يحي الجمل شرف قبل أستقالته
الحمد لله .بالنسبة لى ومتهياْلى كلنا .ده خبر رائع
صوته كومدى اوى هههههههههه
الثورة 10 - الفلول 0
و لسه
أنا ماقلتش 80 سنة دي خالص ........ يا فندم الإنتخابات إلي جاية دي أهم إنتخابات في مصر
المجلس القادم هو إلي حيكتب الدستور ........ و بصراحة أنا لا أثق في الاخوان انهم يكتبوا الدستور
يبقى من حقي أخد فرصة أكون فيها حزب أقدر عن طريقه اشارك في المجلس
فاكر في الأول قبل الإستفتاء كان الجدول إيه ؟؟؟؟؟ ....... الإنتخابات شهر 6 ...... إلي فات دة
بذمتك دة كان ينفع ........ طب دلوقتي و في ظل الظروف العصيبة دي ..... فيه حد مركز في الإنتخابات من الاحزاب الناشئة الجديدة
أنا مش فاهم إيه التكالب الرهيب دة على السلطة ؟؟؟؟؟
وبرضه انت ما قلتش المشمستعدين محتاجين قد ايه علشان يستعدوا؟
ما هو اصل هما لازم يقولوا علشان نعرف راسنا من رجلينا لان لو عاوزين مدة يبقى ينزلوا المرة اللي جاية سامحني
ومش غلطة الاخوان ان عندهم قوائم ترشيح
ومش غلطة. البلد ان المشمستعدين مشمستعدين!
وبعدين ده مش تكالب على السلطة ، دي البلد لازم تمشي بقه ولازم يكون في رئيس منتخب ومجلس تشريعي منتخب هو في بلد كده؟
بيان محترم جدا .. وبه نوع من الشدية وذلك مطلوب حتى لا تتحيل اي قوى اومجموعة ان مصر ملكا لها وحدها ... اظن بقه مش فقاضل حاجه بعد الكلام ده غير ان المصريين يشتغلو ويسيبو الناس التانية تشتغل ... ولا ايه ؟
اية دا اية دا
هو حضرتك فاكر ان الاخوان لو وصلو للسلطة حد هيعرف ينزلهم؟؟؟؟
دا ولا 80 ثورة
انت مسمعتش حضرتك الفيديو الشهير بتاع لا تداول للسلطة في الاسلام؟؟؟؟؟؟؟؟؟؟؟؟؟؟؟؟؟؟ ؟؟؟
يعني تطبيق الديمقراطية هيكون مرة واحدة فقط
وابق قابلني ياشعب لو خلصت منهم
ودليلك شوف ايران
الشعب مزلول وطالع عين امة وابوة ولما حد يجروء يتكلم يتقتل في وسط الشارع
وياريت تشوف ردود المنتمين للاخوان عاملة ازاي
مليانة فرح وزقططة ما خلاص القصر فاضي والكرسي بيزغلل من بعيد
وكانهم خلاص عندهم علم غيابي بالي هيحصل وناويين النية الصح للبلد
رابط المشاركة
الخوف كل الخوف زي ماقلنا قبل كده أنه الأمور تتصعد وتخرج عن سيطرة العقلاء من الطرفين وتصل بينا لنتيجة 1952
ودي وجهة نظر تستحق الحرص موجودة في المنتدى وفي كل مكان
وده مثال ليها من أحد المعلقين على الخبر ألي فوق
---------------
والحقيقة أنه لا يمكن النظر للبيان الذي أصدره المجلس الاعلى للقوات المسلحة صباح اليوم الثلاثاء 12 يولية وتلاه اللواء محسن الفنجرى ، والذي توعد فيه الخارجين عن القانون والشرعية الدستورية بإجراءات عنيفة وانه لن يسمح بأى عمل من شأنه الإضرار بالوطن ، سوي علي أنه بيان تحذيري لهؤلاء الذين خرجوا عن الخطوط الحمراء بالحديث عن غلق قناة السويس أو مجلس الوزراء والبورصات والكباري وأغلقوا بالفعل طرقا حيوية ومجمع التحرير للخدمات الجماهيرية ، وبدأوا يصعدون ضد الجيش بطريقة لن تؤدي في النهاية سوي لهدم وتفتيت الصخرة الوحيدة التي يستند لها أمن مصر.
وكلمات البيان مثل : (الوقوف ضد كل المظاهر التى تعيق عودة الحياة الطبيعية) و (الخارجين عن القانون والشرعية الدستورية) و(اتخاذ ما يلزم من إجراءات لمجابهة التهديدات التى تحيط بالوطن).. كلها تشير لتحذيرات مبطنة من جانب الجيش لبعض ائتلافات الثورة التي تقود أعمال التخريب بغلق مصالح حكومية وكباري وطرق والبورصة وتهدد بغلق قناة السويس ومجلس الوزراء بل وتعيين رئيس وزراء بديل لعصام شرف ،.
ومع هذا فقد حوي بيان المجلس الأعلي إشارات للاستجابة لمطالب المعتصمين والقوي السياسية المعارضة المطالبة بفكرة الدستور أولا ، وفي الوقت ذاته إرضاء المطالبين بالانتخابات أولا ، حيث نص بيان الجيش علي إعداد وثيقة مبادىء "حكيمة" لاختيار الجمعية التأسيسية لإعداد دستور جديد للبلاد وإصدارها فى إعلان دستورى بعد اتفاق القوى والاحزاب السياسية عليها ، وهو ما يبدو أنه حل وسط بين دعاة الدستور أولا (الخائفين من سيطرة نواب الاخوان الفائزين في الانتخابات المقبلة علي تشكيلة الجمعية التأسيسية للدستور) ، وأنصار (الانتخابات أولا) عبر : الاستمرار في إجراءات الانتخابات ، وفي الوقت نفسه السماح للقوي السياسية والأحزاب بالتوافق فيما بينها علي مبادئ عامة تحكم كيفية اختيار أعضاء الجمعية التأسيسية التي ستعد الدستور (سواء كانت من أعضاء البرلمان أو القوي السياسية والأحزاب أو غير ذلك ).
أن جانبا من المصريين أصبح ينظر للتصعيد غير المبرر في التحرير – برغم استجابة الحكومة لمطالب المحاكمات السريعة وعزل الضباط القتلة – وهذه الفوضي وسعي ائتلافات الثورة لفرض أمر واقع بالقوة لا يقبله كل المصريين وخرق دوائر حمراء تمس أمن مصر ، سوف يدفع الجيش دفعا لنزول الشارع وفرض الأحكام العرفية ما يعني الحكم المباشر للجيش ، ومن ثم تعطيل الانتخابات وتعطيل وضع دستور جديد واستمرار نزيف الاحتياطي النقدي الأجنبي في الخزانة العامة ونزيف الاقتصاد ، وتشويه الثورة ودخولها مرحلة جديدة من التخبط. على الثوار التفاعل مع رد الفعل من طرف المجلس العسكرى وشرف واعطاء مرونة وقتية محددة الزمن لتقييم الوضع خلال الأيام القليلة القادمة.....
تصدق عندك حق ...... المرة الجاية لما بلطجى يدخل عليا بيتى بسكينة عشان يموتنى ....... لما امسكه بعد صراع شديد ...... حسلمه للشرطة و أطالب بتحقيق معاه الأول :grin54:[/QUOTE]
اه العسل دهه
شباب الإخوان إمبارح بالليل علقوا بانر بطول 15 متر عليه ميثاق الميدان و مطالب الثورة ... و دى خطوة جميلة منهم
ملحوظة بقى: الجماعة لم تعترف بشبابها اللى لسه فى الميدان و أعلنت إنسحابها و إنهم مش تابعين ليها ... خليكم فاكرين الكلام ده عشان مش بعد كام يوم نلاقى حركة الإخوان بتقول إحنا شاركنا فى الإعتصام!
انا مقصدش شيعة ولا سنة انا الي اقصدة الديكتاتورية الدينية
هما هيستخدمو الديمقراطية مرة واحدة وبعد كدا ( طظ في مصر والي جابو مصر )
و6 ابريل مش عايزين يحكموا اصلا والا كانو طلعو ليهم قائد في اول الثورة قبل ما اي حد قافز علي الثورة يتكلم
ولو دول مسكو هيكون في شعب يحاسبهم
لكن الاخوان والسلفيين محدش هيقدر
لان وقتها هيقولك دا كلام ربنا
واخبط دماغك في الحيط بععد كدا بئي يا شعب
وهو دا الي بيحصل في ايران مع اختلاف المسميات
ودة بردو الي حصل في المانيا لما جة هتلر بالديمقراطية وبعد كدا ولع في المانيا والعالم كلة
ايه ده ؟ هو هتلر كمان طلع ديكتاتورية دينية ؟
انا مش عارف ايه اللخبطة دي
متوقع المشاركة اللي جاية حتقولي مش حنتخب الاخوان علشان جيفارا مرضاش يحكم كوبا وسابها لكاسترو!
حضرتك ملخبط كل الاوراق ومحمل الاخوان كل اخطاء الحكام من ايرانيين شيعة للالمان المسيحيين مع ان الاخوان مصريين اهل سنة
انا بصراحة ساعات بتفق مع منتقدي الاخوان لما الاخوان يغلطوا وساعات بدافع عنهم لما يكونوا مظلومين في حكم الناس عليهم
انما مدخل حضرتك في نقدهم غير موضوعي فمش لاقي حاجة اقولها لان الاتهام غير ذو حيثية في قضيتنا المصرية
فمش معقول نحمل الاخوان غلطات غيرهم
والاهم ان الاخوان ملهمش مرشح رسمي من الجماعة للرئاسة
ومش حينزلوا لانتخابات البرلمان باكتر من ثلث المقاعد لن يحصلوا باكثر من 20% حتى ولو نزلوا على 100% لان هذا حجمهم الحقيقي في المجتمع من مؤييدين ومريدين
فمتقلقش قوي مش حيركبوا على الكرسي لان ثصورتنا انتفاضة شعب على الظلم ودي غير خالص الثورة الايرانية لانها كانت ثورة فئة ولها قائد في باريس بيحركها اللي هو الخميني
متزعلش مني لان كلامي شوية جامد بس فكر شوية بموضوعية الموضوع مش بالوضع اللي انت خايف منه خالص
انا محترم وجهت نظرك جدا بس ياريت تفهم مشاركتي الاول
انا لما اتكلمت عن ايران كنت ببين لحضرتك الاستبداد الديني باحقية الحكم الالهي والي يعترض يبق كافر
ولما اتكلمت عن المانيا كنت ببين لحضرتك ان الديمقراطية جابتلهم طاغية وديكتاتور اتسبب في قتل 50 مليون انسان علي مستوي العالم ومحدش قدر يعارضة ولا يستخدم الديمقراطية تاني بعد ما مسك الحكم
يعني ديمقراطية المرة الواحدة زي ما هيحصل منهم
وبالنسبة لانهم مش مرشحين حد لا هما مرشحين بس بطريقة زكية انهم خرجو 2 من الجماعة ومرشحين نفسهم علي انهم مستقلين
ودا يديك صورة عن مواقفهم الزئبقية طبعا غير مواقف كتير تانية
وصدقني مش زعلان لان طريقة حوارك جميلة مش زي ماهم بيعملو ويشوهو صورة اي حد مش معاهم وخلاص
يا بيه مفيش اي ضمانة في الدنيا ان الديموقراطية ما تجيبلكش واحد زي هتلر
وده عيب الديموقراطية الاول انها النظام الوحيد الذي يحمل عدوه في بطنه وبالديموقراطية تستطيع ان تهدم الديموقراطية
مفيش حاجة تضمنلك ان ايمن نور او البردعي او حمدين او مرتضى لما يمسك مش حيتحول لديكتاتور
قولي ايه الضامن اللي عند دول ومش عند الاخوان وانا حقف في صفك وحترك الصف اللي انا فيه
انا سألتك السؤال ده قبل كده وانت مجوبتنيش لو سمحت جاوبني المردي
مش معقول يا جماعة نبني الرأي علي الامثلة الفاسدة من التاريخ .. لان في المقابل هناك امثلة صالحة و ناجحة
و مش عايزين نعمل فيلم Minority Report حيث يقبض علي المتهم قبل ان يقوم بالجريمة من الاصل و استباقا للاحداث
من حق الجيش يهدد ويضرب بيد من حديد كمان
ده بقي اسمه استهبال وقلة ادب
ايه
اللي في التحرير هما اللي بيفهموا في مصلحة البلد والباقي معيز
احنا قرفنا
اي حد بيحاول يعطل مصلحة حكومية او يغلق طريق عام او يهدد باي حاجة تمس مصلحة البلد واقتصادها
من حق الجيش يفرمه
كفاية بقي
هو لو نزل الجيش واعلن الاحكام العرفية وضرب بالنار وقالكو معلش ما هي كل ثورة ولها ضحاياها
واذا كانت الحسبة بين مصلحة فرد او مجموعة ومصلحة البلد
تبقي مصلحة البلد
يبقي كويس
؟؟؟؟؟!!!!!!!!!
شوية شباب لسه بياخدوا مصرفهم من اهاليهم
فجأة عينوا نفسهم اوصياء علي البلد
بكل مافيها
بكل طبقاتها وفئاتها
اتحدي اتحدي اتحدي اتحدي اتحدي اتحدي اتحدي اتحدي
ان واحد فيهم درس سياسة او قانون
اللي بيتكلموا دلوقتي في السياسة والقضاء والمحاكمات وغيره
ارحمونا بقي
عايزينا نلغي الاعلان الدستوري عشان شوية ناس شافو التورتة هضيع من ايديهم
من غير ما يكون ليهم نصيب
ارحمونا
البلد لو وقعت مش هتلاقوا من التورتة دي حاجة
هتلاقو خراب ودمار
وهتبص حواليك مش هتلاقي ناس كتير من اللي انت شايفهم مليين الميدان دلوقتي من غير ذكر اسماء
لكن ناس كتييييييييير اوي مجهزة شنطها
الحكاية ظبطت
ادينا قاعدين
الموضوع فكس
تذكرة الطيارة في جيبي
وعلي بره عدل
ربنا ينتقم من كل غبي
قادر يا كريم
أيه ياخلودا الكلام الجامد ده أنت عايز تزعل الثوار المعتصمين في الميدان وألي لا بيقفلو مجمع التحرير ولا بيقطعو طرق في العين السخنة
لا مالكش حق الصراحة
تقبل تحياتي وربنا يزيح الغمة عنا
انا شايف انه بيان قوي وواضح , و لا يحمل اي تهديد سوي من يريدون الفوضي و ( التلكيك ) تحقيقا لأهداف خافيه , وحق الشهداء والمصابين ان شاء الله هيخدوه في الدنيا قبل الآخره .
يا بتوع الإستقرار الإستقراااااااااااااااااا اااااار الإستقراااااار ...
بتفكرونى بأيام أحمد شفيق لما كنتوا بتنادوا إننا نديله فرصته و حرام و مينفعش! و البلد كانت هتروح فى داهية ...
مع الإختلاف فى الوضع الحالى, عصام شرف رجل محترم و مواقفه لحد دلوقتى مع الثورة لكن هذا لا يمنع إنه ممكن ميكونش مناسب للمرحلة دى لأنه ليس بالقوة المنشودة و لو حسينا إنه مش هينفع هنطالب بإقالته ... صلاحياته منتقصة بسبب المجلس العسكرى .. و كله هيبان أكتر فى التغييرات الجديدة فى الحكومة.
واحد صاحبى أول إمبارح قاللى نفس الكلام ده ... بس السبب كان إنه راح المجمع يخلص ورق سفر و لقيه مقفول و إتبهدل فى الشمس يومها .. زعل أوى و قرر إن بتوع التحرير وحشين و فضل يهاجمهم لما كلمنى.
و واحد تانى بس ده كان زمان كان واخد موقف شديد جداً عشان كان راجع من عند خالته و وقف 6 ساعات على كوبرى أكتوبر ..
و واحد تالت معجبوش عشان الدورى كان هيتأجل! :d
ناس كتير واخده مواقف معاديه بسبب موقف حصل معاهم و ضايقهم.
------- معقول لسه مش مدركين إن البلد فى ثورة؟!!!!
بس انا محصلش معايا اي موقف
انا بتكلم في العموم
ده احنا من جهلنا
بقينا بنفتي في كل حاجة
كل حاجة
سياسة - اقتصاد - قانون - دين ....
بنصدر احكام علي ناس ونتهم ناس بالباطل زور
عمر حد فينا فكر يحط نفسه مكان المجلس العسكري ( انا مش بدافع عنهم - بالعكس ليه موقف منهم من ساعة ما بدأت الثورة بس مش وقت الكلام فيه دلوقتي )
يحط نفسه مكان النائب العام
انا مشفق علي اي قاضي ينظر اي قضية من قضايا المتظاهرين او الفساد
الادلة : مفييييييييييييييش ادلة
لكن الثوار عايزين دم
طب يعمل ايه
ضغط عصبي ونفسي غير عادي
نفسي اللي في الميدان يفكروا شوية
ويبطلو جرعة الحماس الثوري دي
فوقوا
الجيش لو قرر يرجع الحكم عسكري 100% وكأننا ادام ثورة 1952 ثانية
محدش هيقدر يقف ادامه
وهيعملها بدعوي الحفاظ علي مصلحة وامن البلد اللي فعلا بقت معرضة للخطر
وهنتعاطف معاه
يارب استر
يارب يفهم الغبي
يارب يفهم
وبعدين انا عاوز افهم
العيال دي بتجيب الفلوس دي منين
بيسافروا بره بدعوي مطالعة تجارب الدول المتحضرة في الديموقراطية
وبيعملوا اجتماعات
وبياخدوا ندوات ومحاضرات
ده كاه منين
واذا كان بتمويل خارجي
نعرفه
امريكي - اوروبي - اسرائيلي ....
المهم نعرفه
عايشين حياتهم في الميدان
خيام - اكل - شرب ...
عاوزين نعرف الفلوس دي منيييييييين
انا مش بتهم حد ومحدش يقولي نفس النغمة اياها بتاعة ده كلام الفلول وايام مبارك واللغة دي
انا مش بتهم حد
بس في ناس كتير واولهم 6 ابريييييييييييييييييييييي يييل
انا واحد من الناس شاكك فيهم بشكل غير عادي
حد يفهمنا
ويكسب ثواب
طيب و لو راجل عجوز ولا ست كبيرة جايين من بره القاهرة و جايبين اجرة السفر بالعافية عشان يخلصوا مصلحة في المجمع...
طيب و لو في عربية اسعاف جنب صاحبك واقفة 6 ساعات..او واحدة ست بتولد...او عربية فيها اطفال من غير تكييف...أكيد مش كل الناس علي كوبري اكتوبر رايحة تزور خالتها
ماتزعلش مني...بس كلامك فيه استخفاف شديد بمصالح الناس و كأنهم مش مهمين و وقتهم و مشاعرهم بلا قيمة و الثورة بقت أهم من الشعب نفسه
لا والله كل الناس عارفة ان كان فيه ثورة جميلة سلمية اسقطت نظام ديكتاتوري و العالم كله اتكلم عنها بس للأسف اتحولت لفوضي و تصفية حسابات و بدأ الشعب يكرهه الثورة و الثوار
أنا مقولتش إن وقف المصالح ده حاجة كويسة؟! .. طب ما والدى خسر كتير جداً فى البورصة الأيام اللى فاتت
بس أنا مقتنع إننا لازم نضحى مؤقتاً عشان نوصل للأحسن.
مصر لسه مش على الطريق الصح .. و لو سلمنا القضية للجيش ولا للحكومة دلوقتى يبقى كل اللى إتعمل هيضيع و الوطنى هيرجع تانى بشكل جديد و الشهداء دول يبقى دمهم راح هدر ... ساعتها محدش فينا هيسامح نفسه.
ده أقل القليل من المطالب لسه متحققش .. محاكمة عادلة لرئيس بهدل البلد على مدار 30 سنة مش عارفين نوصلها و قاعد فى مستشفى معزز مكرم و مفيش محاكمة بدأت أصلاُ .. يبقى فين العدل و فين المطالب اللى إتحققت ... و إزاى أقعد فى بيتى مطمن بعد كل ده!