الموضوع: أحسن عربية صغيرة ؟

المشاركة الأصلية كتبت بواسطة Axel

طب تمام بص يا باشا طالما هتقسط يبقي الافضل لك تجيب عربية سيدان اكبر من البيكانتو و حلوة

زي الرينو لوجان او شفرولية لانوس او الهيونداي فيرنا

و الاسعار كالآتي :

البيكانتو :
هاف اوبشن مانيوال : 63 الف

فوول اوبشن مانيوال: 66 الف

فوول اوبشن اوتوماتيك : 73 الف

الرينو لوجان :

فاضية مانيوال : 60 الف

هاف اوبشن مانيوال : 66 الف

فوول اوبشن مانيوال : 70 الف

العربية ديه اثبتت نفسها اكتر من اللانوس و الفيرنا لأنها بتجمع بين مميزاتهم لكن مفيش عربية خالية من العيب و هو ان قطع غيارها غالية نسبيا

الشفرولية لانوس :

- اول فئة 69 الف

- تاني فئة 72 الف

الهيونداي فيرنا :
من 69 الف لحد 80 الف بتفرق في الكماليات و فيرنا عادية و لا فيفا


بس هقولك حاجة ع التقسيط اولا التقسيط بيخليك تدفع زيادة و كل ما المقدم زاد كل ما القسط بقي اقل كل شهر
لكن ع مدار السنين هتلاقي نفسك دفعت 7-8 الاف ع حسب النسبة بتاعت البنك و اقل بنك هو كريدي اجريكال

و الحل لمواجهة ده حاجة من الاتنين
في الوقت الحالي في معارض عربيات كتيير يقولك ممكن اقسلطك بيني و بينك لو الملبلغ بسيط و تخليه في خلال سنة بالكتير بس يبيع يعني بالكتيير 6-10 الاف و ممكن ياخد فايدة بسيطة اووي عن البنك و بياخد عليك الضمانات اللازمة
و الفكرة التانية انك تستلف من حد من قرايبك المبلغ المتبقي و تقسطهلهم هم و طبعا مش هيكون بفايدة

جزاك الله خير الجزاء
انت اديتني الموضوع من كذا زاوية

انت بتقول السيدان ممكن تبقى أحسن...طيب إيه الفرق بين السيدان والهاتشباك إلا في الحجم وعدد السي سي؟
وأنا بشكرك مرة تانية