-
منظر صدمني في الجين 2
السلام عليكم أخواني أعضاء نايل موتورز الكرام
الحقيقة أنا من عشاق الجين2 وكنت ناوي أبيع عربيتي في أقرب فرصه وأشتريها لشكلها الرياضي والأنيق وإمكانياتها الكثيرة مع سعرها الهايل ، وكنت في فسحه كدة يومين في شم النسيم في منطقة ساحلية وشفت عربية جين 2 راكنه قولت أروح أختلس كدة كام نظره على الطبيعة من بعيد لبعيد وكانت المفاجأة !!!!!!! الدركسيون مفتوح !!! مكسور !!! وتقريبا مكان الإيرباج بتاع السائق ... فقولت يمكن تكون العربية كانت عاملة حادثة والإيرباج فتح ؟؟؟ لفيت حوالين العربية لقيت مفيش أي آثار حادثة والدوكو فابريقة ، الحقيقة فكرت في المنتدى هنا وسمحت لنفسي إني أصورها كام صورة وأعرضها عليكم لعل وعسى نعرف إية تفسيرها هل دة عيب تقفيل في الإيرباج وهل دة معناه إن ممكن تبقى ماشي في أمان الله والإيرباج يفتح في وشك فجأة بدون سبب ؟؟؟؟؟ الله أعلم
وإليكم الصور
http://www4.0zz0.com/2008/05/04/08/542127855.jpg
http://www4.0zz0.com/2008/05/04/09/220448140.jpg
http://www4.0zz0.com/2008/05/04/09/235576600.jpg
http://www4.0zz0.com/2008/05/04/09/730072660.jpg
-
يا باشا الصور كبيره اوىىىىىىىىىىى و مش راضيه تحمل يا ريت لو تحطها تانى بحم اصغر علشان نعرف نشوفهم
-
-
شكرا يا Goodle باشا على إهتمامك بالموضوع .... وفعلا أنا إلى الأن مصدوم
-
-
و الله انا شايف ان الموضوع موش صدمة و لا حاجة و ده وارد جدا فى اى عربية
انا شوفت شاب برضه الايرباج عنده مفتوحة وقفت سالته قالى التوكيل ده زبالة وهاروح اعمل و اسوى فيهم
المهم اخدته بالراحة كده و حبيت استفسر منه ايه اللى حصل خاصة ان العربية ماكنتش مخبوطة
اولا هو كان بيشترى جنط مستعمل للعربية من محل الجنوط اللى كان واقف قدامه و قابلته عنده
طيب ايه يا ابنى اللى حصل فى الجنط القديم
راح فاتح الشنطة و مرويهونى و طبعا موش عايز اقولكم الجنط كان مقسوم نصين زيى مايكون عمله عند خراط موش عارف كسره كده ازاى
المهم سالته قالى موش عارف كان بيعمل ايه و بسرعة كام و دخل فى الرصيف كسر الجنط و كسر المقص و المساعد و حاجة تانية موش فاكر ايه
المهم انها حادثة جامدة و على سرعة موش تهريج و كان العربية ممكن تتقلب طبعا لو هى عربية بلاستيك من بتوع اليومين دول انما طبعا الجين 2 غنية عن التعريف فى موضوع المتانة
الاخ بقى بعد لما اخدته بالراحة كده و فهمته ان التوكيل مالهوش دعوة بالكلام ده ده سوء استخدام منه هو لان لو عربية تانية كان زمانه ضاع راح قاعد يشكر فى العربية و يوقلى ماشاء الله متينة و بتستحمل و بدء يعدد فى مميزاتها
المقصود انه موش علشان نشوف ص3ورة زيى دى نتصدم فى العربية ممكن يكون حصل جامدة و موش باين على العربية
او يكون صاحبها صلحها خلاص و مستنى فترة و يغير الدركسيون
وطبعا ممكن يكون عيب تصنيع الله اعلم بس انا عايز اسأل صاحب الموضوع لو الحركة دى شوفتها فى تويوتا او هوندا هاتقول كده برضه و هاتتصدم و لا عادى ؟؟؟؟
-
عزيزي وأخي الفاضل ahmedsiyam
أرجو منك عدم فهم الموضوع على أنه تشوية لسمعة السيارة أو للتشنيع عليها فأنا من عشاقها وما شاهدتة بعيني صورته وتركته لأعضاء المنتدى يقولوا رايهم لأن الصورة لا تكذب
وصدقني لو إني كنت شاهدت هذا المنظر في أي سيارة أخرى لكنت صدمت برضه وصورتها وعرضتها ولكني لم أشاهد هذا المنظر في أي سيارة حديثة من قبل ، ولابد أن تعلم أن كل سيارة مهما كانت لها مميزاتها ولها عيوبها ، وكم كنت أتمنى أن مالكي البروتون وأنت منهم أن يردوا بشكل عملي على الموضوع بدون تحيز
-
لو عيب تصنيع يبقى في سنسور الخاص بالإيرباج ؟؟ أنا بافترض إن في حاجة اسمها كده
أظن الأخ توت ممكن يدلي بدلوه ويقولنا رأيه
-
احتمال انه يكون فتح لوحده دة وارد لكن بنسبة ضئيله اوي اوي
عدم وجود خبطه في العربيه لا ينفي اطلاقا انها عامله حادثه
ممكن جدا يكون عمل حادثه قديمه و الايرباج فتح و صلح العربيه و خلاها تمام التمام و مغيرش الدركسيون عشان تمن الايرباج الغالي جدا
-
مبدأيا بس عشان الناس تكون على بينة الجين 2 مش بى إم ولا كرولا ولا فيرنا ولا إسبيرانزا
يعنى الجين 2 عربية ليها مميزات و ليها عيوب
أنا واحد من الناس لا أفضل الجين 2 لما أكون عايز عربية مريحة ماروحش بيها التوكيل كثير يعنى لكن هافضلها لما أكون عايز عربية رياضية
المهم أنا بحكم إحتكاكى بملاكها كثير فى التوكيل و خارج التوكيل العربية كل العيوب إللى فيها عيوب تقفيل و فقر خامات + علبة الدريكسيون فى بعض الحالات
أكثر من كده لأ - محصلش إن حد فتحت منه إير باج لوحدها خالص
و الصور بتاعت حضرتك لا تدل على شئ عشان إنت ماتعرفش إيه إللى حصل كل شئ جايز
المهم لو بتقارن الجين بالفيرنا هى ممتازة لكن لو بالكرولا - مانصحكش هاتتعب لأن دى حاجة و دى حاجة
إللى بيركب كرولا بيكون عايز عربية إعتمادية مريحة -أنتخة - ناعمة و بس
جين - ثبات - قوة - صاج محمل - شكل رياضى - لكن النهاردة الزجاج بيعلق - بكره المرايات الكهرباء الجوى ستيك باظت - فيه صوت مش عارف إيه ... كده يعنى
Content Relevant URLs by
vBSEO 3.6.0 PL2