عرض للطباعة
السلام عليكم
اول مشاركه لى بالمنتدى الرائع
باختصار انا مالك لكورولا 2007 و انقلبت بيا على طريق شرم الشيخ-القاهره
و مستعد اوريكو الصور بصراحه الكورولا مهزله بعد 120 كم بسبب ارتفاعها و عدم اتزانها و كانك على الهوا
زميلى انقلبت به السياره على نفس الطريق كورولا 2007 ايضا و كان سب الانقلاب هو سرعة الرياح مع انه كان ماشى بسرعة 100
بصراحه الكورولا مهزله بكل المقاييس
انا حجزت السيفيك 2008 و مبسوط جدا من انخفاضها على الارض
أولا : الحمد لله علي سلامتك و فداك العربية .... امهم أنت سليم بس
ثانيا : أنا بحترم الكرولا وسط البلد .. يعني مريحة في سواقتها ... بتجري كتسارع يعني كويسة .... كدة يعني .... انما أني أركبها و أسافر بيها و سرعات .... لأ أبدا ملهاش في السكة دي ... أصلا في ( معهد تكنولوجي العاشر من رمضان ) ولاد خالتي هناك .... المهم أنهم عندهم قسم السيارات ممتاز جدا و بيطلعوا ممتازين ما شاء الله ... المهم أنهم بيدرسوا علي الكرولا أن تصميمها من ناحية الثبات و مقاوة الهواء أنه تصميم غلط و أن الهوا بيدخل من حتت كتصميم بيفقد العربية تماسكها خالص ....
أنما السيفيك .... مفيش كلام عليها من الناحية دي خالص .... تصممها هو التصميم المثل لموضوع مقاومة الهوا و كدة ... غير أنها عفشتها ورا (multi link ( و ده تصميم معين لعفشة يطول شرحه بس المهم أنه فعلا بيعالج مشاكل كتير من ناحية الثبات و التماسك .... و ربنا يباركلك فيها ان شاء الله
بقلك الكلام ده عن تجربة للعربيتين
انا بصراحه و بدون تحامل لا انصح احد بشراء التويوتا نهائيا
و مشكور على الرد اخى هانى
مبروك السيفيك وبنا يباركلك فيها
اختلف معك تماما .... يمكن التويوتا علي الطريق مش ثابتة بعد ال120 .... ده صحيح تمامااقتباس:
المشاركة الأصلية كتبت بواسطة mrgmm
لكن التويوتا داخل البلد ... لا تبارى .... فعلا سيارة محترمة جدا داخل البلد ... مالهاش حل
وكل واحد بيجيب السيارة اللي تلبي احتياجاتة ... فيه ناس نادرا ما بتسافر علي طريق ... وكل استعماله داخل البلد ... اعتقد ان الكورولا يبقي مناسبة له جدا .
.. وكذلك الناس اللي مش بتزود عن 100 كم / ساعة ... مش بتوع جري يعني ..
اما اللي بيحب السرعة وبيسافر كتير .... هنا بقي يبقي الكلام بتاع سيادتك مظبوط
انا طبعا ما اقدرش احكم علي الهوندا لأني ما سوقتهاش .... لكن الهوندا مش محتاجة رأيي المتواضع ... لأن شهرتها سابقاها ... وكفاية رأي الزملاء وشكرهم فيها
اما بالنسبة للكورولا .... فدة رأيي ... ولو اختلف عن رأي بعض الزملاء
ولولا اختلاف الاذواق ... لركدت البضائع
وسواء كانت كورولا او هوندا او اي حاجة ... الحمد لله علي سلامتك يا اخ mrgmm وفداك 100 عربية
الف حمدالله على سلامتك وسلامة زميلك
بس معلش لو حضرتك السفر عندك كان لة الاولوية ..كان لازم تدور على الثبات اول شىء
ودة لايعيب الكرولا فى شىء لكن بيجعل هناك اختيارات افضل فى الثبات لمثل هذة الطرق
ومش شرط كمان انها تكون السيفيك
العربية هى مجموعة من المعادلات بتحل احتياجاتك
والارتفاع و الانخفاض عن الارض ليس هو العامل الوحيد فى الثبات
الف حمد الله على سلامتك مرة تانية
ربنا يخليك اخى aif لكن كلنا معرضون للسفر ولا بد تكون السياره اللى تمتلكها مجهزه لأى ظروف
the same accident happened to one of my friends the corolla is not stable at all of course compare to another brands in the same categoryاقتباس:
المشاركة الأصلية كتبت بواسطة mrgmm
Thank you Hisham
It is really bad car
by the way I have Accord 2008 and it is fantastic much better than camry
so you are not in Egypt ???
وقعت في المحظور
يا رب شريف شاكر ميشفش الموضوع ويقولك العربية دي زبالة
فين أيام ال double wishbone suspension ....
الف مبروووووووووووك يا باشا و حمد لله على سلامتك
Yes I am in saudi Arabiaاقتباس:
المشاركة الأصلية كتبت بواسطة mrgmm
ايوه كدة يبقي الموضوع منطقي ....اقتباس:
المشاركة الأصلية كتبت بواسطة HISHAM80
الكامري ما حدش بيتكلم عنها اصلا في مصر .... هنا التويوتا ... يعني كورولا ... وممكن ياريس
لكن انا لاحظت فعلا ان الكامري في السعودية كتير بشكل ملفت للنظر ... اكتر من 128 في مصر ... سنة 1980 :)
yes the camry here used for taxi and limosine services but Honda Accord is much better especially in the dashboard design I had honda here since one month as I ranted from agent here .the stability like dream I reached 200 KM you feel like it is 50 kmاقتباس:
المشاركة الأصلية كتبت بواسطة aif
may next month I will rent camry and make comparison between both btu I will keep the Accord for two months at least as I love it
ألف مبرووووك عالسيفيك و حمدلله عالسلامه
اقتباس:
المشاركة الأصلية كتبت بواسطة mrgmm
اخ مرجم هيا مش الكرولا بتاعتك كانت كحلي تقريبا
عموما انت ممكن تتكلم عن ثبات السيفك ومقدرش اتكلم معاك بس ده ثبات من اللي بيوجع الضهر واخويا هشام الفقي شاف انطباعي اول ما ركبت وماكنتش قادر اسند ضهر من احساس العربية العالي بالمطبات
الكرولا ما ينفعش العربية دي يتحطلها جنوط 14 وR70
كانك جبت عداء ولبستة شبشب وعايزة يكسر رقم قياسي جديد
ده كلام
انا العربية دي اقل واجب فيها 15 ان ماكنش 16 عشان يظبط العربية ونحط مساعدين وسوست زي بتوع السيفك واوريلك ثبات عمرك ما حلمت بيه
لكن هيا المساعدين بتوعها نسبة الزيت فيها عالية قوي عشان كدة طراي وكمان السوست بتاعتها طرية قوي مع صغير حجم الجنط كل ده بيخلي العربية مش ثابتة على السرعات
لكن بقي انا اول ما جبت العربية وقبل ما اتم 3 الالاف نزلت شلت الكاوتش التويو وجبت بريدجستون 15 سرعات وسوبر سايلانت وطقم جنوك اسبور تايواني محترم من ارابكوم وكنت هاجيب 16 بس المشاكل اللي في ضهر يخلتني اتراجع وتعالي جرب عربيتي في اي وقت وهيا 2007 ولو حسيتها عايمة معاك لغاية 15 ليك حق
وانا ركبت العربية دي بجنوك 16 ثبات غير عادي مع سوستيتن كوني سبور نزلو ارتفاع العربية بوصة كاملة
ده الكلام بقي
لكن ماقرنش عربية سبوووور وعفشتها سبور زي سيفك والترا بعربية عفشتها مريحة وناعمة ونقول بقي دي بتعوم
يبقي انا اقول علي السيفك دي بتدب
انا شايف معاك ان الكورولا مريحه جواها اوى وواسعه وتحس بالنعومه بس مجربتهاش فى سفراقتباس:
المشاركة الأصلية كتبت بواسطة m7md_hany2
بس اعتقد يعنى ان التصميم الجديد وخصوصا من اللى شايفه ان قاعده العجلات بقت اكبر فاظن ان الموضوع ده اتعالج وان مكانش يبقى الناس فى تويوتا من الاول يقولوا العربيه دى مش للسفر
وياريت لو حد عنده فكره عن الكورولا الجديده ومشاكل الثبات
أنا يا جماعة لسه جايب تويوتا كويتي 2008 من أسبوع بالظبط
بتفرق عن السعودي في فتحة السقف و الجنوط ال:)16
و لسه مسافرتش بيها خالص عشان عندي امتحانات حاليا و مش عارف أروح أي حتة:mad:
و كنت عاوز أسألك يا أخ كريم اذا كانت الكوولا الجديدة بالجنوط ال 16 ممكن تبقى مش ثابتة برضه؟؟؟
خصوصا اني بجري جامد و دلوقتي سمعت ناس بتقول مش ثابتة على 100 و 120:eek::confused:
أنا كان معايا نوبيرا قبلها و ماكنتش بمشي أقل من 140 و مكنش عاجبني الثبات
يا ريت حد يقوللي هل هأفضل أعاني من مشكلة قلة الثبات ولا ايه؟؟؟:(
you got the new shape the stability problem was in 2007 the old shape
ياجماعه مع احترامي
الثبات كويس مااختلفناش .. بس الارتفاع كمان مهم جداااااااااا عشان المطبات الجميلة اللي الحكومة مبعتراها بكرم حاتمي في كل شوارع مصرنا الحبيبة ..
حكة العربية بالمطب تحس انها جات في بطنك انت مش في العربية! وتقعد تتنرفز وتبرطم بكلام مالوش أي فايده غير انه يرفع ضغطك ، وبرضه عالفاضي .. ولاحد بيسمع ولاحد بيستجيب لآهات المواطنين المحكوكين!!
http://www.postimage.org/Pq_H_z9.gif