الموضوع: أفضل كاوتش للوجان

المشاركة الأصلية كتبت بواسطة د.أحمد عبد الرحمن

فعلا يا باشا انا ركبت بريدجستون تورانزا GR90 بعد الثورة على طول وعملت بيه 10000 كيلو

الفردة كانت عاملة 520 وسالت عليها من يومين لقيتها عدت ال 600 جنيه !!!!

على الرغم من انه يعتبر احدث واحسن كاوتش بريدجستون في العالم وبيتغنوا بنعومته وراحته انما معجبنيش بعد ال 140-150

بسبب النعومة بلاقي مع الرياح العربية بتغير من حارتها رغم ضبط الزوايا والترصيص

لو عايز نصيحتي ركب ال bridgestone my01 تعتبر sport tourer
يعني بتاخد مميزات راحة turanza ومن غير ما تدخل على نشوفية الكاوتش الرياضي بتاع potenza

ال My01 وانا بركب التورانزا كان عامل 400 جنيه سالت عليه من يومين لقيته عدى ال 500 وعيبه انه بيلم حصى من الارض على حسب كلام كريم منير فممكن تحس بتكتكة لو بتمشي على حتت فيها زلط صغير


ولا اقولك لو عايز التورانزا ابيعلك اللي عندي واجيب انا ال my01

تسلم إيدك يا دكتور على المعلومات القيمه ولكن ال My 01 مفيش منها 185 أقل حاجه 195 وده حسب موقع بريدجستون.

المشاركة الأصلية كتبت بواسطة د.أحمد عبد الرحمن

صح ساعتها الواحد يركب 195/60 تقريبا نفس الارتفاع نص سنتي ارتفاع اقل

لما حتكون سايق العداد مديلك 100 كيلو حتبقى سايق على 99 كيلو
مقبول التعديل طالما الفرق اقل من 4%

ألف شكر يا دكتور على المعلومه الحلوه دي وإن كنت شخصيا مش من هواة تغيير مقاس الكاوتش ولكن لك مني كل تحيه.