الناس دى هتجننى

**waleedelpiloot** · 12-07-2011 04:42 PM

ندخل فى الموضوع على طول يا رجالة
روحت انهاردة اعمل صيانة ال20 فى ابورواش وانا اصلا عامل 19 لسة
المهم دخلت العربية وعرفت سعر الصيانة الى كلوا سرقة فى سرقة 730 ولاددددددد التيييت قولت ماشى ونزل الاستراحة
شوية وكلمنى بتاع الريسبشن بيقولى حضرتك احنا لاقينا التيل امامى عايز يتغير و دة ب650 بعد الضريبة وكمان فلتر التكيف عايز يتغير ودة ب160
طبعا قولت كلمة وحشة فى سرى وقلتوا لا اعمل بس الصيانة المرة دى
طلعت الريسبش اشوف اية موضوع التيل على 20 دة هوة تيل توكتوك دخلنى المهندس الورشة وورانى الفلتر حاجة كدة سودة وانا اصلالالالالالالالا مش بشغل تكيف ولما بشفل ببقى دايس على زرار الى مش بيجب هوة من برة المهم قالى دة ممكن ننضفوا وعادى قولتلوا ماشى
قالى باة والتيل فكهولى وفعلا خلصان ازااى انا مش عارف يقولى ممكن تكون بتمشى فى زحمة قولتلوا دة كل مشوارى دائرى محور كورنيش كلوا سريع واول ما اقف فى حتة زحمة بجيب على N عشان ما اتقلش على التيل
قالى مش عارف بس هوة حسب استخدامك بقى ةمش هيكمل معاك 1000 كمان عشان هيدخل على طنابير

قلتلوا طيب خليها بعدين وبعد كدة طالعين من الورشة قولتوا انا هعمل التيل برة ومش هدفع 650 فية حرااااااام قالى بس كدة هطلع طنابير برة ضمان سالتوا ضمان الطنابير قد اية قالى 20 الف
قولتوا يعنى انتا مكدرنى جنبك من الصبح وبعد كدة طنابير اخرها 20 طب ما كدة كدة خرجت برة الضمان وفى حالتين ركبت برو زباظ انا هدفع او ركبت عندكوا وباظ انا بردوا هدفع سكت ما رديش
قولتوا هوة انا بكلم نفسى بلظبط عمل كدة قومن قاليوا سلام عليكوا ومشيت

حاجة اخيرها اقولها عشان تعرفوا انو دول عالم نصابين بيقولى التيل ب550 و100 مصنعية قولتوا ما انتوا واخدين 180 مصنعية فى الصيانة قالى لا حضرتك مصنعية الصيانة لوحدها وتغير حاجة لوحدها

معلش طولت عليكوا بس انا بجد مش طايقهم وعمال من ساعتها ادعى عليهم

قولولى بقى اجيب منين التيل الاورجينال بتاعها وبيعموا كام وشكرا ليكوااا

**waleedelpiloot** · 12-07-2011 04:51 PM

حاجة كمان معلش عايو اقولها يلعن ابو الكورى على كوريا ذات نفسها وعلى حاجتها الى ما بتعش
دة انا مغير التيل فى النيسان على 45 الف واتوماتيك وب350 جنية مش 650 وهارييها مش راحمها مش زى دى الى بحسس عيها والله
ونيسان بتاعة ابويا دلوقتى 60 الف مانيول ولسة ماغيرس تيل

**Ahmed.Ali** · 12-07-2011 05:02 PM

المشاركة الأصلية كتبت بواسطة waleedelpiloot

حاجة كمان معلش عايو اقولها يلعن ابو الكورى على كوريا ذات نفسها وعلى حاجتها الى ما بتعش
دة انا مغير التيل فى النيسان على 45 الف واتوماتيك وب350 جنية مش 650 وهارييها مش راحمها مش زى دى الى بحسس عيها والله
ونيسان بتاعة ابويا دلوقتى 60 الف مانيول ولسة ماغيرس تيل

بغض النظر عن الكوري و الياباني لا يمكن بأي حال من الاحوال تقارن بين سعر قطع غيار عربيه بقالها 10 سنين بتمشي في الشوارع بعربيه بقالها سنه مهو لازم يبقي في فرق في السعر

**Atrees** · 12-07-2011 05:54 PM

الاتوماتيك بياكل تيل اسرع من المانيوال - انا غيرت الطنابير والتيل في ال 20 الف

**salodas** · 12-07-2011 06:15 PM

الله يعينك وحد من الشباب ينصحك بأفضل مكان تشترى منه

**waleedelpiloot** · 12-07-2011 07:05 PM

المشاركة الأصلية كتبت بواسطة Ahmed.Ali

بغض النظر عن الكوري و الياباني لا يمكن بأي حال من الاحوال تقارن بين سعر قطع غيار عربيه بقالها 10 سنين بتمشي في الشوارع بعربيه بقالها سنه مهو لازم يبقي في فرق في السعر

10 سنين ازاى بس دول ال2 نيسان موديل 2006 والسيراتو 2010
وبعدين بلعقل كدة مفروض مين الى يبقى قطع غياروا اغلى يابانى ولا كورى؟؟؟؟؟

**waleedelpiloot** · 12-07-2011 07:06 PM

المشاركة الأصلية كتبت بواسطة Atrees

الاتوماتيك بياكل تيل اسرع من المانيوال - انا غيرت الطنابير والتيل في ال 20 الف

تيل وطنابير على 20 يا عتريس

عمااااااااااااااااااااااا اااار يا كوريا

**waleedelpiloot** · 12-07-2011 07:07 PM

المشاركة الأصلية كتبت بواسطة salodas

الله يعينك وحد من الشباب ينصحك بأفضل مكان تشترى منه

شكرا لحضرتك وانا منتظر اهوة حد يدخل يقولى عشان انزل اشترى واخلص من قصة دى ان شاء الله

**Ahmed.Ali** · 12-07-2011 07:19 PM

المشاركة الأصلية كتبت بواسطة waleedelpiloot

10 سنين ازاى بس دول ال2 نيسان موديل 2006 والسيراتو 2010
وبعدين بلعقل كدة مفروض مين الى يبقى قطع غياروا اغلى يابانى ولا كورى؟؟؟؟؟

مش نفس موديل النيسان الي بتتصنع في مصر بدا 2005 تقريبا يبقي 7 سنين عدي 10 دي
في لو قطعه غيار بتتباع بقالها 7 سنين اكيد ارخص ولا ايه؟
ملهاش دعوا ببلد المنشأ لان التيل بالذات من الصناعات المغذيه مش نيسان ولا كيا هي الي بتعمله دي بتشتريه من شركه تانيه

**subzero_freez** · 12-07-2011 08:07 PM

التوكيل بتاع ابو رواش ده , جابين شويه ........ بيخلوهم يستقبلوا العملاء , قمه فى البرود و السخافه

الموضوع: الناس دى هتجننى

LinkBack

أدوات الموضوع

عرض

-

-

-

المواضيع المتشابهه

المونديو هتجننى

الناس اللى بتسال ليه الناس لسه بتنزل التحرير , هما فاضيين و لا ايه

شوفو الناس المحترمة الى بتحترم انسانية الناس عندهم سحب جيتا 977

الطابعة هتجننى

الكلمات الدلالية لهذا الموضوع

المفضلات

المفضلات

ضوابط المشاركة