و قبل ما اي حد يهاجمني يا ريت يشوف مواضيعي عن الثورة
انا من اشد مؤيديها و انا مؤيد للاعتصام الحالي - لكن في ظواهر غريبة
عرض للطباعة
و قبل ما اي حد يهاجمني يا ريت يشوف مواضيعي عن الثورة
انا من اشد مؤيديها و انا مؤيد للاعتصام الحالي - لكن في ظواهر غريبة
مؤيد تماما للضغط بالتظاهرات ومعارض للاعتصام بصفه عامه.. الاعتصام بيخسرك تعاطف الناس الي واقف حالها في حين التظاهرات بيكسبك اصوات.. واللعبه كلها لعبة تأييد وحشد
انا هقولك رأي يا باشمهندس بشكل عام...
احنا من آخر يوم كنا فيه في الشارع و قالوا الامور هتتظبط خلاص, و المجلس العسكري مسك ذمام الامور,
و هيعينوا حكومة تسيير اعمال جديدة (بتاعة احمد شفيق) و حتى هذه اللحظه و احنا ساكتين و بنصبر...
ايه اللي تم خلال هذه الفترة من تغيير و لو طفيف !!؟؟؟ ولا حاجه في رأي, يمكن الامور بقت اسوأ كمان
طيب المفروض نصبر لحد امتى !!؟؟؟ نستنى قرار واحد قوي و حاسم من شخص مسؤول لحد امتى !!؟؟؟
نستنى تغيير حقيقي أو حتى بداية تغيير لحد امتى !!؟!؟؟؟ ننتظر المحاكمات لحد امتى !!!؟؟؟
نستنى على حقنا من الناس اللي فسدوا البلد و اهدروا مواردها و خيرها و سرقونا و قتلوا المتظاهرين لحد امتى ؟؟؟؟؟
امتى اشوف و لو مره واحده في حياتي في البلد دي حد بياخد قرار جرئ و قوي و حاسم من نفسه !!!؟؟؟؟
في المقابل... انا ضد اي اعمال تخريب او عنف او تعطيل للمصالح او قطع للطرق او تعطيل لسير الحياة و غيره...
انا مع الاستمرار في الضغط و المطالبة بحقوقنا بأي شكل تاني غير الكلام اللي فوق ده...
لو بتسأل عن الاعتصام اللي بيتم فيه قطع للطرق و حرق و تعطيل لسير الحياة و الاعمال... انا ضده
لكن انا مع المطالبة بحقوقنا في الاسراع بالمحاكمات و شفافيتها و اتخاذ القرارات اللازمة لعودة الحياة بشكل افضل...
عموماً هي وجهات نظر, و دي وجهة نظري المتواضعة...
المشكلة ان مافيش حد بيتحرك و لا قرار بيتاخد ولا حاجة بتتصلح ولا حق بيرجع ولا ظلم بيتشال ...... الا بالمظاهرات و الأعتصامات
على رأى معتز بالله عبد الفتاح ...... ايه الرسالة اللى بيحاول المجلس العسكرى و الحكومة توصيلها للناس ...... اعتصموا تصحوا !!!
لست مع الأعتصام .... و مش كل اللي مش عاجبة حاجة يعملي أعتصام .
الثورة قامت علشان الحياة الديمقراطية ترجع تاني و نتخلص من مبارك و أعوانه .
بس للآسف سلوك الشعب نفسه محتاج سنين طويلة علشان يتغير .
أما المحاكمات السريعة لأركان النظام فعلا لازم تتم بسرعة و تكون علنية .
أما الأعتصامات و المظاهرات الكتيرة هاتوقف حال البلد أكتر ما هو واقف و خربان .
إن الله لا يغير ما بقوم حتى يغيروا ما بأنفهسم ...
هاتولي كام واحد بنشوفه في الشارع بيحاول يتغير للأحسن .... بل على العكس تماما ... كله واخد فرصه غياب الشرطة و النظام و بيعمل اللي هو عايزه .
التغيير لن يأتي بين يوم و ليله ...... التغيير محتاج أن أحنا تغير سلوكن السئ الأول و يكون عندنا شوية صبر على الحكومة . و في أول أنتخابات ....... نتخلص من اللي مش عاجبنا ..... إنما مظاهرات و أعتصامات كل شوية ..... القطار لن يسير أبدا .
ضد الاعتصام البيوقف الطرق ويغلق الميدان والكورنيش والطرق السريعة والسكة الحديد
ضد الاعتصام البيغلق المجمع ويغلق رئاسة الوزراء ويعطل المصالح
ضد الاعتصام البيدعوا لعصيان مدني ولما لم يستجيب احد ينفذوه بالقوة
.................................................. ..................................................
الإعتصام حق ولكن من فضلك عتصم وماتعطلنيش لأني مش عايز اعتصم
اتظاهر ... بس لو سمحت ماتوقفليش الطريق وتمنعني اني اروح شغلي او او اروح لدكتور او مستشفى عشان انا مش عايز اتظاهر
لو انت ليك حق ... فطلب الحقوق حرفة .. ويحتاج لتأييد وتعاطف ...... للأسف فقدت هذا التعاطف
وشكرا
هو ده بالضبط اللي انا بسأل عنه يا بشمهندس غازي
الشكل الحالي للاعتصام و التصعيد المتبع علي رأي احد الاعضاء حين قال
ان العصيان المدني بيتم حين يتخذ مجموعة من الاشخاص قرار في مهنة معينة او مجموعة مهن بأن يمتنعو عن تنفيذ اعمالهم و التوقف نهائيا عن خدمة الجماهير
و لما لم يتفاعل اي من الموظفين و الشعب لهذا المطلب و عدم التفاعل معه قام المعتصمون انفسهم بغلق المجمع و تعطيل مصالح الشعب
و قام مجموعة اخري بقطع الطرق في السويس و محاولة التعدي بالفعل علي مبني هيئة القناة و كانت هناك نية للتصعيد حتي يتم توقف الملاحة بالقناة و تعريض البلد لحالة من التخبط
و كل هذا للاسف و كأنه للتدريب علي فرض ارادة الاقلية بأي و سيلة للمرحلة القادمة
و مع اني اتفق معك جدا يا هندسة في مطالبك و ان هناك امور كثيرة حدث بها ركود و بطئ في اتخاذ القرار
الا اني قد سمعت للمؤتمر الصحفي الذي عقده ممثلي المجلي العسكري
فقال اللواء لا اذكر اسمه بأن اي قرار بيتخذ في المجلس هو قرار مجلس و ليس قرارات فردية
حتي لا يكون فيها انفراد بالقرارات و يكون توجهات شخصية حتي يقضو علي السلبية التي كانت تتبع من قبل في الانفراد بالقرارات من افراد و ليس من مؤسسات و هذا ما يتبعوه دائما
فلو افترضنا جدلا يا هندسة انهم بيعقدو اجتماع كل اسبوع لاتخاذ القرارات الجوهرية لادارة امور البلاد فلك ان تتخيل ان كل يوم فيه جديد و كل يوم به تصعيد فيجب ان نلتمس لهم العذر من وجهة نظري
عموما ربنا يكرمنا بالخير اينما كان
و تقبل تحياتي يا جميل و ان شاء الله نتقابل قريبا
م.حاتم السباعي
ليه؟ مش حققوا فى 3 ايام طلبات مهمة جدا زى تطهير الداخلية و قريب الوزارة و المحافظين؟؟؟؟اقتباس:
اللى فى التحرير دلوقتى بيفقدوا التاييد كل يوم
بيقولك الزن على الودان امر من السحر
لما تقعد تسمع نفس الكلام بيتكرر عن 'بلطجية التحرير' حتقر وتبصم بال 10 إنهم بلطجية
1- لا اقبل استمرار الاعتصام بشكلة الحالي
خلينا نفتكر إن في خلال 30 سنة مطالبات بإصلاح في الدولة لم تحدث الا بإستخدام الإسلوب ده
الظاهر إن اخد الحقوق بالدراع ده منطق عايزين يرسخوه فينا
الاخوة الكرام
موضوع تطهير الداخلية ده كلنا عارفين من اكثر من شهرين ان شهر 7 مع النشرة سيتم الاحالة للتقاعد
و موضوع الوزارة فلقد بح صوتنا ان من سيأتي ايضا مجرد حكومة مؤقتة لا تعبر عن ارادة الشعب
و اننا جميعا ننتظر الانتخابات التي ستأتي بمجموعة برلمانية تعبر عن ارادة الشعب بكافة طوائفه
..........................................
حين اظل اسمع و اشاهد غلق الطرق و تعطيل المصالح و محاولة فرض ارادة القلة علي الاغلبية فهذا هو عرف البلطجة و لقد مارسه النظام السابق حين كان يزور ارادة الشعب
فأذا كان الشعب مع العصيان المدني لكانت مصر كلها اصبحت خرابة من يوم الجمعة الماضية
و لكن الشعب رفض هذا الاتجاه و ظل الناس في اعمالهم بالرغم من الزن اللي كانت قنوات كثيرة بتدعو الناس لفعل هذا المخطط و لما فشلت المحاولات و اتكشف لاصحاب الدعوة بأنهم قلة استخدمو تجمعهم في غلق المجمع و لقد ذكرت سابقا بأن لي صديق قد ضاعت علي اخته العمرة بسبب هذا السلوك غير الناس اللي شاهدتهم بعيني في التليفزيون و هم يدعون عليهم و علي من شار عليهم بغلق الميدان و المجمع و كم الدعوات علي هؤلاء القلة
و مع ذلك كل الاحترام و التقدير لاي وطني ثوري و لكنه يعلم انه يتحدث عن نفسه و ليس بأسم الشعب
فنحن من الشعب و لنا السنة نستطيع التحدث عن انفسنا و نعبر ايضا بدون الحاجة لاحد يمثلنا
فاللهم وحد صفنا و انصرنا علي من لا يريد لنا الخير
م.حاتم السباعي
أستاذ حاتم
لم يسقط مبارك بالدعاء ولا باللين لكن سقط بالإعتصام والإضراب
لو كنا استنينا وصبرنا واكتفينا بالرجاء كان حيموت ماسك مصر ويجيب ابنه يقعد مكانه أظن ده واضح
لما تقعد مستني تغيير ومايجيش في مرحلة زي دي من ثورة لازم الناس تتحرك وتفكرهم إن احنا مانسناهمش وإن عنينا عليهم
وزي ما قلت من شوية هم علمونا الواحد مش حياخد حقه غير بالدراع
ضد هذه الأساليب والناس دى فعلا بتخاف على البلد مكنش يجروها للى هايوصل حال البلد ليها
طبعا هلاقى اللى بيهاجمنى ويقولى انت ضد الثوره لأ انا مع الثوره ومن يوم 25 واللى مش مصدق يراجع مشاركاتى فى الفتره دى
لكن خلاص اللى بيحصل دلوقتى خلى عقلى بدأ يفكر ويشتغل اكثر وأكثر
والنظر للأمور من منظور بعيد ماذا لو توسع العصيان وتم غلق القناه كما كانو يقولون وحتى لو مجرد تهديد كلنا نعلم ان القناه يحكمها معاهده دوليه يعنى ادينالهم مصر على طبق من بلاتين مش من ذهب
الحاجه التانيه فى المحاوله على انقضاضهم على رأى الأغلبيه بالرغم من انى من مؤيدى انشاء دستور قبل الأنتخابات البرلمانيه والرئاسيه
الا انى محبش اسلوب فرض الرأى يعنى بالرغم من انى قلت لا لكن احترمت النتيجه وقبلت بالديمقاطيه الحقيقيه حتى لو كان بتأثير من بعض التيارات فى العيب على التيارات الأخرى وليس عليهم ولا على الشعب
انا ضدد فرض الرأى واستخدام العنف وتعطيل الحال والتسبب فى قطع الرزق وبالطريقه دى بندى المجلس فى حاله فرض سؤ النيه اطلاق الأحكام العرفيه وساعتها سلمولى على الديمقراطيه
ممكن نضيف رأي المستشار هشام البسطاويسي المرشح للرئاسة للموضوع
‫ظ‡ط´ط§ظ… ط§ظ„ط¨ط³ط·ط§ظˆظٹط³ظٹ‬& lrm; - YouTube
انا ضد الاعتصام بأي شكل من الاشكال
حتى مظاهرات كل جمعة رافضها
بس لو هيفضوا الاعتصام وتبقى كل جمعة ماشي
الدعاء والحسد احدهم يعجل بالقضاء والاخر يؤخره
ولا ينكرهما مؤمن ابدا ، حيث انهما تحت ما هو معلوم من الدين بالضرورة
وهناك نوعين من القضاء القضاء المبرم الذي لا رد له
وهناك القضاء المعلق الذي اذا كان خيرا يعجل به الدعاء ويؤخره الحسد
واذا كان مكروها فيعجل به الحسد ويؤخره وهذا طبعا لا يتعارض مع التخيير ووجوب العمل
ها ايه الاخبار يا حبايب
ارجو من الجميع المشاركة للاستفادة التي ستعم علينا جميعا
من بيان رأي الاغلبية ايا كانت نتيجته
و شكرا
م.حاتم السباعي
مبدئيا نتيجة الاستطلاع هاتحدد المتعاطفين مع الاعتصام من الناشطين من رواد المنتدى لا اكتر ولا اقل
و بالمناسبة الاختيارات فيها كتير مش موجود
المنظر الحالي اعتصام اه , او اعتصام لأ , مافيش اعتصام بتخريب و اعتصام بدون تخريب و ارفضه لكن اتفهمه , و ارفضه تماما , دي كلها مواقف الناس
+1
ربنا سبحانه و تعالى كريم , لكنه فرق بين التوكل و التواكل , الدعاء مطلوب في كل الاحوال , لكن التواكل , هو احد آفاتنا
+1
و ان كنت عايز اضيف ان الناس لما يضطروا للتصعيد , و نلومهم لوحدهم نبقى بنظلمهم , الطبيعي نلوم اللي اوقع عليهم الظلم و حتى لما اضطروا يصعدوا ما عبرهمش ولا رفعش الظلم عنهم, و طبعا دول بدون اسماء اهل السويس
كذلك من المنطقي ان لما حد يغلط لسوء تقدير , ما نجريش نسن السكاكين و نقطع في فروته حتى بعد ما يتراجع عن الخطأ , او حتى قبل ما يعمله ده لو كان هايعمله , و في المقابل زي ما بنسن السكاكين على البعض (بدون اسماء معتصمي التحرير اللي ما شاء الله عمالين يحققوا انجازات و احنا بنشتمهم و بنفرح بإنجازاتهم في نفس الوقت , و برده بننكر انها بتاعتهم, لازم نبقى صاحيين لطرف السلطة اللي مهما غلط بنعمل نفسنا من بنها
+1
ممكن اعلق على توقيعك يأستاذ / تامر
مش كل اعداء الثوره هما اللى بيقولو خربتو البلد
فى ناس فقدت مصدر رزقها ودخلها طبعا دا مكتوب لهم عند الله
ولكن لما اب يلاقى نفسه خسر مصدر رزقه الوحيد اللى بيصرف منه على ولاده وبيته هتلاقيه بيقول نفس الدعاء مع انه فى صميم نفسه كان نفسه فى اللى حصل دا من زمان بس مكنش متخيل ولا مدرك ان دا ممكن يعود عليه بضرر ودى عيبنا عمتا كامصريين لما بنفكر فى حاجه ما بنفكرش فى كل الجوانب والمميزات والسلبيات فاعشان كدا ممكن يتغير موقفنا فى لحظه وتلاقى اللى كان بيأيدك بقى ضدك لأنه طاله الضرر وضرر شديد من وجهة نظره فا طبيعى يدعى ويقول الله يخربيتكوم خربتو البلد الكلمه دى انا سمعتها كتير لكن مش من اعضاء مجلس شعب ولا رجال اعمال ولا اى حاجه من دى
لأ من ناس غلابه فى كل الأحوال مش حاسين بالفرق بالعكس يمكن الأول كانو ممكن يلاقو ياكلو لكن دلوقتى مفيش ودول اللى انا خايف منهم بجد لو استمر حال البلد بالمنظر دا شركات عماله بتقفل وناس بتقعد فى بيوتهم انا فى نطاق معارف بس اعرف 5او 6 قعدو فى البيت وبقم بدون شغل
ربنا يعدى بمصر بر الأمان ويفضل عززها بالأمن والخير زى ما ذكر فى كتابه الحكيم
الأستطلاع ده مش مظبوط للأسف ...... و معمول بطريقة انه يصب فى مصلحة رأى معين فى النهاية
ببساطة لأن الأختيار الأول حيجمع 3 فئات مع بعض فى تصويت واحد
الفئة الأولى ...... كارهى الثورة بكل أنشطتها و مبادئها و رموزها
الفئة التانية ...... الموافقين على المظاهرات الرافضين للأعتصام
الفئة الثالثة ....... الموافقين على المظاهرات و الموافقين على مبدأ الأعتصام ....... و لكن رافضين لبعض التصرفات
و يبقى الأختيار الثانى ....... وحيدا
و طبعا الأختيار الأول ....... حيكسب و كل واحد من الفئات التلاتة حينسبه لرأيه
كان الأولى زيادة عدد الأختيارات ...... حتى يمكن الحكم على مختلف الأفكار و التوجهات و الأراء بدقة أكبر
و للأسباب اللى فوق أنا مش حصوت دلوقتى
مع احترامى للى بيقول مطالب و مطالب و ضعطنا و المطالب بتحقق
هو انتو مصدقين بان المطالب دى لما تتحقق ........... هاتشعرو بحاجة او بنحسن فى البلد ..............
شوفو الثورة ............ عملت ايه يوم الجمعة الساعة 6 يوم جمعة الغضب و انتم تعرفو احنا رايجن على فين
................. و صدقونى ليست اخر المطالب ............ السقف عالى و الهدف القضاء على الجيش
القضاء على الجيش
القضاء على الجيش
القضاء على الجيش
القضاء على الجيش
القضاء على الجيش
صد | نقلا عن الشروق | معتصمو التحرير يمنحون الحكومة مهلة حتى يوم الأحد لتنفيذ مطالبهم، وفي... حال عدم تحقيق مطالبهم سيمنعون الدكتور شرف من دخول مجلس الوزراء ويقتحمون مبنى ماسبيرو يوم الأحد المقبل#
الكلام ده قبل قطع المترو ولا بعده بس عشان نبقى عارفين ؟
بص يا باشا , احنا كلنا اتأثرنا ده شيء ماحدش فينا ينكره , لكن برده موضوع خربتوا البلد ده مبالغة جامدة جدا , انا عارف الاسباب , اهمهما الاعلام اولا , و الثقافة البشعة بتاعة اكلني فتافيت و اضربني باللي في رجلك و سيبني عايش اللي زرعها فينا نظام مبارك, كمان احنا للأسف آفة حارتنا النسيان , فلو حصل اي مشكلة دلوقت هايطلع واحد مغرض يقول (ِشوفوا الثورة عملت ايه) , و كتير ينسوا انها حصلت كتير في الكذا سنة اللي فاتوا و خلاص هي الثورة السبب بقى و خلاص, اقول لك حاجة كمان , رغم تعاطفي الشديد مع الناس اللي اتضررت , هل ننكر ان ياما شركات صفت اقسام كاملة قبل الثورة بفترة ؟ انا اعرف اكتر من واحد فقدوا وظايفهم خلال 2010 , اكيد مش بنفس نسبة خلال الثورة , و لكننا دخلنا ده في ده , و الاعلام و الاشاعات تزننننننننننن على وداننا و احنا نصدقاقتباس:
ممكن اعلق على توقيعك يأستاذ / تامر
مش كل اعداء الثوره هما اللى بيقولو خربتو البلد
فى ناس فقدت مصدر رزقها ودخلها طبعا دا مكتوب لهم عند الله
ولكن لما اب يلاقى نفسه خسر مصدر رزقه الوحيد اللى بيصرف منه على ولاده وبيته هتلاقيه بيقول نفس الدعاء مع انه فى صميم نفسه كان نفسه فى اللى حصل دا من زمان بس مكنش متخيل ولا مدرك ان دا ممكن يعود عليه بضرر ودى عيبنا عمتا كامصريين لما بنفكر فى حاجه ما بنفكرش فى كل الجوانب والمميزات والسلبيات فاعشان كدا ممكن يتغير موقفنا فى لحظه وتلاقى اللى كان بيأيدك بقى ضدك لأنه طاله الضرر وضرر شديد من وجهة نظره فا طبيعى يدعى ويقول الله يخربيتكوم خربتو البلد الكلمه دى انا سمعتها كتير لكن مش من اعضاء مجلس شعب ولا رجال اعمال ولا اى حاجه من دى
لأ من ناس غلابه فى كل الأحوال مش حاسين بالفرق بالعكس يمكن الأول كانو ممكن يلاقو ياكلو لكن دلوقتى مفيش ودول اللى انا خايف منهم بجد لو استمر حال البلد بالمنظر دا شركات عماله بتقفل وناس بتقعد فى بيوتهم انا فى نطاق معارف بس اعرف 5او 6 قعدو فى البيت وبقم بدون شغل
ربنا يعدى بمصر بر الأمان ويفضل عززها بالأمن والخير زى ما ذكر فى كتابه الحكيم
سيبك من كل ده , لو وقفنا دلوقت هانلبس كلنا , ولو كننا فضلنا ساكتين على مبارك كنا هانلبس كلنا
هى كل الاستفتائات بتكون بنفس النسبة ........... زى نسبة ال77 بتاع الدستور ......
عارف النسبة دى ......... هى اللى فالشارع و اللى فى المحافظات و الاقاليم انما نسبة الاقلية الاخرى هى اللى عايشة فى العالم الافتراضى ( الفيسبوك و التوتير و ميدان التحرير فقط )
الثورة نادت بالدسمقراطية ...........
توجه العشرات اليوم، من عدد من المحافظات، إلى وزارة الدفاع، لتسليم 200 ألف توقيع من المحافظات، لمطالبة المجلس الأعلى للقوات المسلحة للاستمرار فى حكم البلاد، ورفض فكرة المجلس الرئاسى التى تطرحها بعض القوى.
وسلّم أعضاء حملة شباب الاستقرار، ما يقرب من 200 ألف توقيع من مختلف محافظات مصر، تطالب باختيار القوات المسلحة لحكم البلاد، وليس إدارة شئون البلاد، لحين تسليم السلطة إلى رئيس جمهورية منتخب، مؤكدين أنهم يسعون إلى جمع مليون توقيع من كل المحافظات لمطالبة المجلس العسكرى بالاستمرار فى حكم البلاد، ورفض فكرة المجلس الرئاسى.
وقال أحد أعضاء الحملة، الذين توجهوا لوزارة الدفاع منذ قليل، إن عضواً بالمجلس العسكرى سيجلس معهم.
اليوم السابع | بالصور.. 200 ألف توقيع تطالب "المجلس العسكرى" بحكم مصر
القضاء على الجيش ازى يعنى ...
القضاء حيكون على تدخل الجيش فى قيادة الدولة و اصدار قرارات و قوانين عشوائية ..انما الهدف اكيد مش القضاء على الجيش لان لا الثورة ولا الثورا فاقدى اهلية عشان يفكرو كدة .
الجيش يتفضل يرجع ثكناتة بالسلامة و يسلم السلطة للثورة ..و لا يتدخل بحماية مبارك واولادة و كل الفاسدين .و شكرا ..
يس انتو ماقلتوش كدا فى الاول .............. انتو نسيتو ولا كل شوية هاتغير كلامنا ماهى لو الثورة ليه قائد ماكنش حصل كدا
كلامكم كان ارحل يبس يامبتارك
و الجيش و الشعب ايد واحدة
و الشعب هايسلمها للمدنين
بس لما نتيجة الاستفتاء طلعت كبيرة 77 و لما لاقيتو نفسكم اقليية بالنسبة للاخوان ........... قلتو ايه ده هانعمل ثورة و تروح مننا .......حرام
احنا نمسك البلد و نعمل انتخابات براحتنا و نحاول اننا نكون اغلبية ( اكيد بالتزوير زى الحزب الوطنى كدا ) و الاخوان اللى هما يعنبرو من اكثر الفصائل منظمة و اللى هاتاخد اكبر الاصوات نحاول نقصيها خالص
انا ممكن امضى معاهم وتقريبا اغلب اللى قالوا موافقين على الاعتصام
حتى فى التحرير 90 فى الميه موافقين على استمرار الجيش فى حكم البلاد لحين تولى السلطه المدنيه
المطلوب هو تصحيح مسار طريقه الحكم حاجه صغيره
ودى اللى الناس علشانها فى التحرير
اما مطلب الدستور اولا او مجلس رئاسى
هى دى الديموقراطيه
لو الناس دى بقت اغلبيه يبقى فيه كلام
لو الناس دى اقليه يبقى محصلش حاجه:ma:
حضرتك محتاج تقرا شوية عشان تعرف الفرق بين الأستفتاء و بين الأستطلاع
و بعد كده نتكلم
دى خطوة كويسة جدا ...... حضرتك شايف ان الحزب الوطنى بيزور الأتخابات ..... لأ و احنا حنزورها زيه
بس عموما الرد على الكلام ده حاجة واحدة
انا مش أسف يا مبارك يا مخالييعووا :ma:
يارب المندفعين بمشاعرهم الوطنية ألي لاشك فيها أن شاء الله
يهدو كده ويعلو مصلحة الشعب المصري فوق كل المصالح
كل شيء هاينكشف ويبان
http://www.nilemotors.net/Nile/232813-a.html
http://www.nilemotors.net/Nile/232806-a.html
المستشار السياسي لرئيس الوزراء.
مظاهرات 8 يوليو مهمة جدا لأنها رسالة للجميع أنها ثورة بما تحمله من معنى. ومن لا يصدق أنها ثورة فلينزل من أتوبيس الحكم.
-------------
وأرجو ألا يظن المتظاهرون أن المجلس العسكرى يرى فيهم سوءا أو يتوعدهم بقدر ما هو يخشى ممن يستغلون واقعة التظاهر ليجعل منها مناسبة لتدمير المنشآت أو تعطيل أعمال الناس على نحو ينال من نبل القضية.
-------
وليس بعض المتجاوزين بداخل الأعتصام همى دول وأمثالهم ألي التحزير كان موجه ليهم كفئة من فئات عدة
وماننساش أنها كانت يوم 8 من كل فئات الشعب وألا لما وصلت للمليونية