اختبارات الرخصة المهنية درجة ثالثة عبارة عن اية؟؟
اختبارات الرخصة المهنية درجة ثالثة عبارة عن اية؟؟
لاتنسوني في الردود
هى اختبارات عاديه تقريبا بس بتتعرض على كومسيون طبى مش مجرد شهادة نظر وباطنه
وبتسلمهم شهادة الجيش الاصليه
وبتعمل فيش وتشبيه
يعنى كانك حتشتغل فى وظيفه بالظبط
واختبار الاشارات والسواقة والميكانيكا؟
يا عم انت هتروح تختبر عادي زى الخاصة بس بيزيد الفيش و شهادة الجيش زى ما أ/ مصطفي قال لحضرتك و بعد لما تنجح بإذن الله هتروح علي التأمين الصحي تشمر البنطلون للركبة و ارفع ايدك لفوق طيب مدها قدامك طيب هتروح تكشف نظر و تحلل بول و خلاص
تستلم الرخصة و تشتري تاكس و تعمل 1000 في اليوم :ma:
ربنا يطمنك طيب ما انا معايا خاصة وطالما الاتنين واحد يبقي حختبر تاني لية؟اقتباس:
المشاركة الأصلية كتبت بواسطة mok3336
انت عاوزها ليه
والله سؤال مهم فعلا بص ياباشا انا شغلي في مجال المبيعات وفي شركات تشترط عشان تشتغل فيها يبقي معاك مهنية تالتة فضلا عن اني ممكن مستقبلا اشتري تاكسياقتباس:
المشاركة الأصلية كتبت بواسطة moustafa_saad
انا تفكيري اني حعملها واخلص اجراءتها واللي اعرفه ان في حاجة اسمها اني احفظ الرخصة المهنية في المرور واستلم بدلها خاصة ولما اعوز المهنية اروح اعمل لها استرجاع
اية رائيك؟
بصراحه حكاية الاسترجاع والحفظ دية مش عارفها بس اكيد تنفع لانها منطقيه انك ممكن تستغنى عن المهنيه لو مش عاوزها وتاخد الخاصه
بس خلى بالك المهنيه بتدفع عليها تامينات واشتراكات نقابه وفلوس مش قليله على ما اعتقد وبتتجدد كل سنه او اتنين او تلاته على حسب مبلغ التامين اللى بتدفعه يعنى زى رخصة العربيه تقريبا
لو تاكسى يبقى فعلا لازم مهنيه
لو عربيه بيك اب ممكن تسوقها برخصه خاصه عادى بدون اى مشاكل الا لو شركتك اشترطت المهنيه
انا خالى كان عنده شركة مقاولات واشتغلت معاه اكتر من 5 سنين كان معايا فيهم عربيه نيسان بيك اب او نص نقل زى مابيسموها وكنت بسوقها بالخاصه بتاعتى ولفيت بيها كل مصر مفيش حد ابدا قالى عليها حاجه
بس كنت بامشى بيها فاضيه مقضيها مشاوير بدل ماستهلك الملاكى فى المواقع والجبل والغرز خصوصا ان الجاز ساعتها كان ب 40 قرش وكنت بفول التانك ب 16 جنيه واحرت بيهم من مصر للاسكندريه
بس مره واحد سواق عندى فى الشغل قالى لو شافوك محملها حاجه حيسحبوا رخصتك لانها خاصه بس بصراحه مش مقتنع بكلامه يظهر شكله كان طمعان فى العربيه لانها كانت يابانى اصلى ونضيفه جدا كانت انعم من الملاكى
شكرا ليك ياباشا وفعلا كرمك سليم بس اعتقد انك تقدر تحمل بيها عادي مفيش مشكلة لانا بتتساق بخاصةاقتباس:
المشاركة الأصلية كتبت بواسطة moustafa_saad
اعتقد كده برده لانى زى ماقولتلك مش مقتنع بكلامهاقتباس:
المشاركة الأصلية كتبت بواسطة mohamed2002
بس عموما انا سيبت الشغل ده خلاص من 6 سنين
ربنا معاك ان شاء الله
اية موضوع اشتراك في نقابة السائقين اللرخصة المهنية؟
طالما حتطلع رخصه مهنيه يبقى لازم تشترك فى نقابة السواقيناقتباس:
المشاركة الأصلية كتبت بواسطة mohamed2002
طيب منا عضو في نقابة التجاريين ينفع اشترك في نقابتين ؟
اكيد ينفع
مش عارف اذا كان الموضوع دة ينفع ولا لا؟؟اقتباس:
المشاركة الأصلية كتبت بواسطة moustafa_saad
استفسار هل هما بياخدو اصل شهادة الجيش والتخرج ولا صور؟
بياخدوا الاصل
كانك بتقدم على وظيفه بالظبط
بس المؤهل ممكن يستكفوا باى شهاده زى الثانويه العامه او حتى الاعداديه يعنى اى حاجه تثبت انك بتقرا وتكتب والله اعلم
تمامم تمام لما اروح حبقي واخد كذا شهادة معايا
طب كدة الموضوع كبر يا رجالة
طيب دلوقتى لو حتى عديت 21 سنة بس لسة مروحتش الجيش عشات الكلية بقى وكدة
وطبعا مش عامل تامينات تبع النقابة بتاعتهم
هينفع تطلع المهنية ثالثة وللا لازم الموقف من التجنيد اللى هو شهادة الجيش وللا ممكن التاجيل بتاع الدراسة ينفع
لازم موقف التجنيد ولا زم خطاب من نقابة النقل البري
بص ياباشا بالنسبة لموقفك من الكلية عادي انت ممكن تقدم علي المهنية بالثانوية العامة