الموضوع: غبور : من اغلى التوكيلات فى مصر ان لم يكن اغلاها مقارنة بفئات سياراته

قطع الغيار تعتبر غالية بس لو هاتشترى من غبور او منافذ البيع بتاعتة
انما قطع غيار هيونداى موجودة فى معظم محلات قطع الغيار وسهل جدا انك تعرف انه اصلى ولا مغشوشة وموجود فى الكاتالوج ازاى اعرف قطعة الغيار الاصلى من الكرتونة برة

المشاركة الأصلية كتبت بواسطة lanos2

و لكن التوكيل فعلا مش مظبوط و قد لمست ذلك بنفسى و اذا كنت حضرتك شغال فى غبور فأنا اسف لكن هذه هى الحقيقة .

ممكن حضرتك تعرض اية المشكلة الية تسبب فيها غبور فى عربية حضرتك

على فكرة التوكيلات كلها كدة لكل العربيات

أولا فعلا قطع غيار غبور مبالغ فيها جدااااا جدااااا
بس اسعار العربيات عند غبور ممتااااااازة و ارخص من كل منافسيها.

ياشباب هل فكر حد بمعرفة الأسعار العالمية لقطع غيار الهيونداي الأصليه ... أنا لاأدافع عن غبور و لكن أنا عندي ألنترا في مصر و في سلطنة عمان و الأسعار في عمان أغلي من عند غبور و كو بلن الألنترا أنا فقط سألت كان 220 ريال أي حو الي 3000 جنية بدون تركيب و سعر تيل الفرامل الأمامي 32 ريال حوالي 450 جنية و ده أسعار أقل من أسعار اللانسر مثلا يعني أنا عايز أقول إن الدنيا و لعت مش غبور أما التقليد فهو هنا رخيص جدا

كلامك صح بس معروف ان الخليج بيغلوا فى الاسعار اكتر من مصر يعنى لو التوكيل فى مصر بيكسب 100% فى الخليج بيكسب 200% علشان فى مصر مفيش وعى بحقوق المستهلك و الناس بتشترى و خلاص و يضحك عليها عادى خالص انما فى اوروبا و امريكا (الدول المحترمة يعنى) الاسعار ارخص كتير علشان الشعوب عندها وعى (طبعا فى دول اوروبية زى انجلترا الاسعار فيها يمكن مرة و نص اسعار بقية الدول علشان الدخل عالى اوى و كمان العملة عالية جدا) اما الخليج فهم زى مصر مفيش وعى بحقوق المستهلك و الناس بتشترى و خلاص برده و بيضحك عليها بس الفرق ان هناك فى فلوس فبيقلبوا زيادة اما هنا قليل.

والعمر الافتراضى بتاعها ماعدش ذى ايام زمان
قطع غيار الهيونداى بقت لا تقل جودة عن مثيلاتها من يابانى والمانى مع فرق الاداء فقط لكن بتأتى متشابهة إلى حد كبير فى العمر الافتراضى المعقول ..ودة سبب زيادة سعرها
يعنى شوف قطع غيار الاكسنت زمان ..كانت بتقعد اد اية ..وشوف قطع غيار الالنترا دلوقتى بتعيش اد اية ...فى تطور و كفاءة لا يمكن تجاهلها
وإن كان دة طبعاً غير مبرر لإلاتفاع المبالغ فية فى سعر القطعة ..لو سألت عليها برة ولقيت إن فى فرق كبير
وبيبقى برضو قدامك الاختيار تجيبها منين ..ودى برضو ميزة

يا سلااام عليك كلام مظبوط جدا و ادى الدليل للمشككين
http://www.autoblog.com/2007/06/06/h...ards-toyota-a/

http://www.autoblog.com/2007/11/21/t...-strong-enemy/

أما بالنسبة لمكونات العربيات معروف ان مفيش شركة بتصنع عربية كاملة (و لا حتى مرسيدس (انا كنت فاكر مرسبدس بتصنع العربية كاملة) و لا اى شركة بتصنع عربيات كاملة) شركات العربيات بتشترى قطع من موردين (بس القطع الاساسية زى الموتور و الفتيس و الكلام دا هى اللى بتصنعه ) , تيوتا و هيونداى كانوا بيشتروا قطع من نفس الموردين فتيوتا بتطلب من موردينها عدم بيع اى قطعة لهيونداى
http://www.autoblog.com/2006/06/17/t...ll-to-hyundai/

فانا مقتنع تماما بجودة هيونداى بس مش مقتنع خالصصص باسعار غبور المبالغ فيها(بالنسبة لقطع الغيار).

لو دي مشكلتك في هيونداي يا سمعه يبقي مفيش مشكله اساسا
نسيت ميزه هيونداي وهي انتشار قطع الغيار بشكل كبير جدا بره التوكيل

لو دي مشكلتك في هيونداي يا سمعه يبقي مفيش مشكله اساسا

لأ انا معنديش مشكلة مع هيونداى اساسا انا بقول بس انى بتقلب مش اكتر زى بقية التوكيلات كلها بتقلب بس غبور مزودها حبتين.

نسيت ميزه هيونداي وهي انتشار قطع الغيار بشكل كبير جدا بره التوكيل

دى يمكن تعتبر ميزة لناس بس بالنسبالى انا بحب ابقى مطمن من الحاجة اللى بشتريها انها مش مغشوشة و لا مضروبة و الكلام دا و خصوصا اننا فى مصر فبالنسبة ليا مفيش بديل عن التوكيل

ياباشا انا عارف ان الحمد لله معندكش مشكله و ربنا يباركلك في سيارتك
و محتجتش قطع غيار باذن الله