أفهم من كده انك موافق على بقية المقال :satelite:
عرض للطباعة
في معظمه أي نعم وألي مش متفق عليه مش قلقان منه(الحوار بين القوى السياسية حول خطوط عريضة للجنة الدستورية)
ما أنت عارف رئي كنت مؤيد للتظاهر بشرط على المطالب المجمع عليها ومشاركة الفئات المتعقلة من وجهة نظري فهمني طبعا لأنها صمام أمان للمظاهرات من وجهة نظري
وأي أنتقاد للتظاهر والأعتصام هو من باب الخوف من ناس ليها مطالب فئوية خاصة بهم غير المجمع عليها
والخوف من تطورها لفوضى تضر مصر أكثر من ماتفيدها
ربنا ييسر لنا مافيه الخير أن شاء الله
طب دى حاجة كويسة ...... شفت ازاى ممكن نوصل لأرضية شبه مشتركة رغم كل شىء
بس بجد دى ناس مش بتيجى غير بالضغط ...... و كمتابع للأحداث من قلب المظاهرات و الميادين .... أقولك اطمن موضوع المجلس الرئاسى ماحدش موافق عليه ...... بس هو الأعلام الواطى اللى بيحب يسخن الأمور
و بعدين المكاسب اللى خدناها من التظاهر و الأعتصام ...... دى لينا كلنا ..... كلنا ان شاء الله حنستفيد منها
زى استقالة الجمل ..... تغيير وزراء و محافظين الحزب الوطنى ...... شبه تطهير الداخلية ..... علانية المحاكمات .... صندوق دعم الشهداء
ربنا ييسر الحال
كان سر نجاح الثورة انها بلا قائد .. فظهر لنا المدعو ممدوح حمزة موجها الثورة لمصلحته فارضا علي المجلس العسكري رؤيته و علي رأيه "بفلوسي"
لقد انحرف الاعتصام عن هدفه الحقيقي ... و ادعو الجميع الي مقاطعة مظاهرة يوم الجمعة
لان الاستمرار في التظاهر و الاعتصام يعطي الدافع لتحقيق اتفاق الشر و المصلحة بين فريق سارقي الثورة و النظام السابق
و زي ما الناس طلبت الا يتم اقصاء التيارات الليبرالية .. الان يتم اقصاء الجميع سواء احزاب او تكتلات
لا تشاركوا في مظاهرة الجمعة .. سارقي الثورة يتحركون بسرعة كبيرة و يجب ان يفقدوا الدعم .. و لا يتخيل احدكم انهم داعمون للدكتور البرادعي .. سيتم التخلص منه بحجة عدم الشعبية و اختلاف الناس عليه .. هم فقط داعمون لمصلحتهم الشخصية
منتظر الردود علي نداء عم احمد
و حتي الان النتيجة 63% مقابل 37%
ولم نصل للنتيجة التي توقعها البعض و هي 77 % لرفض الاعتصام بشكله الحالي مقابل 23% للموافقة عليه بشكله الحالي
باقي من الزمن 6 ايام هل نصل لهذه النتيجة فعلا كما توقعها البعض
مع اني اتوقع ان تصل انسبة في النهاية الي 70 % مقابل 30 %
عموما ننتظر حتي النهاية و الفائز الحقيقي هو جميع الاعضاء لاننا سنقف علي حقيقة الامر بعد النتيجة
منتظرين مشاركة باقي الاعضاء بفارغ الصبر لتعم الفائدة
م.حاتم السباعي
علي هامش الاستطلاع مجرد كلمات
هو فيه حد معانا هنا لا قدر الله سيتهمه البعض ان احد غرر به
او ان الشيوخ قالو له لو كذا يبقي كذا
او انه عفوا لم يفهم الاستطلاع جيدا
انا مش فاهم بصراحة لحد امتي سيظل الاقلية يفرضو رآيهم علي الاغلبية
امال كنتم زعلانين ليه من العصابة؟
م.حاتم السباعي
حضرتك واخد 120 السمبل سيز بتاعك؟
120 ومعظمنا معاه عربية أو أكتر وتعليم جامعي أو ثانوي
أنا آسف دي مش نسبة تعبر عن الشعب الكادح
كمان ده كلام سليم:
اقتباس:
الأستطلاع ده مش مظبوط للأسف ...... و معمول بطريقة انه يصب فى مصلحة رأى معين فى النهاية
ببساطة لأن الأختيار الأول حيجمع 3 فئات مع بعض فى تصويت واحد
الفئة الأولى ...... كارهى الثورة بكل أنشطتها و مبادئها و رموزها
الفئة التانية ...... الموافقين على المظاهرات الرافضين للأعتصام
الفئة الثالثة ....... الموافقين على المظاهرات و الموافقين على مبدأ الأعتصام ....... و لكن رافضين لبعض التصرفات
و يبقى الأختيار الثانى ....... وحيدا
و طبعا الأختيار الأول ....... حيكسب و كل واحد من الفئات التلاتة حينسبه لرأيه
كان الأولى زيادة عدد الأختيارات ...... حتى يمكن الحكم على مختلف الأفكار و التوجهات و الأراء بدقة أكبر
و للأسباب اللى فوق أنا مش حصوت دلوقتى
حضرتك بتتكلم جد
و لا مش واخد بالك
لو الشعب الكادح الي حضرتك بتتكلم عنه اغلبه مع الاعتصامات ما كانت هكذا تكون الاعتصامات المزعومة و ما كان التصعيد توقف ابدا لانها ستكون رغبة شعب و يس قلة
و بعدين فيه حاجة مهمة جدا
حضرتك مين قال لك اني عامل الاستطلاع للتعبير به عن رآي الشعب كله؟
انا يا استاذ رزق من اول طرحي للاستطلاع ذكرت انه مؤشر لنا عن راي الاغلبية في المنتدي
م.حاتم السباعي