بلاش ميشلان صوته عالي رغم انه الكاوتش الاول في العالم
ثاني واحد في العالم هو بريدجستون
عرض للطباعة
بلاش ميشلان صوته عالي رغم انه الكاوتش الاول في العالم
ثاني واحد في العالم هو بريدجستون
الاسعار فعلا زادت انا كنت بظبط النيتروجين من يومين فقولت اسأل على الكاوتش لان فى واحد بيفتى كان قلى الكازتش اخره 3 سنين لكن فى بريدجستون قالى 4 سنين من تاريخ الصنع المهم البريدجستون اليابانى ب 580 والتورانز دى تقريبا ب 600 وقالى فى حاجة كمان اقل شوية ب 507
واعرف كمان ان الهانكوك ب 450
لو على كلام ال 4 سنين ده -اكيد حبقى محصلتش الكيلو المفروض- قدامى سنة على تغيير الكاوتش بس برضه مش عارفة حغير ايه لانى بمشى جوه البلد بس فمتهيقلى مش ضرورى تجيب حاجة غالية قولت الهانكوك كويس لكن قالى فى بريدجستون ان صوتها عالى فمحتارة بصراحة
الاهم بقى انى مش عارفة فعلا اغير صحيح بعد 4 سنين ولا اطنش لان جوز اختى مثلا لسه مكتشفة انه بقاله حوالى 10 سنين مثلا مغيرش والحجة انه بيمشى قليل بالعربية وبيقولى الكاوتش كويس ومعاه اوبل
ياريت تنصحونى بالصح
حمد الله على السلامة يا استاذة هبة بقالك كثير مختفية
بصي يا فندم الكاوتش المفروض يتغير كل 4 سنين او 50 الف كيلو و ناس ثانية بتقول كل 45 الف او 3 سنين انا برجح ال4 سنين او 50 الف
بالنسبة لنوع الكاوتش مينفعش نقعد نقول الهانكوك و البريدجستون و الكلام ده بس لكن اهم من ده كلوا اننا نعرف اسم النقشو و نشوف reviews ليها على النت زي ما عملت في عربية والدي
موضوع الصوت العالي او الواطي او الفردو المكلبشة في الارض او اللي تحسيها سايبة خالص ده بيبقى على حسب النقشة نفسها عاملة بالظبط زي اي جزمة ممكن تشتري واحد تزحلقك علشان نعلها مش كويس و ممكن تشتري واحدة ثانية مريحة و ماسكة نفسها و كدة
الهانكوك في العموم كويس بس طبعا البريدجستون لا يعلى عليه في بعض الموديلات زي التورانزا مثلا مش طبيعي في عربية الوالد اشتريت جود يير نقشة اسمها Dura Grip و دي ما شاء الله هادية و ماسكة نفسها و استقريت عليها بعد ما شفت الreviews بتاعتها على النت و مقارنتها باللي كان متاح ساعتها مع اخذ السعر في الاعتبار
بالنسبة لجوز اختك فاللي عامله ده خطر جدا لأن الكاوتش ممكن يبقى ظاهريا شكله كويس لكن من جوة يبقى متبهدل جدا و لو احتاج يفرمل جامد على سرعة عالية لا قدر الله هيعرف فرق الكاوتش الجديد من المتهالك اللي بقالوا 10 سنين على الارض
ده لو تاريخ انتاج الكاوتش متأخر و ملمسش الارض الواحد مبيجبوش مبالك باللي شايل العربية 10 سنين و عربية ثقيلة زي الاوبل
الكاوتش ملوش تاريخ صلاحية محدد او رسمى... الدراسة اللى اتعملت فى امريكا قالت ان 86% من حوادث الطرق اللى حصلت بسبب الكاوتش كان العربيات اللى حصلها الحادث فيها كاوتش عمرة اكتر من 6 سنوات
MMamdouh