تجربة شراء كاميرا ديجيتال رخيصة بالصور وكافة التفاصيل

نوع الكاميرا : fujifilm finepix av100
السعر : 433 جنيه شامل جراب شيك داخل العلبة
مكان الشراء : أبلاينس فرع عباس العقاد
الصور والمواصفات الفنية للكاميرا من موقع الشركة :
http://www.fujifilm.com/products/dig...finepix_av100/
ـــــــــــــــــــــــــ ـــــــــــــ
كارت ميمورى كنجستون 4 جيجا كلاس 4
السعر : 51 جنيه
مكان الشراء : أبلاينس فرع عباس العقاد
ـــــــــــــــــــــــــ ـــــــــــــ
4 حجر قلم أمبير 2450 بالشاحن
النوع : إنرجايزر
السعر : 155 جنيه
مكان الشراء : راديو شاك فرع عباس العقاد
ـــــــــــــــــــــــــ ـــــــــــــ
التكلفة الإجمالية للكاميرا 639 جنيه
عدد مرات التصوير فى كل مرة شحن : حوالى 400 لقطة (بفلاش/ وبدون فلاش)
لون الكاميرا أسود جميل والحجم عملى
الكاميرا 12 ميجابكسل وجودة التصوير عالية مقارنة بالسعر والفيديو رائع
ـــــــــــــــــــــــــ ــــــــــــــ
وهذه مجموعة من الصور التقطتها فى عدة أماكن مختلفة
قلعة صلاح الدين
وسط البلد وميدان التحرير
حديقة الأزهر
جامع الحسين والأزهر
أرجو أن تنال إعجابكم والأهم النقد خاصة من خبراء التصوير
الصور مرفوعة بحجم 640 * 480 لسهولة وسرعة التحميل
وغير معدلة بأى برامج، مجرد تصحيح تلقائى للون بأداة ميكروسوفت
ـــــــــــــــــــــــــ ـــــــــــــ
وفى النهاية فيديو HD بالصوت كنموذج للتصوير صورته بميدان التحرير
ورفعته بحجم 27 ميجا بدلاً من 270 ميجا وهو الحجم الأصلى
لذا لن يكون بنفس جودة الفيديو الأصلى

بسم الله أبدأ

http://img843.imageshack.us/img843/2088/21151768.jpg


http://img8.imageshack.us/img8/4988/59499038.jpg


http://img143.imageshack.us/img143/769/64867923.jpg


http://img202.imageshack.us/img202/1852/57868241.jpg


http://img97.imageshack.us/img97/6678/49711437.jpg


http://img535.imageshack.us/img535/4845/90514402.jpg


http://img832.imageshack.us/img832/8196/58901583.jpg


http://img718.imageshack.us/img718/5290/72519317.jpg


http://img718.imageshack.us/img718/4710/90207124.jpg


http://img684.imageshack.us/img684/7154/90048124.jpg


http://img135.imageshack.us/img135/8213/63625696.jpg


http://img683.imageshack.us/img683/4269/62379868.jpg


http://img853.imageshack.us/img853/5576/23194933.jpg


http://img148.imageshack.us/img148/5662/14269786.jpg


http://img402.imageshack.us/img402/1429/79016190.jpg


http://img851.imageshack.us/img851/42/17192157.jpg

نموذج لفيديو HD للكاميرا صورته بميدان التحرير
YouTube - ‪fujifilm finepix av100 HD video.wmv‬‏

ألبوم معالم القاهرة على الفيسبوك بالكاميرا الجديدة
http://www.facebook.com/media/set/?s...9&l=7fe7738e0f

ألبوم قلعة صلاح الدين على الفيسبوك بالكاميرا الجديدة
http://www.facebook.com/media/set/?s...9&l=15b17ab67f

فى إنتظار الآراء والتعليقات ...

جميلة ما شاء اللة و فوجى من احسن الماركات فى الرنج دة من الاسعار و انا دايما انصح اللى عاوز كاميرا رخيصة و حلوة يشترى فوجى. مبروك مرة تانية

تصوير رائع .. الف مبروك

ممتاز وتصويرك جميل

مبروك عليك :)

الف الف مبروك
وواضح انك فنان كبير في اختيار زوايا
التصوير وتوزيع الضوء وياسلام لو مشوار لحد القلعه
وشوية صور من مسجدي السلطان حسن والرفاعي ومجموعه
طولون ومساجد شيخون بشارع الصليبة

شكرا علي المعلومات القيمه

تصوير جميل

وزوايا رائعه

الف شكرا على صور وتقرير ,, والف مبروووك

الف مبروك
و فعلا صور اكثر من رائعة
و كان لي ملحوظة
انا حاسس ان جودة الصور افضل من الفيديو بالكاميرا
فأحساسي بالفيديو انه بطئ في الحركة
فهل هذا ناتج عن الرفع ام ان الكاميرا فعلا جودة التصوير اعلي من الفيديو؟
و شكرا لحضرتك

م.حاتم السباعي

الف مبروك على الكاميرا ماشاء الله التصوير وجودتو هايلة
وكنت عايز اعرف التصوير بليل نفس الجودة وكمان الفيديو بليل نفس الجوده

اقتباس:

---

المشاركة الأصلية كتبت بواسطة sgh

جميلة ما شاء الله و فوجى من احسن الماركات فى الرنج دة من الاسعار و انا دايما انصح اللى عاوز كاميرا رخيصة و حلوة يشترى فوجى. مبروك مرة تانية

---

الله يبارك فى حضرتك
وانا قريت كتير وقارنت بين موديلات وصور كتير
وفى النهاية استقريت على الموديل دة والحمد لله

اقتباس:

---

المشاركة الأصلية كتبت بواسطة amahmed

تصوير رائع .. الف مبروك

---

الله يبارك فيك
ومرورك حضرتك أروع

اقتباس:

---

المشاركة الأصلية كتبت بواسطة m7amd_7amdy

ممتاز وتصويرك جميل

مبروك عليك :)

---

الله يبارك فيك محمد بيه
وأشكرك على الإطراء

اقتباس:

---

المشاركة الأصلية كتبت بواسطة adelmof40

الف الف مبروك

وواضح انك فنان كبير في اختيار زوايا
التصوير وتوزيع الضوء وياسلام لو مشوار لحد القلعه
وشوية صور من مسجدي السلطان حسن والرفاعي ومجموعه
طولون ومساجد شيخون بشارع الصليبة

---

الله يبارك فى حضرتك
عادل باشا انت كدة هتخلينى اتغر فى نفسى
على فكرة دى أول مرة أصور فيها بكاميرا ديجيتال
قبل كدة الموبايل وكاميرات عادية اللى هيا بفيلم وتحميض وكدة
بس فعلاً المكان له دور فى جمال الصورة
والأماكن اللى حضرتك ذكرتها أماكن عبقرية جدااااااا فى التصوير

اقتباس:

---

المشاركة الأصلية كتبت بواسطة moustafa_saad

شكرا علي المعلومات القيمه

---

تحت أمرك مصطفى باشا

اقتباس:

---

المشاركة الأصلية كتبت بواسطة tarekzein

تصوير جميل

وزوايا رائعه

---

أشكرك كثيراً أستاذ طارق

اقتباس:

---

المشاركة الأصلية كتبت بواسطة bunsh_fox

الف شكرا على صور وتقرير ,, والف مبروووك

---

الله يبارك فيك
تحياتى

اقتباس:

---

المشاركة الأصلية كتبت بواسطة hagan

الف مبروك
و فعلا صور اكثر من رائعة
و كان لي ملحوظة
انا حاسس ان جودة الصور افضل من الفيديو بالكاميرا
فأحساسي بالفيديو انه بطئ في الحركة
فهل هذا ناتج عن الرفع ام ان الكاميرا فعلا جودة التصوير اعلي من الفيديو؟
و شكرا لحضرتك

م.حاتم السباعي

---

الله يبارك فيك يا باشمهندس
بالنسبة لجودة الفيديو المرفوع على اليوتيوب فهو بالفعل أقل جودة من الحقيقى
لأنى قمت بتقليل حجمه من 270 ميجا إلى 27 ميجا ودة طبعاً أثر على التفاصيل
جودة الفيديو hd هو أبرز ما يميز هذا الموديل بين الموديلات الأخرى فى نفس السعر
والكاميرا فيها أوبشنات كتير مع الوقت تقدر تعمل بيها شغل مميز
تحياتى لحضرتك

اقتباس:

---

المشاركة الأصلية كتبت بواسطة محمد الجرجاوي

الف مبروك على الكاميرا ماشاء الله التصوير وجودتو هايلة
وكنت عايز اعرف التصوير بليل نفس الجودة وكمان الفيديو بليل نفس الجوده

---

أشكرك محمد بيه
التصوير الليلى فى الكاميرا جيد وله عدة أوضاع تمكن الواحد من أفضل نتيجة
زى وضع التصوير الليلى
وضع التصوير على حامل
وضع تصوير الغروب
وضع تصوير الألعاب النارية
ده غير الوضع p اللى تقدر تظبط فيه كل شئ حسب الرغبة
زى مستوى الإضاءة والأيزو وغيره

اقتباس:

---

المشاركة الأصلية كتبت بواسطة mohamadfawzy

أشكرك محمد بيه
التصوير الليلى فى الكاميرا جيد وله عدة أوضاع تمكن الواحد من أفضل نتيجة
زى وضع التصوير الليلى
وضع التصوير على حامل
وضع تصوير الغروب
وضع تصوير الألعاب النارية
ده غير الوضع p اللى تقدر تظبط فيه كل شئ حسب الرغبة
زى مستوى الإضاءة والأيزو وغيره

---

معلش حضرتك ممكن ترفع لينا شوية صور تصوير ليلي و ابقي شاكر جدا

اقتباس:

---

المشاركة الأصلية كتبت بواسطة peaceman

معلش حضرتك ممكن ترفع لينا شوية صور تصوير ليلي و ابقي شاكر جدا

---

+111111111111111111 ياريت فعلا بعد ازن حضرتك لاني انا هجيب كاميرا فعلا لانه جميلة اوي اي اوي ربنا يبارك لك فية

اقتباس:

---

المشاركة الأصلية كتبت بواسطة peaceman

معلش حضرتك ممكن ترفع لينا شوية صور تصوير ليلي و ابقي شاكر جدا

---

اقتباس:

---

المشاركة الأصلية كتبت بواسطة evram

+111111111111111111 ياريت فعلا بعد ازن حضرتك لاني انا هجيب كاميرا فعلا لانه جميلة اوي اي اوي ربنا يبارك لك فية

---

حااااااااااااااااضر
بمجرد ما اصور صور ليلية هرفعها فوراً فى الموضوع

النهرده نزلت ريديو شاك ووجدت الكام دي موجوده
ايه دا مش هيه دي هيه يا باشا
طبعا بدون تردد قلتله اتفرج عليها ممكن
الكام حلوه شكلاوموضوعا
العلبه جاي فيها هديه الشاحن بالبطاريه
علشان كده بكارت الميماري القصه وقفت 483 جنيه بس
بجد شكرا لصاحب الموضوع هاديك دعوتين كده علي الماشي
وربنا يا رب يكرمك كده انشاء الله

اقتباس:

---

المشاركة الأصلية كتبت بواسطة tamer_a7

النهرده نزلت ريديو شاك ووجدت الكام دي موجوده
ايه دا مش هيه دي هيه يا باشا
طبعا بدون تردد قلتله اتفرج عليها ممكن
الكام حلوه شكلاوموضوعا
العلبه جاي فيها هديه الشاحن بالبطاريه
علشان كده بكارت الميماري القصه وقفت 483 جنيه بس
بجد شكرا لصاحب الموضوع هاديك دعوتين كده علي الماشي
وربنا يا رب يكرمك كده ان شاء الله

---

بجد أنا سعيد انى قدرت اساعد حد واديله فكرة عن شئ معين
وحظك حلو إن العلبة جاى معاها شاحن بالبطارية ( عرض ممتاز فعلاً )
مبروك يا باشا وإن شاء الله تصور بيها أحلى المناسبات :satelite:

فعلا ربنا يكرمك معلومه حلوه
انا كان دايما تفكيري متوجهه ناحيه السوني و السامسونج فقط لكن فوجي كنت بشوف اعلانتها في الجرايد و اسعار رخيصه مقارنة بسوني او سامسونج فبقول اكيد هاتبقي تعبانه بس ماشاء الله لما شوفت الصور و بالاخص الفيديو ال hd لا كده في كلام تاني بقي
مشكور ياباشا

اقتباس:

---

المشاركة الأصلية كتبت بواسطة walidadel

فعلا ربنا يكرمك معلومه حلوه
انا كان دايما تفكيري متوجهه ناحيه السوني و السامسونج فقط لكن فوجي كنت بشوف اعلانتها في الجرايد و اسعار رخيصه مقارنة بسوني او سامسونج فبقول اكيد هاتبقي تعبانه بس ماشاء الله لما شوفت الصور و بالاخص الفيديو ال hd لا كده في كلام تاني بقي
مشكور ياباشا

---

تصدق بالله انا شفت صور كتير لكاميرات ماركات شهيرة وغالية ومكنتش عجبانى
ولما شفت صور الموديل ده فى المواقع الأجنبية قررت أشتريها
خصوصاً بالسعر البسيط ده
لكن مش معنى كدة إن الكاميرات التانية الغالية وحشة مثلاً
أنا عايز أقول إن الموديل ده Best value for money
فى وقت كل شئ بنشتريه ميستحقش أكتر من نص اللى اندفع فيه

اقتباس:

---

المشاركة الأصلية كتبت بواسطة tamer_a7

النهرده نزلت ريديو شاك ووجدت الكام دي موجوده
ايه دا مش هيه دي هيه يا باشا
طبعا بدون تردد قلتله اتفرج عليها ممكن
الكام حلوه شكلاوموضوعا
العلبه جاي فيها هديه الشاحن بالبطاريه
علشان كده بكارت الميماري القصه وقفت 483 جنيه بس
بجد شكرا لصاحب الموضوع هاديك دعوتين كده علي الماشي
وربنا يا رب يكرمك كده ان شاء الله

---

ممكن من فضلك تقوللي فرع راديو شاك اللي انت جبت منو عشان انا سالت في راديو شاك شارع مصدق لقيتها ب 433 ج ومعاها جراب فقط بدون شاحن وبطاريات وكارت ميموري

الف مبروك
للعلم كاميرا جميله

الف مبروك الزوايا رائعه و الاضاءه تمام - شكلك فنان و مخبى
ربنا ياتيك خيرها و خير ما صنعت له و يجنبك شرها و شر ما صنعت له

متنساش علشان يطول عمر البطاريات
متحطهاش على الشاحن الا لما تفضى خالص .
دمت بود

مبروك و تصويرك جميل
و مشكور ع المعلومات

كنت هجبها من يومين لكن حد قلقني منها فاستنيت اجيب كوداك بقي

انا لقتها بالسعر دا فعلا ف راديو شاك المنيل

صور جودتها عاليه و الفيديو جمبل جدا

اقتباس:

---

المشاركة الأصلية كتبت بواسطة icehearted girl

كنت هجبها من يومين لكن حد قلقني منها فاستنيت اجيب كوداك بقي

انا لقتها بالسعر دا فعلا ف راديو شاك المنيل

---

خوفوك منة لية طيب هي ايه مشاكلة الي سمعته انا عايز اجيب منه اتنين

اقتباس:

---

المشاركة الأصلية كتبت بواسطة محمد الجرجاوي

ممكن من فضلك تقوللي فرع راديو شاك اللي انت جبت منو عشان انا سالت في راديو شاك شارع مصدق لقيتها ب 433 ج ومعاها جراب فقط بدون شاحن وبطاريات وكارت ميموري

---

فرع مصدق الدقي

علي فكره هيه احسن من كودك كتير لاه السينسير بتعها نفس الموجود في الكاميرات السمي بورفيشنال وهو دا اللي بيخلي كاميرات فوجي اللي سعرها قليل قويه جدا في الصوره

اقتباس:

---

المشاركة الأصلية كتبت بواسطة tananybasha

الف مبروك
للعلم كاميرا جميله

---

الله يبارك فيك طنانى باشا

اقتباس:

---

المشاركة الأصلية كتبت بواسطة gelgel2004

الف مبروك الزوايا رائعه و الاضاءه تمام - شكلك فنان و مخبى
ربنا ياتيك خيرها و خير ما صنعت له و يجنبك شرها و شر ما صنعت له

متنساش علشان يطول عمر البطاريات
متحطهاش على الشاحن الا لما تفضى خالص .
دمت بود

---

شكراً جلجل بيه وانا لا فنان ولا حاجة دى حتى اول مرة اصور بكاميرا ديجيتال
واشكرك كثيراً على نصيحة شحن البطاريات
واعتقد نفس النصيحة ممكن تطبيقها على بطاريات الموبايل

اقتباس:

---

المشاركة الأصلية كتبت بواسطة el prince

مبروك و تصويرك جميل
و مشكور ع المعلومات

---

العفو يا برنس

اقتباس:

---

المشاركة الأصلية كتبت بواسطة icehearted girl

كنت هجبها من يومين لكن حد قلقني منها فاستنيت اجيب كوداك بقي

انا لقتها بالسعر دا فعلا ف راديو شاك المنيل

---

هى معايا لحد دلوقت والحمد لله مفيهاش أى عيوب
بس ممكن اعرف قلقتى من ايه بالظبط ؟

اقتباس:

---

المشاركة الأصلية كتبت بواسطة ahmdmagdy

صور جودتها عاليه و الفيديو جمبل جدا

---

شكراً أحمد باشا

اقتباس:

---

المشاركة الأصلية كتبت بواسطة tamer_a7

فرع مصدق الدقي

علي فكره هيه احسن من كودك كتير لاه السينسير بتعها نفس الموجود في الكاميرات السمي بورفيشنال وهو دا اللي بيخلي كاميرات فوجي اللي سعرها قليل قويه جدا في الصوره

---

ماهو انا سألت في فرع مصدق لقيتها بدون شاحن وبطاريات
فقط الكاميرا بالجراب
وحضرتك قولت جبتها بالشاحن والكارت ب 433 ج

قلقوني من فوجي عموما ..وكمان كذا حد ينبه عليا مجبش حاجة ببطارية من دي....هتفرق معايا قدام

اقتباس:

---

المشاركة الأصلية كتبت بواسطة محمد الجرجاوي

ماهو انا سألت في فرع مصدق لقيتها بدون شاحن وبطاريات
فقط الكاميرا بالجراب
وحضرتك قولت جبتها بالشاحن والكارت ب 433 ج

---

لا ازاي العلبه معايا هيه من غير الكارت ب 433 الكارت كان ب 50 جنيه
بس العلبه فيها التالي
هدايا مجانيه
1. جراب
2. حامل للكاميرا
3.محفظ لكروت الذاكره
4.مجموعه تنظيف كامله
هدايا اضافيه داخل العبوه
1. شاحن
2.عدد 2 حجاره قلم قابله للشحن

انا نقلت الكلام زي ما مكتوب علي العلبه بالظبط

اقتباس:

---

المشاركة الأصلية كتبت بواسطة tamer_a7

لا ازاي العلبه معايا هيه من غير الكارت ب 433 الكارت كان ب 50 جنيه
بس العلبه فيها التالي
هدايا مجانيه
1. جراب
2. حامل للكاميرا
3.محفظ لكروت الذاكره
4.مجموعه تنظيف كامله
هدايا اضافيه داخل العبوه
1. شاحن
2.عدد 2 حجاره قلم قابله للشحن

انا نقلت الكلام زي ما مكتوب علي العلبه بالظبط

---

غريبة فعلا انا سألتهم قالولي لا الكاميرا + جراب فقط ب 433 + حجرين غير قابلين للشحن
عموما يمكن عرض يوم واحد وخلص وشكرا لتعبك معايا

اقتباس:

---

المشاركة الأصلية كتبت بواسطة icehearted girl

قلقوني من فوجي عموما ..وكمان كذا حد ينبه عليا مجبش حاجة ببطارية من دي....هتفرق معايا قدام

---

ربنا يوفقك وتجيبى الكاميرا اللى انتى مقتنعة بيها فعلاً
بس ياريت تقولي لما تشتريها معلومات عنها للإفادة وزيادة المعلومة للجميع
تحياتى لحضرتك

اقتباس:

---

المشاركة الأصلية كتبت بواسطة محمد الجرجاوي

غريبة فعلا انا سألتهم قالولي لا الكاميرا + جراب فقط ب 433 + حجرين غير قابلين للشحن
عموما يمكن عرض يوم واحد وخلص وشكرا لتعبك معايا

---

لا مش عرض يوم واحد ولا حاجه دي العلبه اللي موجوده عندهم عادي بص انا في الشغل بكره من الساعه 10 الصبح لو تحب نتقابل تحت في راديو شاك ونشوف الموضوع مع بعض لو مش هتبقي موجود قله بعد اذنك روح اتاكد من العلبه لانه للعلم ما كانش عارف ان الحاجات دي موجوده جوه العلبه
او اقولك قله وريني العلبه بتاعتها لو سمحت وهتلاقي الكلام دا موجود استكرات ملزوقه علي العلبه
دا رقمي لو تحب تكلمني بكره اتشرف بيك يا باشا
0101749767

صور ليلية لفوجى av100

http://img842.imageshack.us/img842/4791/32788144.jpg



http://img339.imageshack.us/img339/5590/89885275.jpg



http://img824.imageshack.us/img824/7251/49484051.jpg

مبروك عليك وصور ممتازه فعلا...................

انا كنت فكارفور من شهر او اكتر واتفرجت عليها فعلا والراجل شرحلى مميزاتها وكان عليها عرض خصم وسعرها كان 450 او اقل مش فاكر بالظبط
وكنت عامل حسابى انى هجيبها ان شاء الله
مبروك عليك

اقتباس:

---

المشاركة الأصلية كتبت بواسطة hossam_elwani

مبروك عليك وصور ممتازه فعلا...................

---

الله يبارك فيك
شكراً ليك

اقتباس:

---

المشاركة الأصلية كتبت بواسطة akramlail

انا كنت فكارفور من شهر او اكتر واتفرجت عليها فعلا والراجل شرحلى مميزاتها وكان عليها عرض خصم وسعرها كان 450 او اقل مش فاكر بالظبط
وكنت عامل حسابى انى هجيبها ان شاء الله
مبروك عليك

---

الله يبارك فيك شكراً
هى كاميرا مميزة ولو حابب تشتريها توكل على الله