الموضوع: مشكلة الريداتير إتحلت و بالصور كمان

المشاركة الأصلية كتبت بواسطة Akram

انا كانت عندي مشكلة في الريداتير خلى العربية تسخن , و لقيت الفبرة بتاعت الريداتير بدأت تتكسر و بتعمل تسريب للمياه ,
و كنت كتبت الموضوع ده و طلبت المشورة و دا اللينك الخاص بالموضوع ده
http://www.nilemotors.net/Nile/showt...CF%C7%CA%ED%D1
المهم رحت لبتاع الريداتير اللي قال عليه العضو lanos2 و هو اسمه الشيخ أشرف وورشته في ش الوفاء و الأمل في الهرم ,
المهم الراجل فك الريداتير و قاللي لازم أغير الفبرة , و قلتله على موضوع تغييرها بنحاس بدل الفبر لكن هو قاللي ان النحاس بيتفاعل من الألومنيوم الخاص بالريداتير و ده بيقصر عمر الريداتير و ممكن أضطر أغير الريداتير كله بعد فترة و أفضل حاجة الفبرة و كمان النحاس بيسخن على طول و بيفضل محتفظ بالحرارة لفترة غير الفبر مبيحتفش بالحرارة ,
طيب يا أسطى أشرف أجيب الفبرة دي منين ,
قاللي مش هتلاقي الأصلي منها غير إستيراد و الجديد بيبقى صيني بس معقولة و هو مجربها كتير ,
قلتله علشان كده انا لما سألت عليها محلات قطع الغيار ملقتهاش ,
قاللي في عنده الفبرة الصيني بـ 50ج و مصنعية تركيبها مع غسيل الريداتير 30ج
قلتله خلاص إشتغل , و هو عمل القصة دي و بصراحة شغله نضيف ,
و موجود صورة الفبرة القديمة و الجديدة.

الحمد لله انك حليت مشكلتك اخيرا و اعتقد ان الفيبرة و المصنعية ثمنهم معقول جدا و اكيد شكلها اقرب الى الاصلى من النحاس بس الغريب فى الموضوع كلامه عن النحاس رغم انى ركبته عنده و عامل به حتى الا 70000 كيلو بدون اى مشاكل يبدو ان موضوع ارتفاع اسعار الحديد له تأثير فى هذا الكلام و الله اعلم .
ربنا يخليلنا الصين الفيبرا تشوفها تقول اصلى سبحان الله