مش قلت لك يا اكسيل قبل كده
انت فنان واستاذ كبيررررررر
رقم العضوية : 41844
تاريخ التسجيل : 04Jun2009
المشاركات : 8,706
النوع : ذكر
الاقامة : في بيتنا
السيارة: هوندا سيفيك / بي ام دبليو 316i
السيارة[2]: سوزوكي التو / رينو لوجان
دراجة بخارية: جاية في الطريق
الحالة :
بسم الله الرحمن الرحيم
السلام عليكم و رحمة الله و بركاته
هاو اريون جميعا
( اسمها who r u يا جاهل يعني عاملين ايه ... عليا النعمة ما في حد جاهل غيرك )
بعد غياب اجزاء سلسلة تعالوا نعرف عن القسم التعليمي
و كانت في قسم السوزوكي
تعالوا نعرف مميزات و عيوب السوزوكي ماروتي
http://www.nilemotors.net/Nile/229742-a.html
تعالوا نعرف مميزات و عيوب السوزوكي التو
http://www.nilemotors.net/Nile/224984-a.html
تعالوا نعرف مميزات و عيوب السوزوكي سيلاريو
http://www.nilemotors.net/Nile/230408-a.html
اقدملكم انهاردة جزء جديد من سلسلة تعالوا نعرف في القسم التعليمي اللي عارف اني زهقتكم بيها معلش هي سلسلة طويلة شوية يعني تقدروا تقولوا ملهاش نهاية ههههه
و ضميري مازال راشق لكن عشان قرفان من اللي بيحصل في البلد فبينتقم فيا انا الواطي
( مين اللي واطي يا..... اخرس يا زفت مش من اولها طب اصبر لما ندخل في الموضوع شوية )
المهم سيبكم من الجاهل ده و خليكوا معايا
نبتدي ع بركة الله
طبعا كلنا اول ما نجيب العربية بنلاقي نورها ما شاء الله و لا الزينون في زمانه
و بعدين نلاقي النور ابتدي يقل يقل و المشكلة ان الكهربا مفيهاش حاجة و اللمبات لسه جديدة نوفي
و بيتضح ان السبب ان وش الفانوس او الفوجات ( سواء بلاستيك او ازاز.. غالبا بلاستيك ) مصفر و لونه غامق مش بيلمع زي زمان و مخلي الاضاءة تيت ( قولهم يغيروا كتاوت ....اولا اسمه كات اوت ثانيا اسكت )
فعشان نرجع وش الفانوس او الفوج لسابق عصر و اوانه فيه اكتر من طريقة
و انا عن نفسي استخدمت طريقة من الطرق ديه و منهم اصحابي استخدموها و كانت النتيجة مرعبة
و فيه طرق جربناها تانية قولنا نجرب ( منها معجون اسنان و منها ...و منها... ..الخ..الخ ) و فشلت فشل ذريع
فخلونا في اللي نجح بقي
بس انا مش مسئول عن فواتير المية اللي هتدفع ( كوع يا حلو كوع .... و انا مالي يا عم هو انا قولتلهم ينضفوه بالعافية )
و فهرس الموضوع كالآتي
اولا : تنضيف الوش من برة بس
ثانيا : تنضيف الفانوس جوة و برة
اولا : تنضيف الوش من برة بس سواء فانوس او فوجات
و عندنا طريقتين
الطريقة الأولي : الطريقة اليدوية المتعبة شوية
الطريقة التانية : الطريقة الشبه يدوية لكن اسرع
و هنا ممكن تنضف الفانوس و هو راكب لكن لو حاسس انك هتضايق و هتبقي متكتف ممكن تفكه و فكه بسيط هتشيل اللمبات و السلك و تفك المسامير المهم بس تكون عارف تحطهم ازاي تاني هههههه
الطريقة الأولي : الطريقة اليدوية المتعبة شوية
ادواتها :
-حتة ورق صنفرة ناعم (رقم -1000 او -1500 و رقم -2000 عشان دول ناعمين) او رملة ناعمة
- فوطة
- مية كتييييير خرطوم مية من الاخر او من الحنفية عالطول بقي لو هتفك الوش هههه
- و ممكن جلانس لو عندك مش عندك خلاص المية هتقوم بالواجب برده
- و ممكن تستخدم بلاستيك بولش و ده هتلاقيه كالمعتاد كارفور او سبنس او اي مكان بيبعهم
1- هتاخد الفوطة و تبلها حاجة بسيطة و تقعد تدعك في وش الفانوس بعد ما تخلص
2- هتجيب ورقة الصنفرة اللي هي -1000 او -1500 و تنقعها في المية و بعدين تاخدها و تفضل تدعك في الفانوس واحدة واحدة و اهم حاجة و انت بتدعك المية تفضل نازلة ع الفانوس عشان الفانوس ميتجرحش منك جامد
3- هتلاقي الصفار اللي علي الوش ابتدي يروح انقع ورق الصنفرة اللي هو بقي رقم -2000 عشان انعم من الــ1000 او 1500 و تنقه في المية برده و تديها برده ع الوش و المية نازلة برده
( يا مطرة رخي رخي ع قرعة مستر أكسلتي ... يا مطرة رخي رخي ع ضميري اللي قارفني )
و الرملة طبعا نفس الموضوع
4- هتلاقي االفانوس بقي انضف من الصيني بعد غسيله عايز بقي ترش جلانس و تنضف رش عايز بمية بس و تنضف نضف
و ممكن تستخدم البلاستيك بولش اللي قولت عليه بعد ما الصنفرة و تدعك بقي بس الكلام ده لو مستعصية اوي يعني الصفار اللي علي الوش
بس كده الطريقة الأولي نضفت وش الفانوس او الفوج في 4 خطوات
( كداب نسيت اخر خطوة و مرضتش ترقمها و بتضحك ع الناس .....اسككككككككككككككت يا غبي )
الطريقة التانية : الطريقة الشبه يدوية لكن اسرع
ادواتها :
- مكنة البولش العادية او الشنيور و تركب فيه الفرشة بتاعت المكنة ( اوعي تركب بوطنة و تقولي انت السبب ههههه ) احنا هنستخدمه شعان نلف بس
-بلاستيك بولش
-مية بس مش كتيير
- فوطة بس مش الفوطة البرتقالي فوطة تكون خشنة شوية
1- هتجيب البولش و تحط كام حتة ع الفرشة بتاعت المكنة او الفرشة اللي مركبينها ع الشنيور او تحطها ع الوش عالطول و توزعها ع وش الفانوس او الفوج
2- هتشغل المكنة او الشنيور و تفضل شغال بيهم ع الوش كله لحد ما تلاقيه نضف
3- هتجيب الفوطة و حتة بولش صغيرة و تكمل دعك في الوش و بعدين بحتة من الفوطة ميكونش عليها بولش و تنضف كويس و في الاخر بقي المية تنضف بيها الوش و شوف الفرق و ادعيلي
في حالات بقي متكونش مستعصية اوي ممكن بمكنة البولش او فرشة المكنة اللي مركبينها في الشنيور و اديها في الوش كله بس هتاخد معاك وقت و ممكن متدكش النتيجة المطلوبة اوي زي اللي قولناهم
بس كده يا شباب ديه الطريقتين عشان ننضف الوش الخارجي فقط للفانوس او الفوج
( انا اللي قايله عليها ع فكرة ..... محدش هيصدقك هع هع هع )
-----------------------------------------------------
ثانيا : تنضيف الفانوس جوة و برة
هنا بقي هتفك الفانوس هتفك الفانوس لا محل و لا مفر ( و لا بد و كان و اخواتها و ان و اخواتها..... اسكت ياض انا مصدقت اخلص من النحو تطلعلي انت )
هتشيل اللمبات و السلك و تفك المسامير
و هنفرق هنا بقي بين حالتين
الحالة الاولي : لو عايز تنضف الوش البلاستيك من برة و جوة بنفس الطريقة اللي فاتت
الحالة التانية : لو عايز هتنضف الوش من برة بنفس الطريقة اللي فاتت و من جوة بطريقة عادية
الحالة الأولي : لو عايز تنضف الوش البلاستيك من برة و جوة بنفس الطريقة اللي فاتت
هنا بقي هتضطر بعد ما تفك الفانوس انك تسيح اللحام
و تسييح اللحام بطريقة من تلاتة بالسيشوار او في الفرن او بجهاز كده بيطلع ضغط هوا سخن بيستخدموه في تصليح الالكترونيات عشان يفكوا اللحام
و انا لا افضل الفرن اساسا
1- نسيح اللحام اللي بين الفانوس و الوش
2- ناخد الوش ننضفه بطريقة من الطرق اللي قولناها فوق
3- الفانوس بمية و صابون و حتة فوطة
4- بعد ما تنضف الوش و الفانوس تسيبهم في الشمس لحد ما ينشفوا نهائيا
5- و بعد ما نشفوا تجيب لحام ( سيليكون ) و تلزق الوش في الفانوس تاني
6- تركب الفانوس
الحالة التانية : لو عايز هتنضف الوش من برة بنفس الطريقة اللي فاتت و من جوة بطريقة عادية
1- هتفك برده الفانوس
2- تنضفه من برة الوش زي مقولنا برده بطريقة من الطريقتين اللي فوق
3- بعدين مية و صابون جوة الفانوس و ترج ترج و بعدين بمية نضيفة و ترج و تنزلها و تحط تاني لحد ما الصابون يروح
4- برده تسيبه في الشمس ينشف و بعد ما ينشف ترجع تركبه تاني
و اللي فات زي ما بينطبق علي الفوانيس الامامية بينطبق علي الفوجات برده
و اعتذر عن عدم توافر الصور
و اتمني ان الموضوع يحوذ ع اعجابكم و تجربوا و تقوليلي ايه الاخبار معاكم بس اهم حاجة الذمة و الضمير ( مين بينده ...انت لسه هنا طرااااااخ .....اه يا قفايا ماشي يا اكسل بتتحامي في الاعضاء )
و انتظروا ان شاء الله باقي السلسلة لكن مش في القسم التعليمي فقط ممكن تكون في اي قسم انتوا و حظكم بقي
و بالتوفيق للجميع ان شاء الله
الموضوع غير منقول
رقم العضوية : 75471
تاريخ التسجيل : 15Jul2010
المشاركات : 278
النوع : ذكر
الاقامة : CAIRO NASR CITY
السيارة: fiat 128
السيارة[2]: fiat 127
دراجة بخارية: لا
الحالة :
مش قلت لك يا اكسيل قبل كده
انت فنان واستاذ كبيررررررر
adelmof40
رقم العضوية : 41844
تاريخ التسجيل : 04Jun2009
المشاركات : 8,706
النوع : ذكر
الاقامة : في بيتنا
السيارة: هوندا سيفيك / بي ام دبليو 316i
السيارة[2]: سوزوكي التو / رينو لوجان
دراجة بخارية: جاية في الطريق
الحالة :
رقم العضوية : 13619
تاريخ التسجيل : 26Jun2008
المشاركات : 2,709
النوع : ذكر
الاقامة : Nasr City
السيارة: Verna 2014 AT
السيارة[2]: Verna 1.6 2007
الحالة :
فنااااااااااااان وجيت فى وقتك عشان عندى فانوس ادام قلب اصفر
الظاهر كدة حعمله بس لو باظ برضو مش حعرف اعملك حاجة
دا كفاية اللون البرتقانى الى انت كاتب بيه هههههههه
سبحان الله وبحمده سبحان الله العظيم
لا تظلمن إذا ما كنت مقتدرا --------- فالظلم يرجع عقباه الى الندم
تنام عينك والمظلوم منتبه --------- يدعو عليك وعين الله لم تنم
رقم العضوية : 41844
تاريخ التسجيل : 04Jun2009
المشاركات : 8,706
النوع : ذكر
الاقامة : في بيتنا
السيارة: هوندا سيفيك / بي ام دبليو 316i
السيارة[2]: سوزوكي التو / رينو لوجان
دراجة بخارية: جاية في الطريق
الحالة :
هههههههههه اهم حاجة بس لو هتستخدم الصنفرة المية تفضل نازلة علي ايدك و الفانوس و ورقة الصنفرة و الصنفرة تكون منقوعة اساسا في المية و واحدة واحدة عشان متقوليش انت اللي قتلت بابايا ...احم قصدي... انت اللي بوظتلي وش الفانوس ههههههههه
و بلاش تجيب سيرته بدل ما تلاقيه طالعلك ده ضميري و انا عارفه ههههههه
رقم العضوية : 41844
تاريخ التسجيل : 04Jun2009
المشاركات : 8,706
النوع : ذكر
الاقامة : في بيتنا
السيارة: هوندا سيفيك / بي ام دبليو 316i
السيارة[2]: سوزوكي التو / رينو لوجان
دراجة بخارية: جاية في الطريق
الحالة :
يا جماعة الفكرة الجديدة اللي نطت اننا نجرب الكحول او البيبسي
بفكر فيها و هشوف عربية واحد صاحبي اجرب فيه ههههههه و اقولكم النتيجة
رقم العضوية : 82574
تاريخ التسجيل : 02Dec2010
المشاركات : 5,207
النوع : ذكر
الاقامة : جده - السعوديه
السيارة: الحمد لله
السيارة[2]: FORD FOCUS 2012
دراجة بخارية: nothing
الحالة :
تسلم إيدك يا باشا........................
[sor2]http://img266.imageshack.us/img266/2162/f04g.jpg[/sor2]
رقم العضوية : 41844
تاريخ التسجيل : 04Jun2009
المشاركات : 8,706
النوع : ذكر
الاقامة : في بيتنا
السيارة: هوندا سيفيك / بي ام دبليو 316i
السيارة[2]: سوزوكي التو / رينو لوجان
دراجة بخارية: جاية في الطريق
الحالة :
رقم العضوية : 23085
تاريخ التسجيل : 24Oct2008
المشاركات : 27,771
النوع : ذكر
الاقامة : Giza
السيارة: لايوجد حالياً
السيارة[2]: Opel Vectra A Sport 2.0L M/T
دراجة بخارية: هوندا 1000
الحالة :
تسلم ايدك
لا اله الا انت سبحانك انى كنت من الظالمين - اللهم اصرف مقتك و غضبك عنا و اعنا على ذكرك و شكرك و حسن عبادتكلو أن ابن آدم هرب من رزقه كما يهرب من الموت لأدركه رزقه كما يدركه الموتمحمد الطنانى
رقم العضوية : 66193
تاريخ التسجيل : 26Mar2010
المشاركات : 1,233
النوع : ذكر
الاقامة : cairo
السيارة: no
السيارة[2]: verna
دراجة بخارية: لا يوجد
الحالة :
فنااااااااااااااااااااااا اااااااان
المفضلات