-
جين تو ولا اكسنت rb
كنت مستنى الالنترا الجديدة تنزل عشان اشتريها لكن بعد ما نزلت بالسعر دوة من انكل غبور طيب الله ثراه صرفت نظر
خاصة وانى هاركب اتوماتيك مش هاجيب مانيوال خالص
فمحتار حاليا بجد يا جماعة بين الاكسنت اربي ولا جين تو وناس بتقولي النيسان الصني معاهم
انا معايا 92000 وممكن ازود لحد 101000 الف عشان الاربي لوهجيبها
الاربي اتوماتيك اول فئة بس مفيهاش اير باج ولااAbs ولا ملتى فانكشن للطارة ولا سينسور بارك ولا جنوط
هية تكييف سنتر باور زجاج كهرباء اتوماتيك الفتيس ستريبتونيك 4 سرعات كاسيت cd الاصلي بس
الجين تو حدث ولا حرج عن الاوبشن اللى فيها كلكم عارفينها طبعا غير ان سعرها اقل من الاكسنت
الصني انا حاسس انها عواجيزي شوية فى الشكل وحتة استهلاك البنزين مقلقاني بردوا شوية
فياريت تفيدونى بجد برايكم عشان فعلا زهقت وعاوز اشتري فعلا
-
السلام عليكم
فرق السعر و الامكانيات لصالح جين 2 طبعا , حرام تدفع المبلغ دة كله فى عربية فاضية من وسائل الامان و بالتوفيق فى الاختيار ان شاء الله
-
نفس الحيره اللي انا واقع فيها , بس الحمد لله استقريت علي الجين 2 لان بصراحه اسعار هيونداي بقي مبالغ
فيها جدا مع المقارنه بالكماليات
-
انا ممكن اجيب الاكسنت في حالة واحدة يس
لو عايز عربية ناعمة جدا في الموتور والعفشة
-
باشا الامان اولا الجين تو احسن وشبابية
-
اكسنت ار بي بس حاول تجيب الفئه اللي فيها abs
-
جين 2 بدون منافس طبعا
أنا كنت زيك واستقريت عليها وحجزتها وهستلمها باذن الله أول الشهر :))
-
tayb check Persona elegance, it looks very nice and sedan too
-
-
اللى تلاقيه بيهاجم هيونداى حاجة من الاتنين يأما عاوز يقول ان عربيته احسن عربية يأما ان بيحط اساسه على موديل السيارة القديم يأما يقول دى كورى.
اللى بيقول انى عربيته احسن عربية 1- بعض الناس اللى معاها الصنى انا هقول بعض عيوبها تكنولوجيا ماتور من 7 سنين ادى الى ارتفاع استهلاك البنزين و صوت المحرك العالى , تقفيل مصرى تظهر فى الازاز و الكهرباء و الابواب , شكل كلاسكى لا يتناسب مع اشكال سيارات العصر , ضيق الكنبة الخلفية و قصر قاعدة العجلات مما يبعد طوال القامة عن اقتناء السيارة , برغم من طول السيارة ولكن لا تعتبر سيارة منافسة لمثيلتها من الطول مثل اوبترا و النترا الشكل القديم و سيراتو , توافر عفشة ناشفة بها يؤدى الى عدم راحة الركاب فى الخلف , . مميزتها سيارة مقابل المال , وجود بعض وسائل الأمان , التوكيل . 2- بريسونا و GEN2 تقفيل سئ يوجد فى الmultifunction و الازاز الكهرباء و بعض مظاهر التقفيل , بور ثقيل مما يؤدى الا عدم راحة السائق , صوت المحرك العالى , استهلاك بنزين عالى جدا , عدم توافر قطع الغيار , صعوبة بيع السيارة بعد فترة من الزمان , وجود نفس مشكلة الصنى ضيق الكنبة الخلفية , توكيل سئ السمعة . مميزتها سيارة مقابل المال , ثبات عالى , توافر وسائل الامان , صاج عريض , كماليات زائدة.
نيجى بقا للناس اللى بتحط اساسها على اساس الموديلات السابقة 1- اكسنتRB و اكسنت الشكل القديم يقولون: ثبات قليل , نسبة تنطيط بالخلف , فرامل سيئة , ضيقة من الخلف , صاج خفيف . لا احب ارد : ثبات زائد بشكل ملحوظ و بكثير , اختفت نسبة التنطيط , بل زادة قوة الفرامل رغم عدم توافر الABS , زاد طول وعرض و قاعدة العجلات ادى الى اتساع الكنبة الخلفية و الحقيبة الخلفية للسيارة و ازدياد بعض الكماليات و الاساسيات مثل زيادة قوة المحرك الى 124 حصانا و 157 نيوتن و انخفاض استهلاك البنزين بسبب نظام الeco , وجود اشرات بالمريات الجانبية , وجود كمبيوتر رحلات , وجود باور كهرباء , وجد تسجيل cd كبير الحجم مزود بusb و aux .
نيجى برده لناس اللى تقول ده كورى هقول حاجة بسيطة هو حضرتكوا عاوزيين الصغير يفضل صغير والكبير يفضل كبير . شركة و قدرت تتفوق لا ازاى دى تحصل لا لازم نقولها لا خليك و تبطى ويفضلى مكانك و نقولها انت نسيتى نفسك عاوزة تنافسى اوبل و تويوتا و نيسان انت اتعبطى . شركة قدرت تعمل حاجة كويسة و نظيفة خلاص جزاها الله خير. لازم بقا تنافس عشان تأكل عيش و نسيبها فى حلها . انا اسف انى طولت بس لازم اكلم بحق . و كل عام و انتم بخير
العضو :ahmedrb
Content Relevant URLs by
vBSEO 3.6.0 PL2