اولا اشكراك علي النصيحة لأن فعلا في ناس كتيير متهورة شوية و انا ساعات منهم لكن في وقت الشدة هههههه
و الواحد ياما بينصح
و مش بيتعظوا بالرغم من الحوادث اللي بيشوفها قدام عينيهم بتحصل بسبب السرعة
لكن لكن لا حياة لمن تنادي
بس تسمحلي اعلق
السرعة شيء رائع وممتع، ومحدش فينا مبيحباش، ولأن الدنيا بتطور بسرعة جداً، فمن الصعب إننا نقارن سيارة من إنتاج سنة 2010 بسيارة من إنتاج عشرين سنة فاتت مثلاً، لأن الفرق أكيد هيبقى كبير قوي.
وطبعاً سيارات كتير اليومين دول تقدر - بسهولة - توصل لسرعات عالية وكبيرة.
ولكن .. فيه 10 أسباب تخليك ما تعديش سرعة 100 كم/ساعة وإنت مسافر، أو على الطرق السريعة، خصوصاً في "مصر"
مع انى مبلتزمش خالص بالكلام ده بس
هقولكوا برضواا
وده عشان:-
1- مفيش طريق واحد في "مصر" مهما كانت جودته بالمواصفات اللي تخليك تعدي الـ 100 كم/ساعة وإنت مطمن إنك مش هتلاقي ظواهر مفاجئة على الطريق، حتى "المحور" بعد الإصلاح زحمة والرادار شغااااااال عليه وبس.
لأ فيه يا ريس و منهم طريق العين السخنة لكن الاغلب فعلا لا يصلح مش شرط بسبب الطريق لكن بسبب الناس اللي حواليك
2- 100 كم/ساعة سرعة قياسية جداً وبتحافظ على السيارة، وكمان لو عايز توفر في البنزين خليك محافظ عليها وإنت مسافر، لأن فوق الـ 100 الإستهلاك بيكون الضعف، والبنزين غالي اليومين دول.
اكيد يا ريس لأن كل ما حرقت كل نا الاستهلاك زاد و مون كل شوية هههههه
البنزين عايز ميزانية لوحده
3- ربنا يسترها دايماً، بس لو حصل أي حاجة مفاجئة في أي عجلة بالعربية تقدر وإنت على سرعة 100 إنك تسيطر عليها بسهولة وبدون ما تسبب رعب ليك وللي معاك.
اتفق معاك
4- لو عندك مثبت سرعة، تبقى اشتريت راحة بالك، ثبت السرعة عند 100 كم/ساعة وإنت مسافر، مش هتحتاج كل شوية تهدي السرعة، وكمان هتريح رجلك.
لا لا لا لالا انسي مثبت السرعة ده نهائي الكلام ده لو انت في مكان الناس بتمشي في حاراتها و ع سرعة واحدة انما هنا كل شوية اللي يهيد فجأة بدون سبب
او فجأة تلاقي عربية كارو معدية الطريق السريع
او شوية بقر و جواميس و احيانا جمال
و الناس اللي بتحب تلعب اكروبات في تعدية الصحراوي هههههه
انسي من الاخر عشان مش عايز اعقدك
5- لو سيارتك "مانيوال" هتريح بالك، لأنك مش كل شوية هتنقل في السرعات، يعني هتريح السيارة وناقل الحركة وإيديك.
حضرتك تقصد اوتوماتيك مش مانيوال
6- عند 100 كم/ساعة بالك هيكون مرتاح، يعني تقدر تسمع موسيقى هادئة، أو لو حد معاك تتكلم معاه بهدوء، لأنك فوق الـ 100 محتاج تركز أكتر مع الطريق.
هنا صدقني حتي لو ع سرعة 40 لازم برده تركز متنساش بما يحيط بيك
7- معظم السيارات مش بتكون ثابتة على الطريق فوق الـ 100، يعني بتكون ماشية على الهواء تقريباً ودي حاجة مش آمنة طبعاً.
اتفق لكن اغلب الجديد الايرودناميك بتاعه عالي في الثبات
اكتر من القديم
8- التباطؤ المفاجىء من 100 كم إلى صفر، بيكون سهل، يعني عند استعمال الفرامل بطريقة مفاجئة ما بيبقاش فيه خطورة، وبتكون الفرامل سريعة لو إحتجتها لأي ظرف طارىء " حد كسر عليك، حد وقف فجأة".
معاك
بس الاي بي اس هيكون افضل لو وقفت فجأة لأن العربية بدون اي بي اس محتاجة تحكم اكتر لأن العربية بترمي شمال و يمين
9- عند سرعة 100 كم أعصابك هتكون أهدى وبالك مستريح، يعني لو مسافر أجازة هتبدأ الأجازة فور وصولك بالسلامة، ولو مسافر شغل برضه هتبدأ شغل على طول، مش هتحتاج تستريح وقت أطول، يعني هتوفر وقت كبير.
معاك
10- آخر حاجة إن 100 كم/ساعة رقم كبير زمان، كان من الصعب الوصول إليه، يعني إحنا في نعمة وبلاش طمع.
معاك اوي
كان يوم لما يوصلوا لسرعة 80 كان الواد طاير و لا الصاروخ ههههههههه
،،،
أكيد كمان فيه أسباب تانية متقلتش .. اللي يحب يضيف حاجة يضيفها
اعتقد مفيش حاجة تانية غير اللي قولته
و لو في يا ريت حد يقول :)
و شكرا يا ريس ع الموضوع و متزعلش مني في بعض التعليقات بس بقولك اللي شايفه من وجهة نظري
المفضلات