انا ضد الاعتصام بشكله الحالى .
ومع المظاهرات يوم الجمعة فى حالة ما يتطلب وجود مظاهرة للتعبير عن الراْى فى موقف معين ولابداء واظهار الاراء .
ومع اعطاء الفرصة للمجلس العسكرى ولو لبعض الايام لنرى ما سيتم فعله من تحقيق المطالب .
عرض للطباعة
انا ضد الاعتصام بشكله الحالى .
ومع المظاهرات يوم الجمعة فى حالة ما يتطلب وجود مظاهرة للتعبير عن الراْى فى موقف معين ولابداء واظهار الاراء .
ومع اعطاء الفرصة للمجلس العسكرى ولو لبعض الايام لنرى ما سيتم فعله من تحقيق المطالب .
علفكرة حضرتك انا ما بصطادش في المية العكرة
انت الي بتقول صيع
مين الي قالك انهم صيع
ما كنتم بتقولم كدا عليهم ايام الثورة والاخر هما الي جابو للشعب كلة حقة
علفكرة انا مع الاعتصام
شوف بقالنا اد اية
7 شهور تقريبا ومفيش جديد
قوانين بتطلع من عندهم من نفسهم ومستفيد بيها تيار واحد فقط من الشعب
الفاسدين ماليين الدنيا وكلهم في مناصبهم وعمالين يعلمو الشعب الادب عشان اتطاول علي سيادتهم وعمل ثورة
البهوات الي بيقولو بيتحاكمم الي عايش في سجن هيليتون 10 نجوم والي محجوزلة مستشفي بمدينة بكاملها عشان خاطر جنابة
والي يططلع برائة والي يهرب والي يماطل والي والي
وريني حد اتحكم علية من قتلة الثوار الا الامين الغلبان الي عملوة كبش فدا وكمان هربان ال اية عشان يسكتونا
المجلس العسكري واضح جدا جدا انة مش عايز يحاكمهم لانهم اكيد مكانوش ملايكة في عهد مبارك
ووقت المحاجمة كلة هيظهر ويبان وكل المجلس هيظهرلة حاجات وما خفي كان اعظم
وانا مش بقول ان دا اكيد لكن الواقع والاحداث بتقول كدا
اديني سبب واااااحد بس او نص سبب مقنع للي بيحصل دا يخلي الثوار الرجالة دول يسيبو التحرير؟؟؟
بص انا معاك انه هناك مؤامرة بس هنعمل ايه ؟
شفت طريقه البيان العسكرى من الجيش النهارده كله تهديد و نبره جديده
هتقولى مش هنخاف و طظ فى الجيش هقولك مش هنقدر عليهم وهيبقى الدم للركب
وهتبقى البلد انتهت
وبعدين هدف الثوره كان اسقاط النظام وسقط نفوق شويه للبلد و لشغلنا
انا قلتلك نستنى الخطوات الى الجيش حطها و اتقرت فى الاستفتاء وان شاء الله مجلس شعب منتخب و دستور محترم و مجلس رئاسى محترم المفروض احنا الىى هنختاره وبعدين نبدا نحاسب وقادرين على اننا نوقع اى نظام مهما كان تانى
وهقولك على حاجه عشان ماحدش يتفاجىء حسنى مبارك هيموت وماحدش هيطول منه حاجه
بالعكس لو البلد دخلت فى فوضى وهو ده المطلوب من مبارك واعوانه هيهربوا لانها هتبقى فوضى و الجيش ممكن يكبر و الشرطه تكبر و يسيبوا الشعب يتفاهم مع الشعب
انا مش منتمى لاى حزب ولا بفهم فى السياسيه ومش بحب الاخوان بس واضح انه الناس دى اكتر ناس خايقه على البلد وان كان ليهم مصلحه لانهم منظمين و اكتر ناس بحس انهم عايزين ينتشلوا البلد و بشتغلوا صح
شباب 6 ابريل الى موجود دلوقتى مصريين و حاسس انه الكل بيهاجمهم بس المساله بقت ثوريه وكانها وظيفه و مساله لى الذراع مش مقبوله بتاتا و هتفقد ثقتنا فى الحكومه والجيش
مفيش اى دوله فى العالم او اى ديمقراطسه مهما كانت تقبل الى حصل فى اخر كام شهر ده
انا فيه حاجه جوايا وعايز اقولها
قبل الثوره كلنا كنا بنخاف على بعض و دايما واقفين جمب بعض
بعد الثوره بقينا جماعات و ماعادش حد بيخاف على حد
النهارده حصل موقف غريب اوى طريق اتجاه واحد وانا داخل عادى لقيت واحد جاى فى المعاكس وقفنى ووقف كل العربيات الى جايه ورايا لا وركن وقالى مش هتحرك فالى جمبه كان راجل عاقل قالى ارجع سنه لوره عشان يلم نفسه فى جمب رجعت وعديته شفتو بجاحه اكتر من كده ده لو خايف عليا وعلى مصلحتى وعلى عربيتى وعلى الطريق الى وقف ورايا كان ممكن يعمل كده !!
ثانيا انا عايز اقول حاجه احنا كلنا مصريين الكلمه دى الغالبيه نستها اننا مصريين وكلنا فى مركب واحد ومصلحتنا كلها واحده ليه الاحساس ده بقى غايب و كله بيهاجم كله وكاننا اغراب جوه بلد واحد
انا لا اقبل الاعتصام باى شكل من الاشكال
وانا يوميا فالتحرير لظروف شغلى وبشوف الموجودين
لو الناس دى تحس اننا بالفعل رجعنا لنقطة الصفر تانى مكنتش فكرت فالاعتصام ......ودورت على حل منطقى .......
لكن فالنهاية اتمنى من ربنا يكون الخير جى عن قريب
طبعا مؤيد للاعتصام بس مش مع غلق قناة السويس و المصالح الحكومية (واضح طبعا انه تهديد علشان يخلوا المجلس اياه يخاف و يستعجل فى تنفيذ المطالب)
على فكرة لو الناس فكرت شوية هتلاقى ان كل شوية لما كلمة الاستقرار تتحط قدام التظاهر او الاعتصام او غيره دايما بيحصل ان الاعتصام او المظاهرات بتم و بعدها بيتم الاستجابة لشوية طلبات و لا نسينا جمعة التطهير اللى اتقيض على الرموز بعدا و جمعات كتير منها اللى حقق شوية مطالب حتى قبل التظاهر زى اقالة شفيق و غيرها.
لما نشوف البلد ماشية فى الطريق الصحيح مش بقول اتغيرت 180 درجة لان التغيير محتاج وقت بس لما اغير محافظين اقوم جايب 20 من 30 محافظ لوائات و لا كان مبارك اللى جايبهم و اسيب وزراء كتير منهم فاسد او ضد الثورة اساسا و كان مستفيد من النظام السابق؟؟؟
لما نشوف وزارة الداخلية زى ما هى حتى قياداتها!!!! متوقع الظابط الصغير لما يلاقى القيادات الفاسدة فى مكانها هيتغير ازاى؟ لما نشوف حالة انفلات امنى متعمدة استمرت 5 شهور مات فيها ناس و اتسرق ناس و غيره بسبب القيادات الفاسدة , من الاخر الظابط اللى عايز يشتغل على راسنا لو احترامه و احنا لينا احترامنا , اللى مش عايز يتحول تحقيق و كسب غير مشروع و يطرد من الشرطة .
الناس اللى سرقت شركات و اراضى و سرقت فلوس البنوك على شكل قروض و مدفعتش و اللى بنوا مخالف على اراضى زراعية و تربحوا مليارات يتحالوا للمحاكمة مفيش قوانين تصالح و كلام فارغ.
تطهير النيابة مش المحاكمات التهريج اللى بنشوفها و قاضى زى عادل عبد السلام جمعة و غيره زى القضاة اللى زوروا الانتخابات لازم يتشالوا فورا
بتوع امن الدولة اللى كانوا متورطين فى تعذيب و كلام كدا يتحقق معاهم فورا.
لجان تقصى حقائق فى كل حاجة حصلت فى ال30 سنة اللى فاتوا سواء مثلا اختفاء ناس سياسيين و فساد فى قطاعات كتير.
لجان تحقيق و فتح ملفات جميع القيادات الفاسدة اللى كانت ماسكة بنوك حكومية و بتوزع قروض كانها فلوس ابوها منغير ضمانات , التحقيق مع كل القبادات الفاسدة فى كل المراكز و المؤسسات الحكومية مثلا الصحافة و غيرهم من اللى تربحوا ملايين و مليارات و الشركات اللى كانت قطاع عام و بتتسرق.
تركيب كاميرات مراقبة فى جميع الاقسام و المؤسسات الحكومية و الحضور يبقى بالبصمة على اجهزة زى حتت فى مصر مطبقة الموضوع دا
شفافية كاملة زى مثلا تقارير عن الامن العام نعرف نسب الجرايم فى السنين اللى فاتت و السنين اللى جاية
شفافية فى موضوع الكهرباء اللى كانت بتقطع ساعة كل يوم السنة اللى فاتت ايه سببها و ليه هتقطع السنادى كمان؟؟
شفافية فى اسعار تصدير الغاز سواء لاسرائيل او للاردن او لغيرهم و معرفة الاسعار كانت كام و بقت كام, كل شوية اقرا موضوع عن تعديل الاسعار بس ولا موضوع واحد مكتوب فىه السعر الجديد للاردن مثلا بقى كام؟؟؟؟؟؟؟؟
سرعة محاكمة الناس المتهمة بقتل المتظاهرين مع تعديل القوانين الاول لان قوانين القتل العادية هتطلعهم كلهم براءة!!!!
الرفض التام للتصالح زى اللى حصلل للوليد اين طلال اللى خد100 مليون متر ب 5 مليون جنيه مش فاهم ليه ؟ هو كان واخد 100 الف فدان و خلوهم 25 الف فدان طب ليه ؟ حتى لو زرعهم هنستفيد ايه احنا؟؟ المحصول هيبيعه فى مصر او بره و هيقبض تمنه , العمالة هيدفع كام يعنى و هيشغل كام واحد؟
الغاء وزارة الاعلام المستفزة و تطهير التليفزيون.
وضع حد اقصى للاجور عادل و فى نفس الوقت كفاية علشان لما فى قيادات محترمة تتقدر كويس
وقف المحاكمات العسكرية للشباب و محاكمة الناس اللى كانت بتمرر قانون القتل ( الطوارىء ) و غيرهم منة الفسدة سواء محاكمات عسكرية او محاكمات سياسية !!!!
الراجل اللى بيصيف فى شرم يجيبوه يصيف هنا فى القاهرة!!!!
محاكمة اللى تصالح مع سوزان!!
اهم حاجة العدل و اتحدى لو الناس حست بالعدل و ان مفيش حد فوق القانون تلاقى حتى ربع بنى ادم فى التحرير!!!
حاجات كتير اوى سهل جدااا تتعمل و تطمن الناس و تحسسهم بالعدل و الامان و ساعتها لو شوفنا حد بيتظاهر و لا بيعتصم نبقى نبلغ عنه!!!!!!!!
«أبو الفتوح» ينتقد «تباطؤ» المجلس العسكري والحكومة.. ويرفض «تخوين» المتظاهرين
اعتبر الدكتور عبد المنعم أبو الفتوح، المرشح المحتمل لانتخابات الرئاسة المقبلة، الفكرة التي أعلن عنها بيان المجلس العسكري في وضع أسس لاختيار اللجنة التأسيسية لصياغة الدستور، «مقبولة»، طالما أنها تنبع من توافق وطني ولا تتعارض مع نتيجة الاستفتاء.
وانتقد «أبو الفتوح» في بيان له، تعليقا على الأحداث الجارية خلال اليومين الماضيين،«تباطؤ» المجلس العسكري والحكومة في تحقيق المطالب المشروعة للثورة، مؤكدا على وقوفه مع مطالب الثورة من جدية وحسم وعلنية في محاكمة المتهمين بقتل الثوار، مع إجراءات واضحة لضمان شفافيتها، إلى جانب تطهير «الداخلية» وعدم الاكتفاء بالتغيير الشكلي والحلول التسكينية.
وأعلن رفضه للهجة «التخوين والتحريض ضد المتظاهرين والمعتصمين السلميين»، مطالبا بوجوب حمايتهم وعدم استخدام العنف ضدهم، مشيرًا إلى أنه يترقب تعديلا وزاريا يحقق تطلعات الشعب ويتناسب مع روح الثورة.
وأكد أن الشرعية الحقيقية هي شرعية الشعب، وأن كل مؤسسات الدولة إنما هي لرعاية مصالح الشعب وحماية أمنه وتحقيق تطلعاته، ودعا كافة المواطنين أن يلتزموا بحق التعبير السلمي عن مطالبهم دون التعرض لمصالح الناس والحفاظ على المرافق العامة.
حتي لايزايد احد علي الاخر
لن نكون اكثر وطنية من الذين فقدوا
حياتهم تحت عجل سيارات الامن المركزي ولا في وطنيه من تلقوا
الرصاص بصدورهم العارية علي كوبري قصر النيل ولا لولاء البطران
في اداء عمله وحماية المجتمع ولا نملك هنا سواء
الفاتحة لهؤلاء الشهداء الابرار
نحن في لحظات عصيبه حما الله مصر ولا رد لقضائك سبحانك
عز وجل - ولا رد لعهدك " ادخلوا مصر ان شاء الله امنين "
من الله علينا برفض مال صندوق النقد الدول ووهبنا الرحمن
بركة في زرعناويكفينا قمحنا حينما يفتح علينا الرحمن يجب ان نشكر
ونلتف حول قادة جيشنا لنحمي معا مصرا وهي امر لا يمنعني من
الاحتاج والاعتصام والمطالبة بحقي ولكن دون غلق مجمع نعلم ان مصالح
مصر فيه قناه وهبنا ايهاها الرحمن وحفرنا تحت سطوة محتل اثم بدماء وارواح
اجدادنا ادعوكم جميعا اخواني مسيحين كنتم او مسلمين ان نصون هذا البلد
ونحمي بعضنا من الاخر فبيننا من يحمل لنا خنجرنا واسألوا عميل الموساد
ربنا عاهدنا ان تبقي مصر امنه فأرحمنا والف بيننا
اعتذر عن اسكتمال الكتابة لان دموعي غلبتي
مع الاعتصام لان مظاهرات يوم الجمعة بفت حاجة كرنفالية
للأسف المجلس العسكرى والحكومة والنيابة والقضاء مش بياخدوا اى خطوات الا مع الضغط